Neemi 2:18 - A SƐB-SÕW

¹⁸ Ɩ̃ tɩ man nɩ a lɛ a Naaŋmɩn na gù m a kʋ̀ bɛ, nɩ a lɛ a nãà na tɩ yel kʋ̀ m a. Lɛ n'a bɛ tɩ yel à ŋá: «Nyɩ ɩ tɩ ìr lɛb mɛ a tẽw!» Ɛ́ bɛ tɩ cɔbr'a gù a tõ-vla ŋa tob ƴãw.

Neemi 2:18 ပူးပေါင်းရင်းမြစ်များ

2 Samɩɛl 2:7

Ƴɛrɛŋa a, nyɩ cãà ƴãw fãw, nyɩ kpɛmɛ nyɩ za. Sɩza n'a, a nyɩ sore Sawul kpi na, ɛcɛ nyɩ bãwnɩ a, a Zuda tẽw dem cir'ɩ a kãá ƴãw a ɩ̃ zũú, ɩ̃ ɩ a bɛ nãà.»

1 Bibie za yel-manɩ 11:10

Nyɛ̃ a Daviir soja-gãdaar nɩ-bɛrɛ. Bɛlɛ nɩ a Ɩsɩrayɛl nɩbɛ za nɛbɛ tɩ ɩ a Daviir ɩ a nãà, a tu a lɛ a Sore na tɩ yel a ʋ nɩbɛ ƴãw a. Bɛ bɛ tɩ yi a ʋ pùor towtow a ʋ naalʋ-dɩb daar za ɩ.

1 Bibie za yel-manɩ 19:13

Kpɛ socir, tɩ kpɛ socir zɛbr'ɩ a tɩ nɩ-bʋʋrɛ ƴãw nɩ a tɩ Naaŋmɩn tẽ-bɛrɛ ƴãw. Ɛ́ a Sore a, ʋ ɩ a lɛ na pɛlɩ a ʋ pʋɔ a.»

2 Bibie za yel-manɩ 32:5

A Ezekɩasɩ tɩ nyɔw nɩ nyãa lɛb mɩɛr a tẽw dacin, a be ʋ na tɩ lo a. Ʋ tɩ mɛ n yir-cõcowli a do, ɛ́ ƴãw bɛ mɛ dacin kãw a yẽw. Ʋ tɩ ɩ n a Milo ʋ kpɛmɛ a «Daviir Tẽ-kpɛ̃ɛ» pʋɔ, ɛ́ ƴãw bɛ maalɩ zɛbr bome yaga yaga nɩ zɛbr-kur-pãgalɩ.

Ɛsɩdɩrasɩ 6:22

Al pùorí, bɛ tɩ maal'ɩ a dipɛ̃ na bɛ ƴãw dãbɩl a cuw nɩ nʋ̃ɔ̀ bibie ayopõi. A Sore tɩ ɩ na nʋ̃ɔ̀ kpɛ bɛ yaga za, ʋ na tɩ lɩɛbɩ a Asiiri tẽw nãà socir a bɛ vla ƴãw a. A tɩ ɩ na bɛ ƴãw fãw lɛb nyɔw a tome a Ɩsɩrayɛl Naaŋmɩn yir lɛb-mɛb ƴãw.

Neemi 2:8

Bɛ mɩ̀ kʋ̀ m sɛb-tʋɔla ɩ̃ tɩ kʋ̀ a Asafʋ na kaarɛ a nãà tuwr zie a, ʋ tʋ̃ɔ́ kʋ̀ m dàar, a zɛbr-yir-kpɛ̃w na pɩɛlɩ a Ŋmɩn-yir-kpɛ̃ɛ a pamɛ ƴãw, a tẽ-kpɛ̃ɛ dacine ƴãw nɩ a yir ɩ̃ na na kpɩɛr a ƴãw.» A nãà tɩ sàw na kʋ̀ m a sɛb-tʋɔlɩ á ŋá, a ɩ̃ Naaŋmɩn na tɩ gù m a ƴãw.

Efɛɛzɩ 6:10

A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

1 Samɩɛl 23:16

Bibir kãw, a Sawul bidɛb, Zonatã, tɩ ìr'a cen a Daviir zie a Horesa. Ʋ tɩ ɩ na a tɩɛrʋ a Daviir na ƴãw a Naaŋmɩn ƴãw a, ʋ kpɛmɛ.