Neemi 10:29 - A SƐB-SÕW

²⁹ A Ɩsɩrayɛl nɩbɛ bɛl na cɛ a, a bàwr-maalbɛ, a levitɩ mɩnɛ, a dɩ̃dɔ-gùrbɛ, a yiel-yielbɛ, a Ŋmɩn-yir-kpɛ̃ɛ tõ-tõ-biir nɩ a tɩɩm za na ow yi a nɩbɛ na tɩ cãà kpɩɛr a tẽw a pʋɔ a diw-cenu daar a, a tɩɩm na tu a Naaŋmɩn wulu pùor a, de nɩ a tɩ pɔwbɛ nɩ a tɩ bidɛbr nɩ a tɩ pɔwyaar bɛl na na tʋ̃ɔ́ bãw bom pɛr a, tɩ tɩ lãw nɩ nɩ a nɩbɛ bɛ ŋa.

Neemi 10:29 ပူးပေါင်းရင်းမြစ်များ

2 Na-mɩnɛ 10:31

A na saa ɩ à ŋá a, a Yehu bɛ tɩ sàw a Sore, a Ɩsɩrayɛl Naaŋmɩn, wulu nɩ ʋ pʋɔ za ɩ. Ʋ tɩ cãà na maalɛ a Zerobowam yel-bebe, a yel-bebe a Zerobowam na tɩ ƴãw a Ɩsɩrayɛl nɩbɛ maalɛ a.

2 Na-mɩnɛ 23:3

A nãà tɩ àr'ɩ saaƴẽwn, a Ŋmɩn-yir-kpɛ̃ɛ kpul ƴãw, ɛ́ lɛb puuli a wõ-taa nɩ a Sore. Ŋa za n'ʋ a fɛrɛ k'ʋʋ tuur a Sore, sàwr a ʋ nɛ-ƴãwnɩ, a ʋ wulu, nɩ a lɛ ʋ na yel a, nɩ ʋ pʋɔ za, nɩ ʋ sɩ́ɛ za, ɛ́ sàwr a ƴɛ̀rʋ al za na sɛb a wõ-taa sɛbɛ pʋɔ a. A nɩbɛ za tɩ sàw nɩ a wõ-taa ŋa.

1 Bibie za yel-manɩ 9:2

A bɛlɩ dem na tɩ de niwn lɛb wa a bɛ tẽw pʋɔ, kɛ́ bɛ wa lɛb de a bɛ bʋ̃-tɛrɩ a, bɛ tɩ ɩ n a Ɩsɩrayɛl nɩ-zawlɛ, al pùorí a bàwr-maalbɛ, a levitɩ mɩnɛ nɩ a Ŋmɩn-yir-kpɛ̃ɛ tõ-tõ-biir.

2 Bibie za yel-manɩ 34:31

A nãà tɩ àr'ɩ saaƴẽwn, a ʋ àrʋ zie, ɛ́ lɛb puuli a wõ-taa nɩ a Sore. Ŋa za n'ʋ a fɛrɛ k'ʋʋ tuur a Sore, sàwr a ʋ nɛ-ƴãwnɩ, a ʋ wulu, nɩ a lɛ ʋ na yel a, nɩ ʋ pʋɔ za, nɩ ʋ sɩ́ɛ za, ɛ́ sàwr a ƴɛ̀rʋ al za na sɛb a wõ-taa sɛbɛ pʋɔ a.

2 Bibie za yel-manɩ 6:16

Ƴɛrɛŋa a, Sore e, Ɩsɩrayɛl Naaŋmɩn i, mɩ̀ maalɩ a lɛ fʋ na tɩ ƴãw a nʋɔr a fʋ tõ-tõ-bie ɩ̃ sãà Daviir zie a, a lɛn daar fʋ na tɩ yel ʋ à ŋá a: “A fʋ bʋʋrɛ wa ɩrɛ vla a ɩ̃ zie mɛ̃ a lɛ a fʋ̃ʋ mɩŋa na ɩ a, a bɛ kãw na mɩ́ be n a ɩ̃ niŋé kʋralɛ, dɩrɛ naalʋ a Ɩsɩrayɛl nɩbɛ zu, a fʋ pùorí.”

