Neemi 13:5 - A SƐB-SÕW

⁵ ʋ tɩ cɔbr'ɩ di-yɛlʋ kãw kʋ̀ ʋ, a be bɛ na tɩ bine a kukur de-kʋ̀b bome, a tɩ-suur-zɔ̃-na-nyùur-vla-vla-a, nɩ a Ŋmɩn-yir-kpɛ̃ɛ labɛ a, de nɩ a bome bɛ na mɩ́ kʋ̀ a bàwr-maalbɛ a, a ble, a divɛ̃-paala nɩ a kãá ziir pie sob, a levitɩ mɩnɛ, a yiel-yielbɛ nɩ a dɩ̃dɔ-gùrbɛ na mɩ́ so a.

Neemi 13:5 ပူးပေါင်းရင်းမြစ်များ

2 Bibie za yel-manɩ 31:11

A Ezekɩasɩ tɩ yel'a kɛ́ bɛ cɔbrɩ diru a pɩɛlɩ a Ŋmɩn-yir-kpɛ̃ɛ. Bɛ na wa cɔbrɩ a baarɩ a,

2 Bibie za yel-manɩ 34:11

Lɛ n'a bɛ tɩ de a libie kʋ̀ a dà-fɔwrbɛ nɩ a yir-mɩɛrbɛ kɛ́ bɛ da n kʋsɛbɛ na ta kʋsɛbɛ a, nɩ dàar na na nyɔw nyɔw taa, ɛ́ lɛb ɩ a yie a Zuda na-mɩnɛ na tɩ bɛr a sãw a, a lɛb kpɛmɛ a.

Neemi 10:36

Yũon za mɩ̀ a, tɩ na mɩ́ wa n nɩ a tɩ tẽsɔw bʋ̃-dan nɩ a tɩ tɩ-wɔ̃-dan a tɩ Naaŋmɩn yir.

Neemi 10:37

Tɩ na mɩ́ de nɩ a tɩ bi-dãw-dɔwrɩ nɩ a tɩ dʋn bil-dãw-dɔwrɩ tɩr a be, mɛ̃ a lɛ a wulu na yel a. Tɩ na mɩ́ wa n nɩ a tɩ nĩi, a tɩ píir nɩ a tɩ bʋʋr bil-dãw-dɔwrɩ a tɩ Ŋmɩn-yir-kpɛ̃ɛ́ wa de a kʋ̀ a bàwr-maalbɛ na so a tome a Ŋmɩn-yir-kpɛ̃ɛ pʋɔ a.

Neemi 10:38

Tɩ mɩ̀ na mɩ́ wa n nɩ a tɩ zɔ̃-vla zie a mɩnɛ, a tɩ tɩ-wɔmɛ, a divɛ̃-paala nɩ a kãá de-kʋ̀b wa kʋ̀ bɛ, ɛ́ tɩ na mɩ́ bin a nɩ a Ŋmɩn-yir-kpɛ̃ɛ diru pʋɔ. Tɩ na mɩ́ kʋ̀ n a levitɩ mɩnɛ a tɩ bʋ̃-kʋ́ɔrɩ ziir pie sob. Bɛl mɩŋa na mɩ́ cen nɩ a ziir al tɩ na tone a tɩ de a bome á ŋá ziir piir sob.

Neemi 12:44

A lɛn daar mɩ̀ a, bɛ tɩ ƴãw nɩ nɩbɛ bɛ jɩ́rɛ a diru al pʋɔ bɛ na bin a tɩ-wɔ̃-dan, nɩ a bʋ̃-kʋ́ɔrɩ ziir pie sob a. A bʋ̃-dieri ŋmãa al a wulu na yel kɛ́ bɛ mɩ́ kʋ̀ a bàwr-maalbɛ nɩ a levitɩ mɩnɛ a, ɛ́ a mɩ́ yi a póru na jil koli a tẽ-bɛrɛ a pʋɔ a, alɛ n'a a mɩ́ tɩ fɛr k'aa nɩbɛ bɛ ŋa de bin a be. A Zuda nɩbɛ za pʋʋr tɩ pɛlɩ nɩ a bàwr-maalbɛ nɩ a levitɩ mɩnɛ tome ƴãw.

Neemi 13:7

ɩ̃ tɩ lɛb'a cen a Zerizalɛm. Ɩ̃ tɩ nyɛ̃ nɩ a yel-faa a Ɛlyasivʋ na maalɩ a, ʋ na tɩ kʋ̀ a Toviya dĩo, a dɩ̃dɔr na be a Ŋmɩn-yir-kpɛ̃ɛ davʋra pʋɔ a.

Ezekɩɛl 40:38

Dile kãw tori nɩ a saa-pɛrɩ́-gʋba-lowr dɩ̃dɔr dĩo. A dile ŋa pʋɔ a, bɛ mɩ́ pɛ́w nɩ a dʋn bɛ na kʋ a nyɩw-a-za-bàwr ƴãw a.