Neemi 8:10 - A SƐB-SÕW

¹⁰ A Ɛsɩdɩrasɩ tɩ yel'a ƴãw pʋɔ: «Nyɩ kul tɩ dɩ bʋ̃-dɩ-vɩɛlɩ, nyɩ tɩ nyũ dã-nʋʋr, ɛ́ a bɛlɩ dem na bɛ cɔbrɩ bom a, nyɩ ɩ a bɛ dem kʋ̀ bɛ, bʋ̃ʋ n'ʋ vɛ̃, a tɩ Sore so a bibir ŋa! Nyɩ ta tɛr pʋ-sãwna ɩ! A nʋ̃ɔ̀ na yi a Sore zie a n'ɩ a nyɩ fãw.»

Neemi 8:10 ပူးပေါင်းရင်းမြစ်များ

1 Na-mɩnɛ 8:66

A dàrʋ ayi sob bibie ani sob, a nãà tɩ bɛr'ɩ a Ɩsɩrayɛl nɩbɛ kɛ́ bɛ lɛb kul a bɛ yie pʋɔ. Bɛ tɩ puor'ɩ a nãà, ɛ́ lɛb kul a bɛ yie pʋɔ, ɛ́ nʋ̃ɔ̀ ɩrɛ bɛ yaga, a bɛ pʋʋr pɛlɩ, a vla za a Sore na tɩ maalɩ a ʋ tõ-tõ-bie Daviir, nɩ a ʋ nɩ-bʋʋrɛ Ɩsɩrayɛl a ƴãw.

1 Bibie za yel-manɩ 16:27

Vɩɛlʋ nɩ cãà n'a be a ʋ niŋé, kpɛnʋ nɩ dɛpaalʋ n'a be a be ʋ na be a.

Neemi 8:11

A levitɩ mɩnɛ tɩ ɓaalɛ nɩ a nɩbɛ yere nɩ: «Nyɩ bɛr a kon! A Naaŋmɩn so a bibir ŋa. Nyɩ ta tɛr pʋ-sãwna ɩ!»

Neemi 8:12

Lɛ n'a bɛ za tɩ kul a bɛ yie pʋɔ kɛ́ bɛ tɩ dɩ kɛ́ nyũ. Bɛ tɩ lãw nɩ nɩ a bɛlɩ dem na bɛ tɛr bom a, ɛ́ tɩ maalɩ cuw-kpɛ̃ɛ. Bʋ̃ʋ n'ʋ vɛ̃, bɛ tɩ wõ n a ƴɛ̀rʋ bɛ na ƴɛ̀r kʋ̀ bɛ a vla.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 89:17

Bɛlɛ wa wõ a fʋ yúor a, nʋ̃ɔ̀ mɩ́ ɩrɛ bɛ na bɛ ƴawr bibie za. A fʋ mɩnʋ zũú n'a bɛ mɩ́ zɛwr bɛ tʋɔra.

Zʋkpaɩ 17:22

A su-nʋ̃ɔ̀ mɩ́ sõw nɩ a sanʋ ƴãw, ɛ́ a pʋ-sãwna siwre a fãw.

Ekilezɩasɩ 11:2

Ɛcɛ ta de a fʋ na-bome za ƴãw zi-been ɛ, bʋ̃ʋ n'ʋ vɛ̃, fʋ bɛ bãw a yel-faa ʋl na na tʋ̃ɔ́ ta a tẽw zu a ɩ.

Ekilezɩasɩ 2:24

A nɩsaal bʋ̃-vla yõ n'ɩ k'ʋʋ dɩrɛ, k'ʋʋ nyuur ɛ́ wone nʋ̃ɔ̀ nɩ a ʋ tome tɔnɛ. A mãa a, ɩ̃ nyɛ̃ na kɛ́ Naaŋmɩn n'ʋ mɩ̀ mɩ́ tɩr a lɛ.

Ekilezɩasɩ 3:13

Nɩr na mɩ́ wa dɩrɛ ɛ́ nyuur, ɛ́ páwr a ʋ tome tɔnɛ a, Naaŋmɩn n'ʋ mɩ́ kʋ̀ ʋ.

Ekilezɩasɩ 5:18

Lɛb waar mɩ̀, Naaŋmɩn na tʋ̃ɔ́ na kʋ̀ nɩr naalʋ nɩ tɛra, ɩ ʋ so a dɩrɛ, íre a tome tɔnɛ wone nɩ nʋ̃ɔ̀. Naaŋmɩn bʋ̃-kʋ̀ra n'ʋ.

Ekilezɩasɩ 9:7

A lɛ pʋɔ a, mɩ́ dɩ a fʋ bʋ̃-dɩra nɩ nʋ̃ɔ̀, ɛ́ nyũ a fʋ divɛ̃ nɩ cɩlʋ, bʋ̃ʋ n'ʋ vɛ̃, koro kãw za n'a Naaŋmɩn sàw de a fʋ tome.

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Zakari 14:21

A Sore, a Kpɛnʋ-za-sob, na so nɩ a ziduwli za na be a Zerizalɛm nɩ a Zuda tẽw pʋɔ a. A bɛlɩ dem na mɩ́ wa bàwr maalʋ ƴãw a, na mɩ́ de a na dʋw nɩ a nɛn. A daar ŋa wa ta a, yɛ-yɛrɛ kãw za kʋ̃ lɛb be a Sore, a Kpɛnʋ-za-sob, yir-kpɛ̃ɛ pʋɔ ɩ.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

2 Korɛ̃tɩ 8:2

Kpɩɛrʋ ta n a be kɩrɩta-nɩbɛ yaga za, ɛcɛ bɛ tɩ cãà cɩlɛ yaga za ɛ́ tɩr a bɛ bʋ̃-tɛrɩ yaga yaga zawlalɛ, bɛ na saa bɛ tɩ tɛr a a.

Filib 3:4

Ɛcɛ ɩ̃ mɩ̀ na tʋ̃ɔ́ na ƴãw a ɩ̃ tɩɛrʋ a mãa mɩŋa ƴãw. Nɩ-yũo wa tɩɛrɛ k'ʋʋ na tʋ̃ɔ́ na ƴãw a ʋ tɩɛrʋ ʋl mɩŋa ƴãw a, ɩ̃ na tʋ̃ɔ́ na ɩ a lɛ zuo.

Yel-wula 11:10

Nʋ̃ɔ̀ na ɩrɛ nɩ a tẽw zu nɩbɛ a nɩbɛ bɛ ŋa kũu ƴãw. Bɛ na cɩlɛ na kʋ̀rɛ nɩ taa bome, bʋ̃ʋ n'ʋ vɛ̃, a ƴɛ̀r-manbɛ bɛ ŋa ayi tɩ dɔwrɩ bɛ nɩ yaga.

1 Samɩɛl 25:8

Sowri bɛ kaa, bɛ na yel'a kʋ̀ b. Lɛ n'a so a Daviir zɛlɛ fʋ, kɛ́ fʋ tuori nyɔw tɩ vla, a dɩ̃a na ɩ cuw bibir a. Tɩ zɛlɛ fʋ na, kʋ̀ a tɩɩm nɩ a fʋ tõ-tõ-bie Daviir bom nɛ fʋ na na tʋ̃ɔ́ a.»