Neemi 2:10 - A SƐB-SÕW

¹⁰ Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw a tɩ wõ na k'ɩ̃ɩ tarɛ na. Nʋ̃ɔ̀ bɛ tɩ ɩrɛ bɛ towtow, nɩr na waar k'ʋʋ wa tu a Ɩsɩrayɛl nɩbɛ yele pùor a bɛ vla ƴãw a ɩ.

Neemi 2:10 ပူးပေါင်းရင်းမြစ်များ

Neemi 13:1

A lɛn daar, bɛ tɩ kanɛ nɩ a Moyiir sɛbɛ kʋ̀rɛ a nɩbɛ za, tɩ ta zie kãw bɛ na sɛb k'aa Amɔ̃ tẽw dem nɩ a Mowab tẽw dem bɛ be za na kpɛ a bɛlɩ dem na puore a Naaŋmɩn a lãw pʋɔ ɩ.

Neemi 13:28

A Yehoyada bidɛb kãw na ɩ a bàwr-maal-kara Ɛlyasivʋ yãw a, tɩ ɩ n a Sanbalatɩ na yi Bɛtɩ-Horon a pɔwyaa sɩr. Alɛ n'a so ɩ̃ tɩ diw ʋ bɛr a Zerizalɛm tẽw pʋɔ.

Neemi 13:4

A yele á ŋá na bɛ tɩ ɩ sɛr a, bɛ tɩ kaa na ír a bàwr-maalɛ Ɛlyasivʋ k'ʋʋ kaarɛ a tɩ Naaŋmɩn yir diru zie. A Ɛlyasivʋ na tɩ ɩ a Toviya nɩr a,

Neemi 2:19

Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw, nɩ Gɛsɛm na ɩ Arabʋ a tɩ wõ n a yel ŋa. Bɛ tɩ ɩrɛ tɩ na laar ɛ́ nyɛ̃ tɩ bɛ ɩ bom za ɩ. Bɛ tɩ sowri tɩ na: «Bʋ̃ʋ n'ʋ nyɩ ɩrɛ? A nãà n'ʋ nyɩ bɔbr kɛ́ nyɩ zawrɩ bɛr bɩɩ?»

Neemi 4:7

Lɛ n'a ɩ̃ tɩ nyɛ̃ ziir na pĩ a, a pile blã a dacĩ-kpɛ̃ɛ pùorí, ɛ́ ƴãw sojarɩ a be, bɛ ɓã taa dɔwlʋ dɔwlʋ, ɛ́ tɛr zɛbr-sɔ-bɛrɛ, kafine nɩ tamɛ.

Neemi 6:1

A Sanbalatɩ, a Toviya nɩ a Gɛsɛm na ɩ Arabʋ a nɩ a tɩ dɔ̃ dem ŋmãa na cɛ a, tɩ wõ na k'ɩ̃ɩ lɛb'a mɛ a tẽw dacĩ-kpɛ̃ɛ, kɛ́ vɛɛ bɛ tɩ cãà be ɩ. Ɛcɛ a lɛn daar a, ɩ̃ bɛ tɩ ƴãw a dɩ̃dɛɛ pamɛ sɛr ɛ.

Neemi 6:16

A tɩ dɔ̃ dem na tɩ be a tẽ-kpɔwlɩ pʋɔ a na wa wõ a yel ŋa a, dɛ̃bɩ̃ɛ tɩ ɩrɛ bɛ na, ɛ́ vĩ nyɔw bɛ yaga. Bɛ tɩ nyɛ̃ na bãw k'aa Naaŋmɩn n'ʋ sõw a ton ŋa ʋ tõ.

Sɛb-sõw yielu 112:10

A nɩ-faa nyɛ̃ nɩ a lɛ suur kʋrɛ ʋ, ʋ 'wɔbr'ɩ a ʋ nyɩmɛ, ɛ́ a ʋ ƴã-gan sɩrɛ. A nɩ-faar tɩɛrʋ na wɛ na.

Zʋkpaɩ 27:4

A po-to-fãw-ɩb kpɛ n faa bɛ dɩ vuo ɩ, a suur ɩ na mɛ̃ bàa na paalɩ kʋ̃ɔ yi nɛ́ɛ a, ɛcɛ ãa n'ʋ na tʋ̃ɔ́ bà gbɛ́r a nyuur niŋé?

Ekilezɩasɩ 10:7

Ɩ̃ nyɛ̃ nɩ gbãgbaar bɛ zɔm wie, ɛ́ nɩ-tɩbrɛ cere nɩ gbɛ́ɛ mɛ̃ gbãgbaar a.

Ɩzayi 15:5

Ɩ̃ kone nɩ a Mowab ƴãw. A ʋ nɩbɛ na zɔrɛ a zɔ na tɩ sãá Sowaar, tɩ sãá Egilatɩ-Selisiya. A nɩbɛ dúor'ɩ a Luhitɩ dob zie kone nɩ, bɛ ŋmɩɛr'ɩ cɛlsɩ na ɩrɛ nɩbaalʋ a, a Horonayim sɔ́r zu.

Zeremi 41:10

Al pùorí ʋ tɩ nyɔw a nɩbɛ na tɩ cɛ be a Misɩpa a, bɛ ɩ gaso nɩbɛ ʋ cen nɩ: a nãà pɔwyaar nɩ a nɩbɛ bɛl za na tɩ be a Misɩpa a, a bɛl a soja-zi-gùrbɛ nɩ-kpɛ̃ɛ, Nebuzaradan, na tɩ ƴãw a Gedalɩasɩ kaarɛ a. Al pùorí, a Yisɩmayɛl tɩ tɛr'ɩ a gaso nɩbɛ cen nɩ Amɔ̃ tẽw.

Zeremi 48:34

A Hɛsɩbon tẽw dem kone na bɔbr'ɩ sõwfʋ. A bɛ kon yire nɩ Eleale tẽw. A bɛ kɔkɛɛ yire nɩ Yahasɩ, ɛ́ yire Sowaar tɩ ta Horonayim nɩ Egilatɩ-Selisiya. Bʋ̃ʋ n'ʋ vɛ̃, a Nimirim kʋ̃ɔnɩ zie tɛɛ za lɩɛb'ɩ wɛja nɩr na bɛ kpɩɛr a.

Zeremi 48:5

A nɩbɛ dúor'ɩ a Luhitɩ dob zie kone nɩ. Bɛ wone nɩ cɛlsɩ na ɩrɛ nɩbaalʋ a, a Horonayim siwfʋ zie:

Nɩ-toni 4:2

Suur tɩ ɩrɛ bɛ na bɛ dɩ vuo ɩ, bɛ na tɩ nyɛ̃ a Pɩɛr nɩ a Zã bɛ kanɛ nɩ a zu-sɛbla ɛ́ yere k'aa Yeezu lɛb'a yi a kũu pʋɔ, a wul k'aa kũuni-lɛb-yibu be na a.

Nɩ-toni 5:24

A Ŋmɩn-yir-kpɛ̃ɛ sojarɩ nɩ-kpɛ̃ɛ nɩ a bàwr-maal-nɩ-bɛrɛ na tɩ wõ à à ŋá a, bɛ bɛ tɩ bãw lɛ bɛ na na tɩɛrɛ a ɩ, ɛ́ tɩ sowre taa ʋlɩ bom nɛ na n'ʋ ɩ a nɩ-toni a.