Neemi 9:1 - A SƐB-SÕW

¹ A cuwr ayopõi sob bibie lɩzɛr'ɩ anaar sob daar, a Ɩsɩrayɛl nɩbɛ tɩ ɓã n taa kɛ́ bɛ tɛr mʋta-tuo. Bɛ tɩ su n vʋɔrɩ kparɩ ɛ́ 'wɔ̃w tanɛ ƴãw a bɛ zurú.

Neemi 9:1 ပူးပေါင်းရင်းမြစ်များ

2 Samɩɛl 1:2

A bibie ata sob a, nɩr kãw tɩ yi n a Sawul zɛbr laɩ pʋɔ wa ta. A ʋ bʋ̃-suuri tɩ cɩɛr cɩɛr'a, ɛ́ a ʋ zu ɩ tanɛ ʋ za. Ʋ na tɩ ta a Daviir zie a, ʋ tɩ lo na gbĩ dume ɛ́ gũu tɩ tɔ tẽw.

2 Bibie za yel-manɩ 20:3

Dɛ̃bɩ̃ɛ tɩ nyɔw nɩ a Zozafatɩ ʋ yel k'ʋʋ na sowr'ɩ a Sore kaa, ɛ́ ƴãw k'aa Zuda naalʋ-tẽw nɩbɛ za tɛr mʋta-tuo.

2 Bibie za yel-manɩ 7:10

Al pùorí, a cuwr ayopõi sob bibie lɩzɛr'ɩ ata sob, a nãà tɩ bɛr'ɩ a Ɩsɩrayɛl nɩbɛ bɛ lɛb kul. Nʋ̃ɔ̀ tɩ ɩrɛ bɛ nɩ yaga, ɛ́ a bɛ pʋʋr pɛlɩ, bʋ̃ʋ n'ʋ vɛ̃, a Sore tɩ wul'ɩ a ʋ nɔ̃wfʋ a Daviir, a Salomɔ̃ nɩ a ʋ nɩ-bʋʋrɛ Ɩsɩrayɛl.

Ɛsɩdɩrasɩ 8:21

A Ahawa bà-gbɛrɩ́ be a, ɩ̃ tɩ yel'a k'aa fɛr'a kɛ́ tɩ tɛr mʋta-tuo, siwri tɩ tʋɔra a tɩ Naaŋmɩn niŋé, ʋ tʋ̃ɔ́ ɩ a tɩ sɔ́r ʋ vɩɛl, a tɩɩm nɩ a tɩ yie dem nɩ a tɩ bʋ̃-tɛrɩ ƴãw.

Ɛsɩdɩrasɩ 8:23

Lɛ n'a tɩ tɩ tɛr a mʋta-tuo, ɛ́ zɛlɩ a tɩ Naaŋmɩn k'ʋʋ gùre tɩ, ʋʋ tɩ wõ a tɩ puoru.

A Zɔb sɛbɛ 2:12

Bɛ na tɩ cãà zãá a, bɛ tɩ nyɛ̃ nɩ a Zɔb bãw gù. Lɛ n'a bɛ tɩ vaa kɔkɔr kone. Ŋa za tɩ nyɔw nɩ a ʋ kpar-kpɛ̃ɛ taw cɩɛrɩ ɛ́ yɛ́lɩ uuru ƴãw a ʋ zũú.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Levitɩ mɩnɛ 23:34

k'ʋʋ tɛr wulu á ŋá a Ɩsɩrayɛl nɩbɛ zie: “A cuwr ayopõi sob, a bibie pie nɩ anũu sob a, nyɩ na maal'ɩ a Sɛwr cuw bibie ayopõi, a ɩ̃ ƴãwfʋ ƴãw.

Levitɩ mɩnɛ 23:39

A cuwr ayopõi sob bibie pie nɩ anũu sob a, nyɩmɛ wa de a bʋ̃-dieri baar'a, nyɩ na tĩ nɩ bibie ayopõi cuw maalʋ a ɩ̃ ƴãwfʋ ƴãw. A bibi-dãw-niwn sob nɩ a bibie ani sob na ɩ n pɩ̃ɛnʋ bibie.

Zozue 7:6

Lɛ n'a a Zozue nɩ a Ɩsɩrayɛl nɩbɛ nɩ-kore tɩ taw a bɛ bʋ̃-suuri cɩɛrɩ, ɛ́ 'wɔ̃w tanɛ ƴãw a bɛ zurú, ɛ́ lo vɔblɩ muru a Sore wõ-taa daga niŋé tɩ ta n zaanʋɔra.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

Ƴɛ̀r-dɩrbɛ 20:26

Lɛ n'a a Ɩsɩrayɛl nɩbɛ za tɩ cen a Betɛl. Bɛ tɩ zɩ̃ n a Sore niŋé kõ, ɛ́ tɛr mʋta-tuo a ʋlɩ bibir nɛ tɩ ta n a zaanʋɔra. Bɛ tɩ maal'ɩ nyɩw-a-za-bàwr nɩ ƴã-ɓaarʋ bàwr kʋ̀ a Sore.

1 Samɩɛl 4:12

A bibir nɛ tɔr za a, Bɛ̃zamɛ dɔwlʋ nɩr kãw tɩ yi n a zɛbr zie zɔ tɩ ta a Silo. Kpar-zarmɛ n'a ʋ tɩ su, ɛ́ ŋmɛ tanɛ a zũú, a ɩ pʋ-sãwna bãwfʋ.

1 Samɩɛl 7:6

A Ɩsɩrayɛl nɩbɛ tɩ ɓã n taa a Misɩpa. Bɛ tɩ 'wɔ̃w nɩ kʋ̃ɔ cir bɛr a tẽw a Sore niŋé. A ʋlɩ bibir a, bɛ tɩ tɛr'ɩ mʋta-tuo a be ɛ́ yel à ŋá: «Tɩ maal'ɩ yel-bier sãw a Sore.» A Misɩpa be n'a a Samɩɛl tɩ ɩ a Ɩsɩrayɛl nɩbɛ ƴɛ̀r-dɩrɛ.