Neemi 2:17 - A SƐB-SÕW

¹⁷ Ɩ̃ tɩ ƴɛ̀r'ɩ à ŋá a bɛ zie: «Nyɩ nyɛ̃ nɩ a wʋ̀ʋr tɩ na ɩrɛ a: a Zerizalɛm lo n ʋ za, ɛ́ a ʋ pamɛ dɩ vũu! Nyɩ ɩ tɩ lɛb mɛ a Zerizalɛm dacine, ta cãà nyɛrɛ a vĩ ɛ.»

Neemi 2:17 ပူးပေါင်းရင်းမြစ်များ

Ɛsɩdɩrasɩ 9:9

Sɩza n'a, tɩ Naaŋmɩn i, tɩ tɩ ɩ n gbãgbaar, ɛ́ fʋ bɛ jɛ tɩ bɛr a gbãgbaalʋ ŋa pʋɔ ɩ. Fʋ ɩ na a Pɛrsɩ na-mɩnɛ tɛr pʋ-pɩɛlʋ a tɩ zie, ɩ tɩ lɛb vʋʋrɛ. Lɛ n'a tɩ tʋ̃ɔ́ lɛb mɛ a fʋ yir, lɛb mɛ a ʋ dacine na lo a, ɛ́ nyɛ̃ kpɛb zie tɩ na kʋ̃ bãw damnʋ a, a Zerizalɛm nɩ a Zuda ten pʋɔ.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Neemi 2:13

A tɩ̃ɩsɔw a, ɩ̃ tɩ tu n a Bà-fʋɔla dɩ̃dɔr ƴãw yi a tẽw pʋɔ, tu a Wa-bɩɛ bule nɩ a Pʋɔrʋ dɩ̃dɔr lowr. Ɩ̃ tɩ bɛl bɛl'ɩ a Zerizalɛm dacine nyɛ̃ a ɩ vɛɛ tɛwr, ɛ́ vũu dɩ a pamɛ.

Neemi 2:16

A tẽ-kpɛ̃ɛ nɩ-bɛrɛ bɛ tɩ bãw be ɩ̃ na cen a ɩ, nɩ a ʋlɩ bom nɛ ɩ̃ na ɩ a ɩ, bʋ̃ʋ n'ʋ vɛ̃, wa tɩ tɔ a lɛn daar a, ɩ̃ bɛ tɩ yel bom za kʋ̀ a Zifʋ mɩnɛ, a bàwr-maalbɛ, a tẽw nɩ-yée, a tẽw nɩ-bɛrɛ tɛɛ za bɩɩ a nɩbɛ bɛ mɩnɛ na tɩ kaarɛ a tome zie a ɩ.

Neemi 3:15

Kol-Hoze bidɛb Salum na ɩ a Misɩpa zie nɩ-kpɛ̃ɛ a n'ʋ tɩ lɛb mɛ a Bule dɩ̃dɔr. Ʋ na tɩ lɛb mɛ ʋ baarɩ bɛ̀ a, ʋ ƴãw ʋ nɩ a ʋ pamɛ, a ʋ dà-jɩ̀rɩ́ nɩ a ʋ bʋ̃-kparɩ. Ʋ mɩ̀ tɩ lɛb'a maalɩ a dacĩ-kpɛ̃ɛ ƴãw na pɩɛlɩ a Silowe gbãtar, ɛ́ be a nãà zaadɛ̃ nɩ a tanɛ dɛ́r na yi a «Daviir Tẽ-kpɛ̃ɛ́» siwr a cara pʋɔ a.

Sɛb-sõw yielu 102:15

A tɩɩm fʋ tõ-tõ-biir nɔnɛ nɩ a ʋ kʋsɛbɛ, a ʋ tanɛ tɛɛ za ɩrɛ tɩ nɩ nɩbaalʋ.

Sɛb-sõw yielu 44:13

Fʋ kʋɔr'ɩ a fʋ nɩbɛ lo, fʋ bɛ páw bom za a bɛ kʋɔrʋ pʋɔ ɩ.

Sɛb-sõw yielu 44:14

Fʋ bɛr'ɩ a tɩ sɩman dem bɛ tʋʋr tɩ, ɛ́ a nɩbɛ na kpɩɛr viiri koli tɩ a ɩrɛ tɩ laar.

Sɛb-sõw yielu 79:12

Sore e, a nɩ-bʋʋrɛ bɛl na ɩ a tɩ sɩman dem a, bɛ tʋ b'ɩ zʋmɛ, yáa a bɛ zʋmɛ á ŋá san a bɛ zu gb'a ayopõi.

Sɛb-sõw yielu 79:4

A tɩ sɩman dem tʋʋr tɩ na, a bɛlɩ dem na kpɩɛr viiri koli tɩ a kpɔwrɛ tɩ na ɛ́ ɩrɛ tɩ laar.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

A Lãw-mʋɔlɛ 3:51

A ɩ̃ mimie 'wɔbr mɛ̃ na, ɩ̃ na mɩ́ nyɛ̃ a alɩ bome nɛ na mɩ́ tarɛ a ɩ̃ tẽ-kpɛ̃ɛ powli a.

Ezekɩɛl 5:14

A ten al na jil koli nyɩ a kpɩɛrbɛ nɩ a bɛlɩ dem za na na tɔlɛ a ka a na nyɛ̃ na ɩ̃ na ɩ a Zerizalɛm k'ʋ ɩ tẽw na lo ɛ́ sãw a.

Mise 7:11

A bibir waar'a bɛ na na lɛb mɛ a nyɩ tẽ-kpɛ̃ɛ dacine a. A ʋlɩ bibir nɛ a, bɛ na taw nɩ a nyɩ tẽw tʋr-bɔwrɩ tɔl'ɩ nidaa.

1 Samɩɛl 11:2

A Amɔ̃ tẽw dem nãà, Nahasɩ, tɩ yel bɛ na: «À ŋá n'a mãa nɩ a nyɩɩm wõ-taa na ŋmɛ̃: ɩ̃ na kpol'ɩ nyɩ za been been dʋrʋ mimir, k'ɩ̃ɩ ɩ vĩ kpɛ a Ɩsɩrayɛl nɩbɛ za.»