Neemi 8:9 - A SƐB-SÕW

⁹ A lãw nɩbɛ za na tɩ wõ a Naaŋmɩn wulu ƴɛ̀rʋ a, bɛ tɩ kone na. Alɛ n'a so a na-kpɛ̃ɛ-lɩɛrɛ Neemi, a bàwr-maalɛ Ɛsɩdɩrasɩ na ɩ a Naaŋmɩn wulu bãw-bãw-kara a, nɩ a levitɩ mɩnɛ na tɩ íre a kanʋ pɛr a, tɩ yel bɛ za à ŋá: «A Sore nyɩ Naaŋmɩn so a bibir ŋa! Pʋ-sãwna nɩ kon bibir bɛ n'ʋ ɛ.»

Neemi 8:9 ပူးပေါင်းရင်းမြစ်များ

2 Na-mɩnɛ 22:11

A nãà Zozɩasɩ na tɩ wõ a Naaŋmɩn wulu sɛbɛ ƴɛ̀r-bie a, a dam ʋ na, ʋ taw a ʋ kparɩ cɩɛrɩ.

2 Na-mɩnɛ 22:19

A dam'ɩ a fʋ socir, fʋ siwri nɩ fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú. Bʋ̃ʋ n'ʋ vɛ̃, ɩ̃ yel'a k'aa tẽ-kpɛ̃ɛ ŋa na lɩɛb'ɩ wɛja-kpalɛ, nɩ zie bɛ na ŋmɛ ƴãw a. Fʋ taw nɩ a fʋ kparɩ cɩɛrɩ ɛ́ kõ a ɩ̃ niŋé. A na ɩ à ŋá a, a mãa mɩ̀ a, ɩ̃ wõ n a fʋ ƴɛ̀rʋ, mãa n'ʋ yere.

2 Bibie za yel-manɩ 15:3

A daar bɛ gbʋ́r ɛ, a Ɩsɩrayɛl nɩbɛ na bɛ tɛr a Naaŋmɩn-sɩza a ɩ, bɛ tɛr bàwr-maalbɛ bɛ na wul bɛ ɩ, bɛ tɛr a Wulu ɛ.

2 Bibie za yel-manɩ 30:22

A Ezekɩasɩ ƴɛ̀r-bie tɩ tɔ n a levitɩ mɩnɛ bɛl za na tɩ tɛr tɩɛr-vɩɛlɩ a Sore ƴãw a. Bɛ tɩ cow nɩ a cuw bibie ayopõi, maalɛ nɩ ƴã-ɓaarʋ bàwr ɛ́ danɛ a Sore, a bɛ sãà mɩnɛ Naaŋmɩn.

2 Bibie za yel-manɩ 34:19

A nãà Zozɩasɩ na tɩ wõ a Naaŋmɩn wulu sɛbɛ ƴɛ̀r-bie a, a dam ʋ na, ʋ taw a ʋ kparɩ cɩɛrɩ.

2 Bibie za yel-manɩ 34:21

«Nyɩ cen tɩ sowri a Sore kaa, a mãa nɩ a Ɩsɩrayɛl nɩbɛ na cɛ a nɩ a Zuda nɩbɛ ƴãw. Nyɩ sowri bãw a sɛbɛ ŋa bɛ na nyɛ̃ a ƴɛ̀r-bie pɛr. Bʋ̃ʋ n'ʋ vɛ̃, a tɩ sãàkʋm-kore bɛ sàw a nɛ-ƴãwnɩ na be a ʋ pʋɔ a ɩ, alɛ so a Sore suur ìr a tɩ ƴãw bɛ dɩ vuo ɩ.»

2 Bibie za yel-manɩ 35:3

Al pùorí, ʋ tɩ ƴɛ̀r'ɩ a levitɩ mɩnɛ zie, bɛl na so a nɩbɛ wulu, ɛ́ ɩ Naaŋmɩn nɩ-sori a. Ʋ tɩ yel bɛ na: «Nyɩ ƴãw a wõ-taa daga a yir-kpɛ̃ɛ pʋɔ, a Daviir bidɛb Salomɔ̃, a Ɩsɩrayɛl nãà, na ŋmãa a. Nyɩ kʋ̃ lɛb tuo ʋ a nyɩ bawŋmamɛ zu ɛ. Ƴɛrɛŋa a, nyɩ tone a Sore nyɩ Naaŋmɩn nɩ a ʋ nɩ-bʋʋrɛ Ɩsɩrayɛl tome.

Ɛsɩdɩrasɩ 2:63

A na-kpɛ̃ɛ-lɩɛrɛ tɔr za tɩ yel bɛ na kɛ́ bɛ taa dɩrɛ de-kʋ̀b bome Naaŋmɩn yõ na so a ɩ, ɛ́ gù bàwr-maalɛ kãw wa lɔb a kpan-bie bãw lɛ bɛ na na ɩ a.

