Neemi 1:9 - A SƐB-SÕW

⁹ Ɛcɛ a pùorí, nyɩmɛ wa lɛb wa a ɩ̃ zie a, nyɩmɛ wa sàwr a ɩ̃ nɛ́ɛ a, nyɩmɛ wa maal tɛr a a, ɩ̃ na lɛb'a ɓã nyɩ taa. Bɛlɛ saa diw nyɩ cen nɩ a tẽw baarʋ zie a, ɩ̃ na lɛb'a tɛr nyɩ wa n a zie ʋl ɩ̃ na kaa ír k'ɩ̃ɩ mɩ́ wul k'ɩ̃ɩ be n a be a.”

Neemi 1:9 ပူးပေါင်းရင်းမြစ်များ

1 Na-mɩnɛ 8:48

bɛlɛ wa lɛb wa a fʋ zie nɩ a bɛ pʋɔ za nɩ a bɛ sɩ́ɛ za, a tẽw ʋl pʋɔ bɛ na ɩ a gbãgbaar a, bɛlɛ wa lɩɛbɩ niwn cɔw a tẽw fʋ na kʋ̀ a bɛ sãàkʋm-kore a, a tẽ-kpɛ̃ɛ ŋa fʋ na kaa ír a, nɩ a Ŋmɩn-yir-kpɛ̃ɛ ŋa ɩ̃ na ŋmãa a fʋ ƴãw a,

1 Na-mɩnɛ 9:3

A Sore tɩ yel'ɩ a Salomɔ̃ à ŋá: «Ɩ̃ wõ n a puoru fʋ na puori, ɛ́ zɛlɩ mɛ̃ a yãayãa a: a Ŋmɩn-yir-kpɛ̃ɛ ŋa fʋ na ŋmãa a, ɩ̃ maal'ʋ na, k'ɩ̃ɩ tʋ̃ɔ́ mɩ́ be a nyɩ sɔgɔ kʋralɛ a zie ŋa. Ɩ̃ na gùre ʋ nɩ vla vla kʋralɛ.

1 Bibie za yel-manɩ 16:35

Nyɩ yel ʋ: «Naaŋmɩn tɩ Faarɛ ɛ, faa tɩ, bʋɔlɩ tɩ ɓã taa ɛ́ faa tɩ a nɩ-bʋʋr-yoru nuru pʋɔ! A fʋ yúor ɩ n sõw. Lɛ n'a tɩ na tʋ̃ɔ́ puore fʋ yãanɩ, ɛ́ nyʋʋr tɩ na danɛ fʋ a.»

Ɛsɩdɩrasɩ 6:12

A Naaŋmɩn na wule k'ʋʋ be n a Zerizalɛm a, ʋ dɔwrɩ nãà za bɩɩ nɩ-bʋʋrɛ za nãà wa zawrɩ a ɩ̃ nʋɔr, ɛ́ yel k'ʋʋ na ŋmɛr'ɩ a Ŋmɩn-yir-kpɛ̃ɛ ŋa bɛr a. A mãa Daarisɩ n'ʋ yel à à ŋá: bɛ tu ʋ vla vla!»

Sɛb-sõw yielu 106:47

Sore tɩ Naaŋmɩn i, faa tɩ, lɛb bʋɔlɩ tɩ a nɩ-bʋʋr-yoru sɔgɔ wa ɓã taa, tɩ tʋ̃ɔ́ íre a fʋ yo-sõw, ɛ́ danɛ fʋ nyʋʋr'ɩ.

Sɛb-sõw yielu 107:3

a bɛl ʋ na lɛb tɛr a ten za pʋɔ wa ɓã taa a, a saa-pɛrɩ́ nɩ a mʋ̃tɔ̃w-kpɛb-lowr, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr a.

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Ɩzayi 11:12

Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Ɩzayi 27:12

A ʋlɩ bibir nɛ a, a Sore na va n a ʋ bʋ̃-dieri a Efaratɩ manɩ́ tɩ tɔ a Eziptɩ tẽw fʋɔla. Ɛ́ nyɩɩm, Ɩsɩrayɛl nɩbɛ ɛ, ʋ na yiiri nyɩ nɩ been been mɛ̃ ka-zuru a.

Ɩzayi 56:8

A Sore Naaŋmɩn yere na, ʋl na ɓã a Ɩsɩrayɛl nɩbɛ bɛ na diw cen nɩ a taa a: «Ɩ̃ ɓã n nɩbɛ taa baarɩ bɛ viiri koli bɛ, ɛ́ na lɛb ɓã bɛ mɩnɛ taa lãwnɩ bɛ.»

Zeremi 12:15

Al pùorí, ɩ̃ na lɛb'a zɔ a bɛ nɩbaalʋ, ɛ́ lɛb tɛr ŋa za cen nɩ a ʋ zi-sóra pʋɔ, a ʋ tẽw pʋɔ.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 31:10

Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Ezekɩɛl 14:6

Alɛ n'a so, yel kʋ̀ a Ɩsɩrayɛl nɩbɛ: “A Sore Naaŋmɩn zɛlɛ nyɩ na kɛ́ nyɩ lɩɛbɩ a nyɩ nyɔ-vʋʋrʋ, kɛ́ nyɩ ír nũu ɛ́ bɛr a nyɩ ŋmɩn-bɛlɛbɛlɛ, kɛ́ nyɩ ŋmɛlɩ kpaar cɔw a nyɩ ɩb na bɛ maal'ɩ wob a.”

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Levitɩ mɩnɛ 26:3

«Nyɩmɛ wa tuur a ɩ̃ wulu a, nyɩmɛ wa tɛr a ɩ̃ nɛ-ƴãwnɩ vla ɛ́ sàwr a a,

Zakari 8:7

Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.

Matie 24:31

Ʋ na tõ n a ʋ malkɩ mɩnɛ nɩ a wɩ-kpɛ̃ɛ a tẽ-daa lõbowe anaar za, bɛ tɩ bʋɔlɩ a ʋ nɩ-kaa-íri a tẽ-daa zu ziir za ɓã taa.»

Wulu-ayi-sob 12:21

A zie a Sore nyɩ Naaŋmɩn na kaa ír, k'ʋʋ mɩ́ wul k'aa be n'a ʋ be a, ʋlɛ wa zãá zuo nyɩ a, nyɩ na tʋ̃ɔ́ na mɩ́ nyɔw dʋ̃w a nyɩ nĩi, a nyɩ píir bɩɩ a nyɩ bʋʋr, a Sore na na kʋ̀ nyɩ a pʋɔ kʋ. Nyɩ na tʋ̃ɔ́ na mɩ́ 'wɔb a nɛn sɛw lɛ za nyɩ na bɔbr a, a nyɩ yie pʋɔ, ɛ́ 'wɔb tu n a nɛ́ɛ ɩ̃ na ƴãw kʋ̀ nyɩ a.

Wulu-ayi-sob 12:5

A zie ʋl ʋ na na kaa ír a nyɩ dɔwlʋ za pʋɔ, kpɩɛr a be, ɛ́ mɩ́ wul k'aa be n'a ʋ be a, be yõ n'a nyɩ na mɩ́ cen tɩ puor'ʋ.

Wulu-ayi-sob 30:1

A alɩ bome nɛ za ɩ̃ na yel a, a maalʋ nɩ a ŋmɛ-ƴãw, a na tu na. A Sore nyɩ Naaŋmɩn wa diw nyɩ yaarɩ a nɩ-bʋʋr-yoru pʋɔ a lɛn daar a, nyɩ na lɛb'a tɩɛrɩ a yele á ŋá.