Neemi 5:13 - A SƐB-SÕW

¹³ Al pùorí, ɩ̃ tɩ pĩ pĩ n a ɩ̃ kpar-kpɛ̃ɛ, ɛ́ yel à ŋá: «A Naaŋmɩn, ʋ mɩ̀ pĩ à à ŋá a bɛlɩ dem za nãà bɛ wa tu a bɛ ƴɛ̀rʋ a! Ʋ ɩ bɛ ta cãà tɛr yie dem nɩ bome ɩ, bɛ zɩ̃ nũ-zawlɛ!» A lãw nɩbɛ tɩ sɔw na: «Amɛn! A ɩ a lɛ!» Bɛ za tɩ danɩ nɩ a Sore, ɛ́ a pùorí bɛ tu a lɛ bɛ na yel a.

Neemi 5:13 ပူးပေါင်းရင်းမြစ်များ

2 Na-mɩnɛ 23:3

A nãà tɩ àr'ɩ saaƴẽwn, a Ŋmɩn-yir-kpɛ̃ɛ kpul ƴãw, ɛ́ lɛb puuli a wõ-taa nɩ a Sore. Ŋa za n'ʋ a fɛrɛ k'ʋʋ tuur a Sore, sàwr a ʋ nɛ-ƴãwnɩ, a ʋ wulu, nɩ a lɛ ʋ na yel a, nɩ ʋ pʋɔ za, nɩ ʋ sɩ́ɛ za, ɛ́ sàwr a ƴɛ̀rʋ al za na sɛb a wõ-taa sɛbɛ pʋɔ a. A nɩbɛ za tɩ sàw nɩ a wõ-taa ŋa.

1 Bibie za yel-manɩ 16:36

A Sore, a Ɩsɩrayɛl Naaŋmɩn, ʋ tɛr'ɩ puoru yome yome za. A lãw nɩbɛ za tɩ sɔw na: «Amɛn! Aleluya!»

Neemi 8:6

A Ɛsɩdɩrasɩ tɩ puor'ɩ a Sore, a Naaŋmɩn, na ɩ kpɛ̃ɛ a yãanɩ, a nɩbɛ za zɛw a nuru ɛ́ sɔw: «Amɛn! Amɛn!» Al pùorí bɛ gbĩ dume gũu tɩ tɔ tẽw puori a Sore.

Sɛb-sõw yielu 119:106

Ɩ̃ pɔ na k'ɩ̃ɩ na tu n a lɛ fʋ na dɩ a ƴɛ̀rʋ nɩ mɩnʋ yel a, ɩ̃ɩ bɛ lɩɛbɛ bɛrɛ ɩ.

Sɛb-sõw yielu 50:14

Nɩ̃ɛ ɩ a fʋ barka puoru ɩ bàwr fʋ maalɩ kʋ̀ m, a mãa fʋ Naaŋmɩn, ír a nɛ́ɛ fʋ na kõ a ɩ̃ zie a, mãa na ɩ Naaŋmɩn-na-do-saa-bɛ-pɩɛl-a.

Sɛb-sõw yielu 76:11

A nɩsaalbɛ suur tɛɛ za na ɩ na a fʋ yúor yi, ɛ́ a bɛlɩ dem a fʋ suur nãà wa jɩɩrɩ bɛr a, na su n kuor bome.

Zʋkpaɩ 28:4

Bɛlɩ dem na bɛ tuur a wulu a mɩ́ mʋʋrɛ nɩ a nɩ-faar. Ɛcɛ a bɛlɩ dem na tuur ʋ a mɩ́ zɛbr'ɩ bɛ na.

Ekilezɩasɩ 5:5

Ta bɛr a fʋ nʋɔr ʋ ɩ fʋ ɩ sãwna sob ɛ, ɛ́ ta cen a Naaŋmɩn nɩ-tona zie tɩ yel kɛ́ fʋ tuli na ɩ. Alɛ bɛ ɩ lɛ, Naaŋmɩn na nyɛ̃ nɩ suur a ƴɛ̀rʋ á ŋá ƴãw, ɛ́ sãw a fʋ nuru tome bɛr.

Sɔr-nɛ́ɛ 5:22

A kʋ̃ɔ á ŋá na waar'ɩ ŋmɛ-ƴãw a, a kpɛ a fʋ púorí ɩ fʋ kpel púor, ɛ́ a fʋ pʋɔ ɩ pʋ-ãan!” A pɔw na sɔw na: “Amɛn! Ʋ̃ʋ, a ɩ a lɛ!”

Matie 10:14

Nɩr bɛ wa sàw de nyɩ a sãanʋ a, bɩɩ bɛ wa bɛrɛ wone a nyɩ ƴɛ̀rʋ a, nyɩ yi zaa a yir nɛ pʋɔ bɩɩ a tẽw nɛ pʋɔ, ɛ́ tɛb tɛb a nyɩ gbɛ́ɛ uuru bɛr.

Nɩ-toni 13:51

A Pol nɩ a Banabasɩ tɩ tɛb'ɩ a bɛ gbɛ́ɛ uuru ƴãw bɛ ɛ́ cen Ɩkonɩɔm.

Nɩ-toni 18:6

Ɛcɛ bɛ na tɩ zawrɩ a sàw-deb ɛ́ tʋʋr a Pol a, ʋ tɩ pĩ n a ʋ bʋ̃-suuri uuru ƴãw bɛ ɛ́ yel: «Nyɩmɛ wa bɔr a, a bɛ yi mãa zie ɩ! Ɩ̃ zaa n'ɩ ŋa! Dɩ̃a na ta a, a nɩ-bʋʋr-yoru zie n'a ɩ̃ na cen.»

1 Korɛ̃tɩ 14:16

Bʋ̃ʋ n'ʋ vɛ̃, a Vʋʋrʋ Sõw yõ wa n'ʋ ƴãw fʋ puore yãanɩ puoru a, ŋmɩŋmɩn n'a a lãw pʋɔ nɩ-zawlɛ na ƴãw «Amɛn» sɔw a fʋ yãanɩ puoru, bɛ na bɛ bãw a lɛ fʋ na yere a?

1 Samɩɛl 15:28

Lɛ n'a a Samɩɛl tɩ yel ʋ: «À ŋá tɔr za n'a a Sore taw faa a Ɩsɩrayɛl naalʋ a fʋ zie a dɩ̃a. Ʋ de ʋ na kʋ̀ nɩ-yũo na sa fʋ a.