Neemi 13:25

Ɩ̃ tɩ yere bɛ na, ɛ́ ŋmɛ ƴãw bɛ. Ɩ̃ mɔ̃ mɩ̀ tɩ pɔb'ɩ a dɛbr bɛ mɩnɛ ɛ́ taw a bɛ zukɔbɛ vɔ̃. Al pùorí, ɩ̃ ƴãw bɛ pɔ n a Naaŋmɩn yúor kɛ́ bɛ kʋ̃ lɛb kʋ̀ a bɛ pɔwyaar nɩ-bʋʋr-yoru nɩbɛ bɛ kul ɛ, ɛ́ mɩ̀ kʋ̃ lɛb de nɩ-bʋʋr-yoru pɔwyaar a bɛ bidɛbr ƴãw bɩɩ a bɛl mɩŋa ƴãw ɛ.

Neemi 7:46

A Ŋmɩn-yir-kpɛ̃ɛ tõ-tõ-biir: Siha, Hasufa, Tabawɔtɩ,

Neemi 8:3

A Ɛsɩdɩrasɩ tɩ àr'ɩ a zie nɛ na tori a Kʋ̃ɔnɩ dɩ̃dɔr a, ɛ́ kanɩ a sɛbɛ pʋɔ, a zi-wɛl-paala tɩ ta a mʋ̃tɔ̃w na do põ-zɛ̃-taa a, a dɛbr, a pɔwbɛ nɩ a bibiir bɛl na na tʋ̃ɔ́ wõ a ƴɛ̀rʋ a niŋé. A nɩbɛ za tɩ maal'a bɛrɛ wone a kanʋ ŋa.

Neemi 9:2

Bɛ tɩ ow na yi a bɛlɩ dem za na bɛ ɩ Zifʋ mɩnɛ a pʋɔ, ɛ́ yere kɛ́ bɛ maal'ɩ yel-bebe, bɛlɛ nɩ a bɛ sãàkʋm-kore.

Sɛb-sõw yielu 105:45

kɛ́ bɛ tʋ̃ɔ́ tuur a Sore wulu, ɛ́ sàwr a ʋ nɛ-ƴãwnɩ. Aleluya!

Sɛb-sõw yielu 119:106

Ɩ̃ pɔ na k'ɩ̃ɩ na tu n a lɛ fʋ na dɩ a ƴɛ̀rʋ nɩ mɩnʋ yel a, ɩ̃ɩ bɛ lɩɛbɛ bɛrɛ ɩ.

Sɛb-sõw yielu 8:1

A yiel-yielbɛ nɩ-kpɛ̃ɛ sɛbɛ pʋɔ yielu, nɩ Daviir yielu kãw n'ʋ. Gatɩ tẽw korijom'ʋ bɛ mɩ́ ŋmɩɛr yiele nɩ.

Sɛb-sõw yielu 8:9

a mʋ̃ɔ pʋɔ lili nɩ a kʋ̃ɔ-kpɛ̃ɛ zʋ́mɛ́, nɩ bom za na tuur a kʋ̃ɔ-kpɛ̃ɛ sɛ́ɛ a.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Zeremi 26:4

A lɛ pʋɔ a, fʋ na yel'a: À ŋá n'a a Sore yere: “Nyɩ bɛrɛ wone a ɩ̃ ƴɛ̀rʋ. Nyɩ tuur a wulu ɩ̃ na kʋ̀ nyɩ a.

Zeremi 34:15

A vuo ŋa pʋɔ a, a nyɩɩm a, nyɩ lɩɛb'ɩ a nyɩ ɩb, ɛ́ ɩ a lɛ na tori a, a ɩ̃ zie. Bʋ̃ʋ n'ʋ vɛ̃, ŋa za mɩ́ tɩ yel'a k'ʋʋ na bɛr'ɩ a ʋ tɔ ʋ so ʋ tʋɔra, nyɩ mɔ̃ mɩ̀ tɩ ɩ na mãa nɩ nyɩɩm wõ taa a yir ŋa ɩ̃ na so a pʋɔ.

