Neemi 12:30 - A SƐB-SÕW

³⁰ A bàwr-maalbɛ nɩ a levitɩ mɩnɛ tɩ so n a bɛ dɛwr bɛr, ɛ́ yel k'aa nɩbɛ za mɩ̀ so a bɛ dɛwr bɛr, al pùorí, bɛ mɩ̀ tu a dɛwr-so-bɛrʋ tub a tẽ-kpɛ̃ɛ dɩ̃dɛɛ nɩ a ʋ dacine ƴãw.

Neemi 12:30 ပူးပေါင်းရင်းမြစ်များ

Yele-za-pɛr-tib 35:2

A Zakɔb tɩ yel'ɩ a ʋ yir dem nɩ a nɩbɛ bɛl za na be a ʋ zie a: «Nyɩ lɔb a ŋmɩn-sãanbɛ na be a nyɩ zie a bɛr. Nyɩ so a nyɩ dɛwr bɛr, ɛ́ lɩɛrɩ a nyɩ bʋ̃-suuri.

1 Bibie za yel-manɩ 15:14

A bàwr-maalbɛ nɩ a levitɩ mɩnɛ tɩ so n a bɛ dɛwr bɛr, a Sore, a Ɩsɩrayɛl Naaŋmɩn, wõ-taa daga tuofʋ ƴãw.

2 Bibie za yel-manɩ 29:34

A bàwr-maalbɛ na tɩ be a be a bɛ tɩ saalɩ a nyɩw-a-za-bàwr dʋn á ŋá za sɩb ƴãw ɛ. Lɛ so a bɛ yɛbr levitɩ mɩnɛ tɩ sõw bɛ bɛ baarɩ a nɛnɛ sɩb, gùre nɩ k'aa bàwr-maalbɛ bɛl na cɛ a so a bɛ dɛwr bɛr. A levitɩ mɩnɛ tɩ sɩrɩ na paw fɔ̃w a bɛ dɛwr-so-bɛrʋ ƴãw zuo a bàwr-maalbɛ.

2 Bibie za yel-manɩ 29:5

ɛ́ yel bɛ: «Levitɩ mɩnɛ ɛ, nyɩ bɛr wõ a ɩ̃ ƴɛ̀rʋ! Nyɩ so a nyɩ dɛwr bɛr, ɛ́ ír a dɛwr bɛr a Sore nyɩ sãà mɩnɛ Naaŋmɩn yir-kpɛ̃ɛ pʋɔ. Nyɩ wob a bʋ̃-dɛgɛ al za na be a ʋ pʋɔ a yi n bɛr.

Ɛsɩdɩrasɩ 6:21

A Ɩsɩrayɛl nɩbɛ za tɩ dɩ n a Tɔl-gãw cuw, a bɛl na tɩ yi a diw-cenu zie lɛb wa a, nɩ a bɛl na tɩ zawrɩ a tẽw nɩbɛ na ɩ dɛwr dem a ɩ-ɩrɩ tub a. A bɛ ŋa nɛbɛ tɩ lãw nɩ a bɛ Ɩsɩrayɛl tẽ-bi-taabɛ kɛ́ bɛ tone a Sore, a Ɩsɩrayɛl Naaŋmɩn tome.

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Neemi 13:30

Ɩ̃ tɩ ɩ na a nɩbɛ bɛ cãà jɛr'ɩ nɩ-bʋʋr-yoru ɛ, lɛb vɩɛl, ɛ́ lɛb ƴãw a tub a na fɛr k'aa bàwr-maalbɛ nɩ a levitɩ mɩnɛ tuur a kʋ̀ bɛ.

A Zɔb sɛbɛ 1:5

Bɛlɛ wa maalɩ a cuw lɩɛrɩ taa tɩ tɔ a, a Zɔb mɩ́ ƴãw na bɛ wa k'ʋʋ wa so a bɛ dɛwr bɛr bɛ. Ʋ mɩ́ tɩ ìr'ɩ zi-lige maalɩ nyɩw-a-za-bàwr a bɛ been been ƴãw. Bʋ̃ʋ n'ʋ vɛ̃, ʋ mɩ́ tɩ tɩɛr'ɩ ʋ pʋɔ à ŋá: «A mɩnɛ kãw a ɩ̃ bibiir tɛr'ɩ sãwna, kapaw bɛ sãw nɩ a Naaŋmɩn a bɛ tɩɛrʋ pʋɔ.» À à ŋá n'a a Zɔb tɩ ɩrɛ.

Eziptɩ tẽw yib 19:10

A Sore tɩ cãà na lɛb yel a Moyiir: «Lɛb cen a nɩbɛ zie tɩ yel bɛ kɛ́ bɛ so a bɛ dɛwr bɛr, a dɩ̃a nɩ a bio. Bɛ mɩ̀ pɛ́w a bɛ kparɩ.

Eziptɩ tẽw yib 19:15

Al pùorí ʋ yel bɛ: «Nyɩ cɔbrɩ gù a deyere. Nyɩ taa pɩɛlɛ a nyɩ pɔwbɛ ɩ.»

Ebre 5:1

Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 5:3

Ɛ́ a ʋl mɩŋa na ɩ bãbàal a ƴãw n'a a fɛr k'ʋʋ mɩ́ maalɩ a bàwr a ʋl mɩŋa yel-bebe ƴãw, mɛ̃ a lɛ ʋ na mɩ́ maalɩ a nɩbɛ dem ƴãw a.