Neemi 1:3 - A SƐB-SÕW

³ Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Neemi 1:3 ပူးပေါင်းရင်းမြစ်များ

1 Na-mɩnɛ 9:7

ɩ̃ na ír nyɩ na nɩ fãw, a nyɩɩm Ɩsɩrayɛl nɩbɛ, a tẽw ɩ̃ na kʋ̀ nyɩ a pʋɔ. Ɩ̃ na jɛ n a Ŋmɩn-yir-kpɛ̃ɛ ŋa ɩ̃ na maalɩ a ɩ̃ yúor ƴãw a bɛr, ʋ zãá nɩ mɛ̃. Lɛ n'a a nɩ-bʋʋrɛ za na ɩrɛ a Ɩsɩrayɛl laar ɛ́ tʋʋr ʋ.

2 Na-mɩnɛ 25:10

A Babɩlɔn tẽw dem sojarɩ na tɩ bɩɛlɛ a nãà gùrbɛ nɩ-kpɛ̃ɛ a, tɩ da n a dacĩ-bɛrɛ na viiri koli a Zerizalɛm a lɔb.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Ɛsɩdɩrasɩ 2:1

A Zifʋ bɛl a Babɩlɔn tẽw nãà, Nabikodonozɔɔr, na tɩ diw cen nɩ a Babɩlɔn a, nɩ-yaga a bɛ pʋɔ tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽw pʋɔ.

Ɛsɩdɩrasɩ 5:8

«Tɩ yere na kʋ̀rɛ a nãà k'ʋʋ bãwnɩ a tɩ na cen a Zuda tẽ-ŋmãa-kʋ̀ra pʋɔ, a Naaŋmɩn na ɩ kpɛ̃ɛ a yir a. A Zifʋ mɩnɛ lɛb'a mɩɛr a Ŋmɩn-yir-kpɛ̃ɛ nɩ kʋsɛ-pɛnɩ nɩ dà-wowr bɛ na ƴãw ƴãw a dacine pʋɔ a. A ton tone nɩ vla vla, ɛ́ tone páwr.

Neemi 11:3

A Zuda tẽ-ŋmãa-kʋ̀ra pʋɔ nɩ-bɛrɛ tɩ kpɩɛr'ɩ a Zerizalɛm, ɛ́ a Ɩsɩrayɛl nɩbɛ ŋmaarɛ, a bàwr-maalbɛ, a levitɩ mɩnɛ, a Ŋmɩn-yir-kpɛ̃ɛ tõ-tõ-biir, a Salomɔ̃ tõ-tõ-biir bʋʋrɛ bɛl kpɩɛr a bɛ tẽ-bɛrɛ pʋɔ, ŋa za a ʋ zi-sóra pʋɔ.

Neemi 2:13

A tɩ̃ɩsɔw a, ɩ̃ tɩ tu n a Bà-fʋɔla dɩ̃dɔr ƴãw yi a tẽw pʋɔ, tu a Wa-bɩɛ bule nɩ a Pʋɔrʋ dɩ̃dɔr lowr. Ɩ̃ tɩ bɛl bɛl'ɩ a Zerizalɛm dacine nyɛ̃ a ɩ vɛɛ tɛwr, ɛ́ vũu dɩ a pamɛ.

Neemi 2:17

Ɩ̃ tɩ ƴɛ̀r'ɩ à ŋá a bɛ zie: «Nyɩ nyɛ̃ nɩ a wʋ̀ʋr tɩ na ɩrɛ a: a Zerizalɛm lo n ʋ za, ɛ́ a ʋ pamɛ dɩ vũu! Nyɩ ɩ tɩ lɛb mɛ a Zerizalɛm dacine, ta cãà nyɛrɛ a vĩ ɛ.»

Neemi 2:3

Ɛcɛ ɩ̃ tɩ cãà na tʋ̃ɔ́ yel a nãà: «Nãà a, a fʋ nyɔ-vʋʋrʋ, ʋ be be kʋralɛ! Ŋmɩŋmɩn n'a ɩ̃ na ɩ bɛ tɛr pʋ-sãwna? A tẽ-kpɛ̃ɛ ʋl pʋɔ bɛ na ũù a ɩ̃ sãàkʋm-kore a, bɛ ŋmɛr'ɩ ʋ za bɛr, ɛ́ a ʋ pamɛ za dɩ vũu!»

Neemi 7:6

A yie dɔwlʋ al a Babɩlɔn tẽw nãà Nabikodonozɔɔr na tɩ diw cen nɩ a, a yaga zie tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽ-kpɛ̃ɛ pʋɔ.

Sɛb-sõw yielu 79:4

A tɩ sɩman dem tʋʋr tɩ na, a bɛlɩ dem na kpɩɛr viiri koli tɩ a kpɔwrɛ tɩ na ɛ́ ɩrɛ tɩ laar.

Zʋkpaɩ 25:28

Nɩr na bɛ tʋ́ɔr a ʋ suur nyɔwr a ŋmɛ̃ na mɛ̃ tẽ-kpɛ̃ɛ na yuo gã, ɛ́ bɛ tɛr dacĩ-kpɛ̃ɛ ʋ na piw ʋ tɛr a.

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Ɩzayi 5:5

Ƴɛrɛŋa a, ɩ̃ na yel'ɩ ʋlɩ bom nɛ ɩ̃ na na ɩ a ɩ̃ divɛ̃ tɩɩr púo a kʋ̀ nyɩ: ɩ̃ na ír'ɩ a dàbáw bɛr a dʋn 'wɔb a tɩɩr váar. Ɩ̃ na dáa nɩ a dacin na viiri koli ʋ a lɔb, a sɔr-tɔlbɛ nɛb ʋ.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.

Zeremi 52:14

A Babɩlɔn tẽw sojarɩ, na tɩ bɩɛlɛ a nãà gùrbɛ nɩ-kpɛ̃ɛ a, tɩ da n a dacĩ-bɛrɛ na viiri koli a Zerizalɛm a lɔb.

A Lãw-mʋɔlɛ 1:7

A ʋ bibie al ʋ na tɩ bɔrɛ gʋɔr ɛ́ nyɛrɛ vĩ a, a Zerizalɛm tɩ lɛb'a tɩɛrɛ a ʋ bʋ̃-vɩɛlɩ za ʋ na tɩ tɛr a koro za a. A lɛn daar a ʋ nɩbɛ na tɩ lo a bɛ dɔ̃ dem nuru pʋɔ a, nɩr kãw za bɛ tɩ wa sõw ʋ ɛ. A ʋ dɔ̃ dem tɩ nyɛ̃ ʋ na ɛ́ ɩ ʋ la ʋ na tɩ lo a ƴãw.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

A Lãw-mʋɔlɛ 3:61

Sore e, fʋ wõ n a zʋmɛ bɛ na tʋʋr a, nɩ a lɛ za bɛ na cɔbrɩ a ɩ̃ ƴãw a.

A Lãw-mʋɔlɛ 5:1

Sore e, ta yiiri a ʋlɩ bom nɛ na ta tɩ a ɩ. Jɩ́r nyɛ̃ a lɛ bɛ na tʋʋr tɩ a.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.