Neemi 13:26 - A SƐB-SÕW

²⁶ Ɩ̃ tɩ sowri bɛ na: «À á ŋá bɛ n'a tɩ ƴãw a Ɩsɩrayɛl nãà, Salomɔ̃, maalɩ a yel-bier ɛ? A nɩ-bʋʋr-yoru za pʋɔ a, nãà bɛ ka be ta ʋ ɛ. A Naaŋmɩn tɩ nɔnɛ ʋ na, ɛ́ ƴãw k'ʋ ɩ a Ɩsɩrayɛl tẽw za nãà. Ɛcɛ ʋ tɩ bɛr'ɩ ʋ tʋɔra a nɩ-bʋʋr-yoru pɔwbɛ taw ʋ ƴãw a yel-bier pʋɔ.

Neemi 13:26 ပူးပေါင်းရင်းမြစ်များ

1 Na-mɩnɛ 21:25

Bɛ bɛ dãw nyɛ̃ nɩr ʋ tu a ʋ pʋ-tɩɛrʋ maalʋ pùor, ɩ a lɛ na bɛ nʋmɛ a Sore zie mɛ̃ a Akab a ɩ. Bʋ̃ʋ n'ʋ vɛ̃, a ʋ pɔw Zezabɛl tɩ darɛ ʋ na ƴãwn.

1 Na-mɩnɛ 3:12

ɩ̃ na kʋ̀ b'ɩ a ʋlɩ bom nɛ fʋ na zɛlɩ a: a yã-bãwfʋ nɩ a yã. Nɩr bɛ dãw de niwn tɛr a man fʋ ɛ, ɛ́ nɩr kʋ̃ tɛr a a pùorí man fʋ ɛ.

1 Na-mɩnɛ 3:13

Ɩ̃ mɔ̃ mɩ̀ na kʋ̀ b'ɩ a ʋlɩ bom nɛ fʋ na bɛ zɛlɩ a: a tɛra nɩ a yúor. A fʋ nyɔ-vʋʋrʋ daar za a, nãà kãw za kʋ̃ ŋmɛ̃ taa nɩ fʋ ɛ.

1 Na-mɩnɛ 4:1

A Salomɔ̃ tɩ dɩ n a naalʋ a Ɩsɩrayɛl tẽw za zu.

2 Bibie za yel-manɩ 1:12

fʋ na páw nɩ a yã-bãwfʋ nɩ a yele bãwfʋ, ɩ̃ɩ mɩ̀ na kʋ̀ b'ɩ naalʋ, tɛra nɩ yúor ƴãw pʋɔ. A na-mɩnɛ na de fʋ niwn a bɛ dãw páw a ɩ, ɛ́ nãà kãw za kʋ̃ lɛb páw a a fʋ pùorí ɛ.»

2 Bibie za yel-manɩ 9:22

A nãà Salomɔ̃ naalʋ nɩ a ʋ yã-bãwfʋ tɩ ɩ na ʋ zuo a tẽw zu na-mɩnɛ za.

Zʋkpaɩ 31:3

Ɩ̃ bidɛb i, ta sàw a pɔwbɛ sãw a fʋ fãw bɛr ɛ. Ta bɛr a bɛl na mɩ́ ɩ a na-mɩnɛ bɛ bɔr a, bɛ so b ɛ.

Ekilezɩasɩ 7:26

Ɩ̃ nyɛ̃ na k'aa pɔw na mɩ́ ɩ a dɛbr lo a, a mɩ́ ɩ n kpɩɛrʋ gãw a kũu. A ʋ nɔ̃wfʋ ɩ na mɛ̃ mɩ̃ɛ a, ɛ́ a ʋ kpãkpamɛ ɩ mɛ̃ bʋ̃-'leni a. Nɩr na pɛlɩ a Naaŋmɩn pʋɔ a bɛ lore a ʋ nuru pʋɔ ɩ. Ɛcɛ a yel-bier-maalɛ mɩ́ bɛr'a ʋ nyɔw ʋ.