Neemi 3:25 - A SƐB-SÕW

²⁵ Uzaɩ bidɛb Palal tɩ tone na tori a dacĩ-kpɛ̃ɛ gõgon ŋa nɩ a yir-cõcowla kpɛ̃ɛ na be a nãà yir nidaa, ɛ́ pɩɛlɩ a soja-zi-gùrbɛ davʋra a. Pareɔsɩ bidɛb Pedaya,

Neemi 3:25 ပူးပေါင်းရင်းမြစ်များ

Ɛsɩdɩrasɩ 2:3

Pareɔsɩ dɔwlʋ nɩbɛ: túr-ayi dɔwlɩ lɩz'a ani nɩ pie nɩ ayi (2 172).

Neemi 12:39

Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

Neemi 7:8

Pareɔsɩ dɔwlʋ nɩbɛ: túr-ayi dɔwlɩ lɩz'a ani nɩ pie nɩ ayi (2 172).

Neemi 8:4

A Ɛsɩdɩrasɩ tɩ àr'ɩ gboro zu bɛ na maal'ɩ dàar a yel ŋa ƴãw a. Matitɩa, Sema, Anaya, Uriya, Hɩlkɩa nɩ Maaseya tɩ àr'ɩ a ʋ dʋrʋ lowr, ɛ́ Pedaya, Mɩkayɛl, Malkɩa, Hasum, Hasɩbadana, Zekarɩa nɩ Mesulam àr a ʋ gʋba lowr.

Zeremi 22:14

Fʋ yere na: “Ɩ̃ na ɩ na bɛ mɛ nãà yir-kpɛ̃ɛ kʋ̀ m na tɛr bɔwpɩ-bɛrɛ bɛrɛ a.” Fʋ puo nɩ tokoro vɛɛ, ɛ́ pàw a dacine nɩ sɛɛdɩr tɩɩr dàar fʋ na bʋl'ɩ bʋ̃-zɩɛ a.

Zeremi 32:2

A lɛn daar a, a Babɩlɔn tẽw nãà zɛbr-nɩbɛ tɩ piw nɩ a Zerizalɛm. A naaŋmɩn-ƴɛ̀r-manɛ Zeremi ʋl a, bɛ tɩ ƴãw ʋ nɩ gaso pʋɔ a Zuda tẽw nãà yir, a soja-zi-gùrbɛ davʋra pʋɔ.

Zeremi 33:1

A Sore tɩ lɛb'a ƴɛ̀r a Zeremi zie a gb'a ayi sob ƴãw, a lɛn daar bɛ na tɩ cãà pàw ʋ a soja-zi-gùrbɛ davʋra pʋɔ a.

Zeremi 37:21

Lɛ n'a a nãà Sedesɩasɩ tɩ yel kɛ́ bɛ ƴãw a Zeremi a soja-zi-gùrbɛ davʋra pʋɔ, ɛ́ kʋ̀rɛ ʋ bibie za dipɛ̃-vilovilo been, a dipɛ̃-maalbɛ sɔ́r pʋɔ, ɛ́ gù a dipɛ̃ tɩ baarɩ a tẽ-kpɛ̃ɛ pʋɔ. À ŋá n'a a Zeremi tɩ be a soja-zi-gùrbɛ davʋra pʋɔ.

Zeremi 38:13

Lɛ n'a a nɩbɛ tɩ taw a Zeremi nɩ a mie, do n yi n a sa-bie-kʋ̃ɔ-bɔw pʋɔ. Al pùorí, a Zeremi tɩ be n a soja-zi-gùrbɛ davʋra pʋɔ.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Mise 4:8

Ɛ́ fʋ̃ʋ Zerizalɛm tãle na piwre a Naaŋmɩn nɩ-bʋʋrɛ, mɛ̃ dʋ̃-cɩ̃ɩnɛ na be zie na kɛrɩ a zu a, fʋ kʋ̃ yaa kɛ́ lɛb nyɛ̃ a fʋ koro za fãw ɛ. A Zerizalɛm na lɛb'a ɩ a naalʋ-tẽw tẽ-kpɛ̃ɛ za.»