Neemi 3:5 - A SƐB-SÕW

⁵ Al pùorí, Tekowa tẽw dem tɩ nɛbɛ, ɛcɛ a bɛ nɩ-yée bɛ tɩ sàw a tõ-tõ-nɩ-bɛrɛ nɩ-kpɛ̃ɛnʋ a.

Neemi 3:5 ပူးပေါင်းရင်းမြစ်များ

2 Samɩɛl 14:2

Ʋ tɩ tõ na bɛ tɩ bʋɔlɩ Tekowa tẽw pɔw kãw na bãw yã a, wa n, ʋ wa yel ʋ à ŋá: «Bãw kɛ́ ɩ wahala nɩr, su ko-tuolu bome, ta zɛ kãá-nyũu ɛ, ɛ́ ɩ mɛ̃ pɔw na kone a ʋ nɩr koro za a.

2 Bibie za yel-manɩ 11:6

Bɛtɩlɛm, Etam, Tekowa,

Neemi 3:27

A Tekowa tẽw dem tɩ tone nɩ a zie ʋl na tu a pʋɔ, ɛ́ be a zie ʋl na tori a dacĩ-kpɛ̃ɛ gõgon yir-cõcowla nɩ a Ofɛl dacin cara pʋɔ a.

Neemi 3:4

Nɩbɛ bɛ ŋa nɛbɛ tɩ tone a bɛ lõbowrí: Uriya bidɛb Meremɔtɩ na ɩ Hakɔsɩ yãw a, Berekɩa bidɛb Mesulam na ɩ Mesezaveɛl yãw a, nɩ Baana bidɛb Sadɔkɩ.

Neemi 3:6

Pasea bidɛb Yehoyada nɩ Besodɩa bidɛb Mesulam nɛbɛ tɩ lɛb mɛ a Yesana dɩ̃dɔr. Bɛ na tɩ bɛ a dɩ̃dɔr zawle baar'a, bɛ ƴãw nɩ a ʋ pamɛ, a ʋ dà-jɩ̀rɩ́ nɩ a ʋ bʋ̃-kparɩ.

Zeremi 27:12

A mãa, Zeremi, ɩ̃ mɩ̀ tɩ ƴɛ̀r'ɩ a lɛ kʋ̀ a Zuda tẽw nãà Sedesɩasɩ: «Fʋ̃ʋ nɩ a fʋ nɩbɛ a, a fɛr'a kɛ́ nyɩ sàw a Babɩlɔn tẽw nãà nɩ-kpɛ̃ɛnʋ dĩ nyɩ mɛ̃ na-kʋ́ɔra-dàa a. Nyɩ tone a ʋl nɩ a ʋ nɩbɛ tome, ɛ́ nyɩ na vʋʋrɛ na.

Zeremi 27:2

«À ŋá n'a a mãa, a Sore, yere: Cɔbrɩ ganɛ nɩ mie ɛ́ maalɩ nĩi nyuru dàar. Fʋ na dɔwlɩ a nɩ a fʋ nyũu zu.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Amɔsɩ 1:1

A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Nɩ-toni 15:10

A na ɩ à ŋá a, bʋnʋ ƴãw n'a nyɩ yel kɛ́ nyɩ ɩ a Naaŋmɩn kaa? Nyɩ na de tuor, tɩɩm nɩ a tɩ sãàkʋm-kore na bɛ tʋ̃ɔ́ tuo a, bɔbr kɛ́ nyɩ tuo a po-tuurbɛ a?

1 Korɛ̃tɩ 1:26

Yɛbr i, nyɩ nyɛ̃ a lɛ nyɩ na ŋmɛ̃ a, nyɩɩm a Naaŋmɩn na bʋɔlɩ a: a nɩsaalbɛ niŋé a, yã-bãwnbɛ bɛ yãwmɛ a nyɩ pʋɔ ɩ, kpɛnʋ dem bɛ yãwmɛ ɩ, nɩ-yée mɩ̀ bɛ yãwmɛ ɩ.

Ƴɛ̀r-dɩrbɛ 5:23

A Sore malkɩ yere na: nyɩ ŋmɛ ƴãw a Merozi tẽw, nyɩ ŋmɛ ƴãw ʋ, nyɩ ŋmɛ ƴãw a nɩbɛ na kpɩɛr a ʋ pʋɔ a, bɛ na bɛ wa sõw a Sore a ƴãw, bɛ bɛ lãwnɩ a ʋ gãdaar zɛb ɛ.