Ɛsɩdɩrasɩ 7:11

A bàwr-maalɛ Ɛsɩdɩrasɩ ɩ n a wulu nɩ a nɛ-ƴãwnɩ a Sore na kʋ̀ a Ɩsɩrayɛl a bãw-bãw-kara. A sɛb-tʋɔla a nãà Artazɛrsɛsɩ na kʋ̀ ʋ a ƴɛ̀r-bie n'ɩ á ŋá:

Neemi 10:1

A yele á ŋá za na tɩ ta tɩ a zũú, a tɩɩm Ɩsɩrayɛl nɩbɛ, tɩ tɩ yel'ɩ a lɛ tɩ na na ɩ tuotuo a, ɛ́ sɛb a ƴãw sɛbɛ pʋɔ. A tɩ nɩ-bɛrɛ, a tɩ levitɩ mɩnɛ nɩ a tɩ bàwr-maalbɛ tɩ nɛ̃ nɩ a nũu a sɛbɛ na tɛr a ŋmaarʋ-bʋ̃-ƴãwna a zu.

Neemi 12:26

Bɛ tɩ tone nɩ a bɛ tome a Yosadakɩ yãw nɩ Zozue bidɛb Yoyakim daar, nɩ a na-kpɛ̃ɛ-lɩɛrɛ Neemi nɩ a bàwr-maalɛ Ɛsɩdɩrasɩ na ɩ a Naaŋmɩn wulu bãw-bãw-kara a daar.

Neemi 7:65

A na-kpɛ̃ɛ-lɩɛrɛ tɔr za tɩ yel'a kʋ̀ bɛ kɛ́ bɛ taa dɩrɛ bàwr-maal-bome ɩ, ɛ́ gù a bàwr-maalɛ tɩ lɔb a kpan-bie bãw a bɛ yele.

Neemi 7:70

A yie nɩ-bɛrɛ bɛl tɩ tɩr'ɩ salm-zɩɛ libie tùr-lɩzɛr (20 000) nɩ salm-pla kilo túr'ɩ kʋba (1 100).

Ekilezɩasɩ 3:4

Kon daar be n be, laarʋ daar be be. Kuor cɛlsɩ daar be n be, nʋ̃ɔ̀ bɩnɛ daar be be.

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Levitɩ mɩnɛ 23:24

k'ʋʋ tɛr wulu á ŋá a Ɩsɩrayɛl nɩbɛ zie: “A cuwr ayopõi sob bibi-dãw-niwn sob na ɩ n zɩ̃-pɩ̃ɛnʋ bibir a nyɩ zie, cãà-bãwnɩ nɩ nʋ̃ɔ̀-cɛlsɩ ŋmɛb bibir nyɩ na na mɩ́ ɓã taa a ɩ̃ ƴãwfʋ ƴãw a.

Malasɩ 2:13

«À ŋá n'a nyɩ mɩ̀ cãà lɛb ɩrɛ: nyɩ mɩ́ kõ na cir mʋta-kʋ̃ɔ laarɩ a Sore bàwr-maal-kuur. Nyɩ mɩ́ kone na siwre nɩ, a Sore na bɛ cãà ŋmɛlɛ kaar a nyɩ de-kʋ̀b bome a ƴãw, ʋ na bɛ cãà sàwr dier a bome nyɩ na kʋ̀rɛ ʋ a.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 7:9

A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃,

Wulu-ayi-sob 12:12

A Sore nyɩ Naaŋmɩn zi-sõw pʋɔ be a, nʋ̃ɔ̀ na mɩ́ ɩrɛ nyɩ na, a nyɩɩm, a nyɩ bibiir, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na kpɩɛr a nyɩ tẽ-bɛrɛ pʋɔ a, bɛl na bɛ tɛr tẽsɔw bɛ na põ ír kʋ̀ bɛ a nyɩ sɔgɔ a ƴãw.

Wulu-ayi-sob 12:7

A Sore zi-sõw pʋɔ be mɩ̀ n'a, nyɩɩm nɩ a nyɩ yie dem na mɩ́ lãw dɩ a bàwr-maal-bome. Nʋ̃ɔ̀ na mɩ́ ɩrɛ nyɩ na, a Sore nyɩ Naaŋmɩn na maalɩ nyɩ a nyɩ tome za pʋɔ a ƴãw.

Wulu-ayi-sob 16:11

Nyɩ na mɩ́ cen nɩ a zie ʋl a Sore na na kaa ír, k'ʋʋ mɩ́ wul k'aa be n'a ʋ be a. A be a, nʋ̃ɔ̀ na mɩ́ ɩrɛ nyɩ na, lãwnɩ a nyɩ bidɛbr nɩ a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na be a nyɩ tẽ-bɛrɛ pʋɔ a, nɩ a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.

Wulu-ayi-sob 26:14

Ɩ̃ bɛ dɩ a tɛra ziir pie sob kãw za, a lɛ ɩ̃ na tɩ tɛr kuor a ɩ. Ɩ̃ bɛ ír bom za tɩr a lɛn daar ɩ̃ na tɩ ɩ dɛwr sob a ɩ, ɛ́ bɛ ír bom za tɩr kũu ƴãw ɛ. Sore ɩ̃ Naaŋmɩn i, ɩ̃ bɛr'a wõ a lɛ fʋ na yel a, ɩ̃ sàw nɩ a fʋ nɛ-ƴãwnɩ.

Zakɩ 4:9

Nyɩ sàw a nyɩ bãbàalʋ, nyɩ ɩ ko-tuolu dem, nyɩ kone. Nyɩ bɛr laarʋ ɛ́ kone, ɛ́ a nyɩ nʋ̃ɔ̀ lɩɛbɩ pʋ-sãwna.