Neemi 6:16 - A SƐB-SÕW

¹⁶ A tɩ dɔ̃ dem na tɩ be a tẽ-kpɔwlɩ pʋɔ a na wa wõ a yel ŋa a, dɛ̃bɩ̃ɛ tɩ ɩrɛ bɛ na, ɛ́ vĩ nyɔw bɛ yaga. Bɛ tɩ nyɛ̃ na bãw k'aa Naaŋmɩn n'ʋ sõw a ton ŋa ʋ tõ.

Neemi 6:16 ပူးပေါင်းရင်းမြစ်များ

Neemi 2:10

Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw a tɩ wõ na k'ɩ̃ɩ tarɛ na. Nʋ̃ɔ̀ bɛ tɩ ɩrɛ bɛ towtow, nɩr na waar k'ʋʋ wa tu a Ɩsɩrayɛl nɩbɛ yele pùor a bɛ vla ƴãw a ɩ.

Neemi 4:1

Ɛcɛ a Sanbalatɩ, a Toviya, a Arabʋ mɩnɛ, a Amɔ̃ tẽw dem nɩ a Asɩdɔdɩ tẽw dem na tɩ wõ k'aa Zerizalɛm dacĩ-kpɛ̃ɛ lɛb-mɛb tome cere nɩ vla vla, ɛ́ a vɛɛ tĩ fɔbr a, bɛ tɩ nyɛ̃ nɩ suur mab,

Neemi 4:7

Lɛ n'a ɩ̃ tɩ nyɛ̃ ziir na pĩ a, a pile blã a dacĩ-kpɛ̃ɛ pùorí, ɛ́ ƴãw sojarɩ a be, bɛ ɓã taa dɔwlʋ dɔwlʋ, ɛ́ tɛr zɛbr-sɔ-bɛrɛ, kafine nɩ tamɛ.

Neemi 6:17

A vuo ʋl za pʋɔ n'a a Zuda nɩ-yée nɩ a Toviya tɩ sɛb sɛbr kʋ̀ taa yaga za.

Sɛb-sõw yielu 109:27

A nɩbɛ bɛ ŋa a, bɛ bãwnɩ a k'aa fʋ tome n'a, kɛ́ a fʋ̃ʋ, Sore e, fʋ̃ʋ n'ʋ maalɩ à à ŋá.

Sɛb-sõw yielu 126:2

Tɩ tɩ ɩ n laarʋ tɛwr, ɛ́ lɔbr nʋ̃ɔ̀ cɛlsɩ. Lɛ n'a bɛ tɩ yere a nɩ-bʋʋr-yoru sɔgɔ: «A Sore maal'ɩ yel-bɛrɛ a bɛ ƴãw!»

Sɛb-sõw yielu 129:5

A bɛlɩ dem za na bɛ nɔnɛ a Sɩyɔ̃ a, bɛ nyɛ̃ vĩ lɛb'ɩ.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Eziptɩ tẽw yib 14:25

Ʋ tɩ ɩ na a bɛ zɛbr-torkori gbɛ́ɛ kʋ̃ lɛb tʋ̃ɔ́ lɩɛbɩ ɛ, a dãanʋ ɩ kpɛ̃w. Lɛ n'a a Eziptɩ tẽw nɩbɛ tɩ yel: «Nyɩ ɩ tɩ zɔ zãá nɩ a Ɩsɩrayɛl nɩbɛ, bʋ̃ʋ n'ʋ vɛ̃, a Sore n'ʋ lãw nɩ bɛ zɛbr'ɩ tɩ!»

Zeremi 33:9

Lɛ n'a nʋ̃ɔ̀ na mɩ́ ɩrɛ mɛ̃ a Zerizalɛm yúor bʋɔlʋ ƴãw. A tẽ-kpɛ̃ɛ ŋa na ɩ na ɩ̃ tɛr yúor, ʋlɛ n'ʋ na so ɩ̃ nyʋʋr a tẽw zu nɩ-bʋʋrɛ za niŋé. Bɛlɛ wa wõ a vla al za ɩ̃ na na maal'ʋ a, bɛ na màwr'ɩ dɛ̃bɩ̃-mawfʋ, ɛ́ pʋ̀lá vʋ̃ɔnɛ bɛ, bɛ na nyɛ̃ a nʋ̃ɔ̀ nɩ a ƴã-ɓaarʋ al za ɩ̃ na na kʋ̀ ʋ a.»

Sɔr-nɛ́ɛ 23:23

A Ɩsɩrayɛl nɩbɛ bɛ tɛr a tɩtɩblʋ nɩ a ʋ ɩ-ɩrɩ yel-ɩra ɩ. A daar mɩ́ wa ta a, bɛ mɩ́ bãw nɩ bom nɛ za a Naaŋmɩn na ɩrɛ a.

Nɩ-toni 5:38

Ƴɛrɛŋa a, ɩ̃ yere na kʋ̀rɛ nyɩ: nyɩ ta kaarɛ a nɩbɛ bɛ ŋa zie ɩ, nyɩ bɛr bɛ. A lɛ bɛ na tɩɛrɛ nɩ a lɛ bɛ na ɩrɛ a, alɛ wa yi nɩsaalbɛ zie a, a na bɔr'ɩ a tʋɔra.

Zozue 2:11

Tɩ wõ n à à ŋá dɛ kpi zɩ̃, ɛ́ nɩr kʋ̃ lɛb sàw bà gbɛ́r a nyɩ niŋé ɩ, bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn, a saa-zu a salom zu, nɩ a pile ka a tẽw zu.

Zozue 2:9

tɩ yel bɛ: «Ɩ̃ bãwnɩ a na a Sore na kʋ̀ nyɩ a tẽw ŋa a. Nyɩ ƴãwnɛ tɩ nɩ dɛ̃bɩ̃ɛ bɛ dɩ vuo ɩ, ɛ́ a tẽw nɩbɛ za màwr a nyɩ niŋé.

Zozue 5:1

A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.