Neemi 8:16 - A SƐB-SÕW

¹⁶ Lɛ n'a a Ɩsɩrayɛl nɩbɛ tɩ cen tɩ kar a wuli wa maal'ɩ a sɛwr a bɛ garɛ zu, bɩɩ a bɛ davʋrɩ pʋɔ, bɩɩ a Ŋmɩn-yir-kpɛ̃ɛ davʋrɩ pʋɔ, nɩ a ziir al na tori a Kʋ̃ɔnɩ dɩ̃dɔr nɩ a Efarayim dɩ̃dɔr a.

Neemi 8:16 ပူးပေါင်းရင်းမြစ်များ

2 Samɩɛl 11:2

Zaanʋɔra kãw, a Daviir tɩ ìr'ɩ a ʋ gado zu, cɔlɛ a nãà yir garʋ́. A garʋ be a, ʋ tɩ wɩɛr'a tɩ nyɛ̃ pɔw na suor kʋ̃ɔ a. A pɔw tɩ pɔ̀l'a bɛ dɩ vuo ɩ.

2 Na-mɩnɛ 14:13

A Bɛtɩ-Semɛsɩ be a, a Ɩsɩrayɛl tẽw nãà, Zowasɩ, tɩ nyɔw nɩ a Zuda tẽw nãà, Amazɩasɩ, na ɩ a Zowasɩ bidɛb, ɛ́ ɩ a Akazɩasɩ yãw a, ʋ ɩ gaso-nɩr. Ʋ tɩ yi n a be cen a Zerizalɛm, tɩ tĩ a Efarayim dɩ̃dɔr ƴãw ɛ́ ŋmɛ a dacĩ-kpɛ̃ɛ ŋmɛr bɛr tɩ sãá nɩ a Dacĩ-gõgon dɩ̃dɔr ƴãw, a wogo za ta mɛtɩr kɔbr ayi (200).

2 Bibie za yel-manɩ 20:5

A Zozafatɩ tɩ ìr'a àr a Zuda tẽw lãw nɩbɛ nɩ a Zerizalɛm lãw nɩbɛ sɔgɔ tori a Ŋmɩn-yir-kpɛ̃ɛ davʋr-paala,

2 Bibie za yel-manɩ 33:5

Ʋ mɩ̀ tɩ mɛ n bàwr-maal-kube a Ŋmɩn-yir-kpɛ̃ɛ davʋrɩ a za ayi pʋɔ, a salom zu bʋ̃-nyɩwrɩ za ƴãwfʋ ƴãw.

Neemi 12:37

Bɛ na tɩ ta a Bule dɩ̃dɔr ƴãw a, a tɩ ɩ n a zie ʋl na dúor a «Daviir Tẽ-kpɛ̃ɛ́» a. A dacin mɩŋa n'ʋ bɛ tɩ nyɔw do, tɩ àr do gãw a nãà Daviir yir. Al pùorí, bɛ tɩ cãà na cen tɩ ta a Kʋ̃ɔnɩ dɩ̃dɔr na be a Zerizalɛm saa-pɛrɩ́ a.

Neemi 12:39

Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

Neemi 3:26

nɩ a Ŋmɩn-yir-kpɛ̃ɛ tõ-tõ-biir na kpɩɛr a Ofɛl vuo pʋɔ a, tɩ tõ na tɩ tɔ a dacĩ-kpɛ̃ɛ gõgon yir-cõcowla na be a Kʋ̃ɔnɩ dɩ̃dɔr saa-pɛrɩ́ a.

Neemi 8:1

A cuw bibi-dãw-niwn sob, bɛ tɩ ɓã n taa mɛ̃ nɩ-been a, a Zerizalɛm, a zie ʋl na tori a Kʋ̃ɔnɩ dɩ̃dɔr a. Bɛ tɩ yel'ɩ a bàwr-maalɛ Ɛsɩdɩrasɩ, na ɩ a Naaŋmɩn wulu bãw-bãw-kara a, k'ʋʋ de a wulu sɛbɛ wa n, a wulu a Sore na tɩ ƴãw a Moyiir kʋ̀ a Ɩsɩrayɛl nɩbɛ a. A Ɛsɩdɩrasɩ tɩ de ʋ na wa n a lãw nɩbɛ na ɩ dɛbr, pɔwbɛ nɩ a bibiir bɛl na na tʋ̃ɔ́ wõ a ƴɛ̀rʋ a niŋé.

Neemi 8:3

A Ɛsɩdɩrasɩ tɩ àr'ɩ a zie nɛ na tori a Kʋ̃ɔnɩ dɩ̃dɔr a, ɛ́ kanɩ a sɛbɛ pʋɔ, a zi-wɛl-paala tɩ ta a mʋ̃tɔ̃w na do põ-zɛ̃-taa a, a dɛbr, a pɔwbɛ nɩ a bibiir bɛl na na tʋ̃ɔ́ wõ a ƴɛ̀rʋ a niŋé. A nɩbɛ za tɩ maal'a bɛrɛ wone a kanʋ ŋa.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Wulu-ayi-sob 22:8

Nyɩmɛ wa ŋmaarɛ yir-paala a, nyɩ na vibl'ɩ a gàr dacine, kɛ̀ nyɩ taa wa so nɩr na yi a gàrʋ́ lo a kũu ɛ.