Neemi 12:43 - A SƐB-SÕW

⁴³ A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.

Neemi 12:43 ပူးပေါင်းရင်းမြစ်များ

2 Bibie za yel-manɩ 20:13

A Zuda nɩbɛ za tɩ àr'ɩ saaƴẽwn a Sore niŋé lãwnɩ a bɛ yie nɩbɛ, a pɔwbɛ nɩ a bibiir.

2 Bibie za yel-manɩ 20:27

A Zuda nɩ a Zerizalɛm nɩbɛ za nɩ a Zozafatɩ na tɩ de bɛ niwn a tɩ lɛb'a cen a Zerizalɛm nɩ nʋ̃ɔ̀, bʋ̃ʋ n'ʋ vɛ̃, a Sore tɩ faa bɛ nɩ a bɛ dɔ̃ dem zie ƴãw nʋ̃ɔ̀ ɩrɛ bɛ.

2 Bibie za yel-manɩ 7:10

Al pùorí, a cuwr ayopõi sob bibie lɩzɛr'ɩ ata sob, a nãà tɩ bɛr'ɩ a Ɩsɩrayɛl nɩbɛ bɛ lɛb kul. Nʋ̃ɔ̀ tɩ ɩrɛ bɛ nɩ yaga, ɛ́ a bɛ pʋʋr pɛlɩ, bʋ̃ʋ n'ʋ vɛ̃, a Sore tɩ wul'ɩ a ʋ nɔ̃wfʋ a Daviir, a Salomɔ̃ nɩ a ʋ nɩ-bʋʋrɛ Ɩsɩrayɛl.

Ɛsɩdɩrasɩ 3:13

À ŋá n'a bɛ bɛ tɩ tʋ́ɔr bãwnɛ a nʋ̃ɔ̀ cáarʋ bɛ mɩnɛ na tɩ cáarɛ a, nɩ a kon a bɛ mɩnɛ na tɩ kone a ɩ, bʋ̃ʋ n'ʋ vɛ̃, a nɩbɛ za tɩ ŋmɩɛr'ɩ cɛlsɩ na mɩ́ tɩ yi zi-zãána zãána a.

Neemi 12:27

A Zerizalɛm dacĩ-kpɛ̃ɛ na tɩ lɛb mɛ baar'a, bɛ tɩ ƴãw na a levitɩ mɩnɛ yi a ziir al za bɛ na kpɩɛr a, wa a Zerizalɛm. Bɛ tɩ maal'ɩ cuw na ɩrɛ nʋ̃ɔ̀ yaga a, tɛr'ɩ danʋ yielu bɛ na ŋmɩɛr sɛ̃sɛgɛ, korijom, nɩ pɛ̀nɛ́ ƴãwn a.

Neemi 12:42

Maaseya, Semaya, Eleazaar, Uzi, Yehohanan, Malkɩa, Elam nɩ Ezɛɛr mɩnɛ mɩ̀ tɩ be n be. Yiziraya tɩ kaa nɩ a yiel-yielbɛ zie, bɛ ɩ a nɩbɛ wõ a bɛ yielu.

A Zɔb sɛbɛ 34:29

Ɛcɛ ʋlɛ saa ɩ gbili a, ãa n'ʋ na yel k'ʋʋ sãw na? Ʋlɛ wa sɔwlɛ a, ãa n'ʋ na tʋ̃ɔ́ cãà nyɛ̃ ʋ? Ɛcɛ ʋ gùre nɩ a ten nɩ a nɩbɛ,

Sɛb-sõw yielu 27:6

A na ɩ lɛ a, ɩ̃ na zɛw nɩ zu a ɩ̃ dɔ̃ dem na jil koli mɛ̃ a pʋɔ. Ɩ̃ na maalɛ nɩ bàwr kʋ̀rɛ a Sore a ʋ yir pʋɔ, ɛ́ cáarɛ danɛ nɩ ʋ, ɩ̃ na yiele nɩ yielu a ʋ ƴãw.

Sɛb-sõw yielu 28:7

A Sore gùre mɛ̃ na, ʋlɛ n'ɩ a ɩ̃ zɛbr-kur-pãgala. Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za, ʋʋ faa mɛ̃ na. Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.

Sɛb-sõw yielu 9:2

Sore e, ɩ̃ na puore fʋ nɩ barka nɩ ɩ̃ pʋɔ za, ɩ̃ na lɛb'a manɛ a fʋ nɔ-ɓãa-yele za.

Sɛb-sõw yielu 92:4

bɛ na na mɩ́ ŋmɩɛr a korijom, a pɛ̀nɛ́, nɩ a kãkaara manɛ nɩ a!

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Sɔr-nɛ́ɛ 10:10

A nʋ̃ɔ̀, a cuw-bɛrɛ nɩ a cuw-paala bibie pʋɔ a, nyɩ na pɛbl'ɩ a wɩɩr ƴãw a nyɩ nyɩw-a-za-bagɛ nɩ a nyɩ lãw-taa bagɛ ƴãw. A na mɩ́ ɩ n à ŋá, ɩ̃ lɛb bãwnɩ nyɩ. Mãa n'ɩ a Sore nyɩ Naaŋmɩn.»

Matie 21:15

A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ na tɩ nyɛ̃ a nɔ-ɓãa-yele ʋ na maalɩ a, nɩ a bibiir na tɩ cáarɛ a Ŋmɩn-yir-kpɛ̃ɛ pʋɔ yere nɩ kɛ́: «Ozaana a Daviir bidɛb a», a tɩ ɩ na mɛ̃ bɛ ɩ ŋmɩn a.

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

Efɛɛzɩ 5:19

Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za.

Zakɩ 5:13

A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu.

1 Samɩɛl 4:5

A wõ-taa daga na dɛ wa tarɛ a laɩ pʋɔ a, a Ɩsɩrayɛl nɩbɛ za tɩ lɔb'ɩ cɛlsɩ ɩ n gɔmɛ yaga za, k'a tẽsɔw dam.