Neemi 1:5 - A SƐB-SÕW

⁵ ɛ́ tɩ yel ʋ à ŋá: «'Woi! Sore e, fʋ̃ʋ Naaŋmɩn na be a salom zu a, Naaŋmɩn na ɩ kpɛ̃ɛ, ɛ́ bɛ tɛr dɩ̃ɛnʋ a! Fʋ mɩ́ tɛr'ɩ a fʋ wõ-taa, fʋ̃ʋ nɩ a bɛlɩ dem na sàwr a fʋ nɛ́ɛ a zie, fʋ ŋmɛ̃ n fʋ ŋmɛ̃a a bɛlɩ dem na nɔnɛ fʋ a zie.

Neemi 1:5 ပူးပေါင်းရင်းမြစ်များ

1 Na-mɩnɛ 8:23

ɛ́ puori à ŋá: «Sore e, Ɩsɩrayɛl Naaŋmɩn i, Naaŋmɩn bɛ be be mɛ̃ a fʋ̃ʋ, a saa-zu a salom zu ɛ, nɩ a pile a tẽw zu ɛ. Fʋ mɩ́ maal'a tɛr a fʋ wõ-taa nɩ nɔ̃wfʋ a fʋ tõ-tõ-biir zie, a lɛn daar bɛ na mɩ́ sàwr a fʋ nʋɔr nɩ bɛ pʋɔ za a.

1 Bibie za yel-manɩ 17:21

Nɩ-bʋʋr-been yõ be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl ɩ? Fʋ cen na tɩ ír bɛ a Eziptɩ tẽw dem nuru pʋɔ, kɛ́ fʋ ɩ bɛ lɩɛbɩ a fʋ nɩ-bʋʋrɛ. Fʋ maal'ɩ nɔ-ɓãa-yele nɩ yele na vʋ̃ɔnɛ pʋ̀lá a a bɛ ƴãw, ír'ɩ yúor. Fʋ diw nɩ nɩ-bʋʋr-yoru a fʋ nɩ-bʋʋrɛ fʋ na faa a Eziptɩ tẽw a niŋé.

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Neemi 2:4

A nãà tɩ sowri mɛ̃ na: «Bʋ̃ʋ n'ʋ fʋ bɔbr a ɩ̃ zie?» Daadaalɛ, ɩ̃ tɩ puor'ɩ a Naaŋmɩn na be a salom zu a,

Neemi 4:14

Zie nɛ za nyɩ na be a, nyɩmɛ wa wõ a wɩ́ɛ ʋ pɛblɩ a, nyɩɩm zɔ wa ɓã taa a ɩ̃ zie. A tɩ Naaŋmɩn na zɛb'a ƴãw tɩ.»

Neemi 4:8

Ɩ̃ na tɩ bɛl a lɛ bɛ na gù a ziir baarɩ a, ɩ̃ yel'ɩ a nɩ-yée nɩ a nɩ-bɛrɛ nɩ a nɩbɛ za na tɩ be a be a: «Nyɩ ta zɔrɛ a nyɩ dɔ̃ dem dɛ̃bɩ̃ɛ ɩ! Nyɩ lɛb tɩɛrɩ a Sore na ɩ kpɛ̃ɛ ɛ́ bɛ tɛr dɩ̃ɛnʋ a. Nyɩ zɛbr a nyɩ yɛbr, a nyɩ bidɛbr, a nyɩ pɔwyaar, a nyɩ pɔwbɛ nɩ a nyɩ yie ƴãw.»

Neemi 9:32

Fʋ̃ʋ tɩ Naaŋmɩn i, fʋ ɩ n kpɛ̃ɛ, fʋ tɛr'ɩ fãw ɛ́ bɛ tɛr dɩ̃ɛnʋ ɛ, fʋ tɛr'ɩ a wõ-taa fʋ na maal'ɩ tɩ a vla. Cɛlɛ a kpɩɛrʋ a fʋ nɩ-bʋʋrɛ, a tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ, tɩ naaŋmɩn-ƴɛ̀r-manbɛ, a tɩ sãàkʋm-kore nɩ a tɩɩm tɛɛ za na nyɛ̃ a zie, a Asiiri na-mɩnɛ daar za wa tɩ tɔ a dɩ̃a a.

Sɛb-sõw yielu 47:2

Nyɩɩm nɩ-bʋʋrɛ za a, nyɩ puore nuru carcarcar! Nyɩ ŋmɩɛr nʋ̃ɔ̀ cɛlsɩ cáarɛ nɩ a Naaŋmɩn ƴãw,

Sɛb-sõw yielu 76:8

A fʋ̃ʋ a, fʋ bɛ tɛr dɩ̃ɛnʋ ɛ. Fʋ̃ʋ wa nyɛ̃ suur a, ãa n'ʋ na tʋ̃ɔ́ àr a fʋ niŋé?

Sɛb-sõw yielu 89:2

Sore e, ɩ̃ na yiele nɩ a fʋ nɔ̃wfʋ yele kʋralɛ, a ɩ̃ nʋɔr na manɛ nɩ a fʋ na ŋmɛ̃ fʋ ŋmɛ̃a a yome yome za.

Sɛb-sõw yielu 89:3

Ɩ̃ yere nɩ à ŋá: A fʋ nɔ̃wfʋ be n be kʋralɛ, a fʋ na ŋmɛ̃ fʋ ŋmɛ̃a a kpɛmɛ na gã a salom zu.

Sɛb-sõw yielu 89:8

A malkɩ mɩnɛ lãw pʋɔ a, a Naaŋmɩn bɛ tɛr dɩ̃ɛnʋ ɛ, ʋ bɛ tɛr dɩ̃ɛnʋ a bɛlɩ dem za na jil koli ʋ a zie ɩ.

Eziptɩ tẽw yib 20:6

Ɛcɛ a bɛlɩ dem na nɔnɛ mɛ̃ ɛ́ sàwr a ɩ̃ nɛ́ɛ a, ɩ̃ mɩ́ tɛr'ɩ nɔ̃wfʋ-ɩb a bɛ zie tɩ ta bɛ na dɔw tu taa gb'aa túr a.»

Wulu-ayi-sob 7:12

Nyɩmɛ wa cɛlɛ be a tub á ŋá ƴãw a, nyɩmɛ wa tɛr a tuur a, a Sore nyɩ Naaŋmɩn na ŋmɛ̃ ʋ ŋmɛ̃a a na maal'a tɛr a wõ-taa ʋ na maal'ɩ a nyɩ sãàkʋm-kore a, a nyɩ vla ƴãw.

Wulu-ayi-sob 7:21

Nyɩ taa màwr a nɩ-bʋʋrɛ bɛ ŋa niŋé ɩ: a Sore nyɩ Naaŋmɩn be n a nyɩ zie, ɛ́ ɩ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.

Wulu-ayi-sob 7:9

Nyɩ bãwnɩ a k'aa Sore nyɩ Naaŋmɩn n'ɩ a Naaŋmɩn-sɩza been yõ. Ʋ ŋmɛ̃ n ʋ ŋmɛ̃a, ɛ́ mɩ́ tɛr a ʋ wõ-taa nɩ a ʋ nɔ̃wfʋ tɩ ta a nɩbɛ na dɔw tu taa gb'aa túr a, a bɛlɩ dem na nɔnɛ ʋ ɛ́ sàwr a ʋ nɛ-ƴãwnɩ a zie.