Neemi 11:30 - A SƐB-SÕW

³⁰ Zanoa, Adulam nɩ a zi-kpɔwlɩ, Lakisɩ nɩ a voru, Azeka nɩ a tẽli-kpɔwlɩ. A na ɩ lɛ a, bɛ tɩ zɩ̃ n a Bɛɛr-Seva na be saa-pɛrɩ́-dʋrʋ-lowr a, nɩ a Hinom fʋɔla na be a saa-pɛrɩ́-gʋba-lowr a cara pʋɔ.

Neemi 11:30 ပူးပေါင်းရင်းမြစ်များ

Yele-za-pɛr-tib 21:14

A Abraham tɩ dãwnɩ nɩ ìru, de dipɛ̃ nɩ wɔ-gbãw na paalɩ kʋ̃ɔ a tuo a Agaar, de a bie kʋ̀ ʋ ɛ́ ír ʋ ʋ cen tɩ bɔrɛ gʋɔr a Bɛɛr-Seva wɛja-kpalɛ pʋɔ.

Yele-za-pɛr-tib 25:16

A Ɩsɩmayɛl bibiir pie nɩ ayi n'ɩ a bɛ ŋa. Ŋa za mɩ́ tɩ ɩ n dɔwlʋ nɩ-kpɛ̃ɛ. Bɛ tɩ de nɩ a bɛ yée por'ɩ a bɛ ten nɩ a bɛ laɩ.

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

Neemi 11:29

Ɛɩn-Irimon, Sorea, Yarmutɩ,

Neemi 11:31

A Bɛ̃zamɛ dɔwlʋ yie nɩbɛ tɩ kpɩɛr'ɩ Geva, Mikɩmasɩ, Aya, Betɛl nɩ a tẽli-kpɔwlɩ,

Neemi 3:13

Hanun nɩ Zanoa tẽ-kpɛ̃ɛ nɩbɛ nɛbɛ tɩ lɛb mɛ a Bà-fʋɔla dɩ̃dɔr. Bɛ na tɩ lɛb mɛ ʋ baar'a, bɛ ƴãw nɩ a ʋ pamɛ, a ʋ dà-jɩ̀rɩ́ nɩ a ʋ bʋ̃-kparɩ. Bɛ mɩ̀ tɩ maal'ɩ a dacĩ-kpɛ̃ɛ ƴãw, mɛtɩr kɔbr anũu (500), tɩ ta a Pʋɔrʋ dɩ̃dɔr.

Ɩzayi 37:8

A Asiiri tẽw dem sojarɩ nɩ-kpɛ̃ɛ na mɩ́ be a nãà zie a, tɩ wõ na k'aa ʋ nɩ-kpɛ̃ɛ yi n a Lakisɩ cen tɩ zɛbr'ɩ Livina. A be n'a ʋ tɩ cen tɩ páw ʋ.

Zeremi 19:2

Tu a Kʋseli dɩ̃dɔr ƴãw yi cen a Hinom fʋɔla pʋɔ. A be a, fʋ na tɩ hier'ɩ a ʋlɩ bom nɛ ɩ̃ na na yel kʋ̀ b a.

Zeremi 19:6

«Alɛ n'a so, bibir na vɩɛ na, a Sore n'ʋ yere, bɛ kʋ̃ cãà bʋɔlɛ a zie ŋa kɛ́ “Tafɛtɩ” bɩɩ “Bɛn-Hinom fʋɔla” ɩ, ɛcɛ bɛ na mɩ́ yel'a kɛ́ “Kʋ-vãvɩrɩ-taa fʋɔla”.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Mise 1:15

Maaresa tẽw dem i, a Sore na bɛr'a nɩ-yũo lɛb zɛb tʋ̃ɔ́ nyɩ. A Ɩsɩrayɛl na-yée na zɔ na cen tɩ sɔwlɩ a Adulam tãw bɔw pʋɔ.

Zozue 10:3

A Zerizalɛm nãà, Adoni-Sedɛkɩ, tɩ tõ na bɛ tɩ yel a Ebrɔ̃ tẽw nãà, Hoham, nɩ a Yarmutɩ tẽw nãà, Pireyam, nɩ a Lakisɩ tẽw nãà, Yafɩa, nɩ a Egɩlon tẽw nãà Deviir:

Zozue 12:15

Livina, Adulam,

Zozue 15:39

Lakisɩ, Bɔsɩkatɩ, Egɩlon,

Zozue 15:8

Lɛ n'a ʋ tɩ lɛb do a Hinom fʋɔla, a Zebizitɩ mɩnɛ tãw sɩɛmɩ́, a saa-pɛrɩ́-dʋrʋ-lowr, a be a Zerizalɛm na be a. Al pùorí ʋ lɛb do a tãw na be a Hinom fʋɔla mʋ̃tɔ̃w-kpɛb-lowr a nyʋɔrɩ́, nɩ a Erefayitɩ mɩnɛ fʋɔla saa-pɛrɩ́-gʋba-lowr saa-zu za.

Zozue 18:16

Ʋ tɩ yi n a be, ɛ́ siw a Hinom fʋɔla tãw sɩɛmɩ́, a Erefayitɩ mɩnɛ fʋɔla saa-pɛrɩ́-gʋba-lowr. Ʋ tɩ lanɛ nɩ a Hinom fʋɔla, a Zebizitɩ mɩnɛ tãw sɩ̃ɛ́, a saa-pɛrɩ́-dʋrʋ-lowr, ɛ́ siw tɩ tɔ a Ɛɩn-Orogɛl.