Ezekɩɛl 36:27

Ɩ̃ na ƴãw nyɩ nɩ a ɩ̃ Vʋʋrʋ. À ŋá n'a ɩ̃ na ɩ kɛ̀ nyɩ tʋ̃ɔ́ sàwr a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Levitɩ mɩnɛ 20:26

«Nyɩ ɩ nɩ-son, be a ɩ̃ tome ƴãw, ɩ̃ na ɩ sõw a ƴãw, a mãa, a Sore. Ɩ̃ ɩ na nyɩ ɩ nyɩ tʋɔra a nɩ-bʋʋr-yoru sɔgɔ, k'ɩ̃ɩ tʋ̃ɔ́ so nyɩ.»

Sɔr-nɛ́ɛ 5:21

a Sore, ʋ ɩ a fʋ pʋɔ ʋ ɩ pʋ-ãan, ɛ́ fʋ kpel púor! A fʋ tẽ-bi-taabɛ mɩ́ wa pɔrɛ lãwnɩ ŋmɛ-ƴãw a, bɛ̃ɛ por a fʋ yúor.

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Zã 15:14

Nyɩ ɩ n a ɩ̃ bárɩ nyɩmɛ wa maalɛ a lɛ ɩ̃ na ƴãw a nʋɔr kʋ̀ nyɩ a.

Zã 7:19

Moyiir bɛ tʋ̃ɔ́ n'ʋ kʋ̀ nyɩ a Naaŋmɩn wulu ɛ? Ɛcɛ nyɩ been kãw za bɛ tuur a Naaŋmɩn wulu ɛ, bʋ̃ʋ n'ʋ so nyɩ bɔbr a ɩ̃ kʋb?»

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 17:34

Ɛcɛ bɛ mɩnɛ tɩ tu n a Pol, bɛ tɩ sàw na de a Yeezu yele. Deni, na ɩ a ƴɛ̀rʋ-dɩb-lãw nɩr kãw a, nɩ pɔw kãw na dɩ Damaarisɩ a, nɩ bɛ mɩnɛ kãw tɩ pʋɔ nɩ a bɛl na sàw de a pʋɔ.

Nɩ-toni 23:21

Fʋ̃ʋ ʋ, taa wa nanɩ sàwr ɛ. Bɛ zuo nɩ nɩbɛ lɩz'a ayi na na sɔwlɩ gù ʋ a. Bɛ pɔ na kɛ́ bɛlɛ bɛ wa kʋ a Pol a, bom bɛ lɛb kpɩɛr bɛ nʋɔrɩ́ ɛ. Bɛ cɔbr'ɩ a bɛ yele za baarɩ, fʋ̃ʋ yõ n'ʋ bɛ cɛlɛ kɛ́ fʋ sàw.»

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Wulu-ayi-sob 33:4

Moyiir kʋ̀ tɩ nɩ wulu na ɩ a Zakɔb bʋʋrɛ na-bʋ̃-tuo a.

Wulu-ayi-sob 5:1

A Moyiir tɩ bʋɔl'ɩ a Ɩsɩrayɛl nɩbɛ za wa yel bɛ à ŋá: «Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na kʋ̀rɛ nyɩ a dɩ̃a a. Nyɩ zanɩ a ɛ́ ƴãw fãw tuur a.

Wulu-ayi-sob 5:32

A Moyiir tɩ cãà na yel a Ɩsɩrayɛl nɩbɛ à ŋá: Nyɩ ƴãw fãw ɩrɛ mɛ̃ a lɛ a Sore nyɩ Naaŋmɩn na yel kʋ̀ nyɩ a, ɛ́ taa gãwnɛ a ʋ nɔ-ƴãwna kãw za bɛrɛ ɩ.