Neemi 2:13 - A SƐB-SÕW

¹³ A tɩ̃ɩsɔw a, ɩ̃ tɩ tu n a Bà-fʋɔla dɩ̃dɔr ƴãw yi a tẽw pʋɔ, tu a Wa-bɩɛ bule nɩ a Pʋɔrʋ dɩ̃dɔr lowr. Ɩ̃ tɩ bɛl bɛl'ɩ a Zerizalɛm dacine nyɛ̃ a ɩ vɛɛ tɛwr, ɛ́ vũu dɩ a pamɛ.

Neemi 2:13 ပူးပေါင်းရင်းမြစ်များ

2 Bibie za yel-manɩ 26:9

Ʋ tɩ mɛ n yir-cõcowli a Zerizalɛm a Dacĩ-gõgon dɩ̃dɔr zu, a Fʋɔla dɩ̃dɔr zu, nɩ a zie ʋl a dacin na tɩ ɩ goraa a zu.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Neemi 12:31

Ɩ̃ tɩ ƴãw na a Zuda tẽw nɩ-bɛrɛ do a dacĩ-kpɛ̃ɛ zu. Ɩ̃ tɩ maal'ɩ yiel-yielbɛ lãw-bɛrɛ ayi. A dãw-niwn sob tɩ tu n a dʋrʋ lowr cere a dacin zu a Pʋɔrʋ dɩ̃dɔr lowr.

Neemi 2:12

ɛ́ bɛ yel a lɛ a Naaŋmɩn na tɩ ƴãw mɛ̃ a tɩɛrʋ a tẽw ƴãw a kʋ̀ nɩr za ɩ. Al pùorí, ɩ̃ tɩ ìr'ɩ tɩ̃ɩsɔw mãa nɩ nɩbɛ blã. A bõw ɩ̃ na mɩ́ zɔm a, ʋl yõ n'ɩ a dʋ̃w ɩ̃ na tɩ tɛr yi n a.

Neemi 2:15

Lɛ n'a a tɩ cãà ɩ a tɩ̃ɩsɔw, ɩ̃ɩ lanɩ a Sedrɔ̃ bà-fʋɔla do, ɛ́ cãà bɛlɛ a dacine, al pùorí, ɩ̃ lɩɛbɩ pɛr-tul wa tu a Bà-fʋɔla dɩ̃dɔr ƴãw kpɛ.

Neemi 2:17

Ɩ̃ tɩ ƴɛ̀r'ɩ à ŋá a bɛ zie: «Nyɩ nyɛ̃ nɩ a wʋ̀ʋr tɩ na ɩrɛ a: a Zerizalɛm lo n ʋ za, ɛ́ a ʋ pamɛ dɩ vũu! Nyɩ ɩ tɩ lɛb mɛ a Zerizalɛm dacine, ta cãà nyɛrɛ a vĩ ɛ.»

Neemi 2:3

Ɛcɛ ɩ̃ tɩ cãà na tʋ̃ɔ́ yel a nãà: «Nãà a, a fʋ nyɔ-vʋʋrʋ, ʋ be be kʋralɛ! Ŋmɩŋmɩn n'a ɩ̃ na ɩ bɛ tɛr pʋ-sãwna? A tẽ-kpɛ̃ɛ ʋl pʋɔ bɛ na ũù a ɩ̃ sãàkʋm-kore a, bɛ ŋmɛr'ɩ ʋ za bɛr, ɛ́ a ʋ pamɛ za dɩ vũu!»

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.