Nahum 3:19 - A SƐB-SÕW

¹⁹ A fʋ yele sãw na bɛ lɛb tɛr maalʋ ɛ, a fʋ natɩɛ bɛ tɛr tɩ̃ɩ ɛ, bɛlɩ dem za na mɩ́ wone a fʋ yele a, bɛ mɩ́ ŋmɩɛr'ɩ kuryii a faa na ta b a ƴãw, bʋ̃ʋ n'ʋ vɛ̃, ãa zie n'a fʋ bɛ ɩ a fʋ po-to-ɩb kʋralɛ?

Nahum 3:19 ပူးပေါင်းရင်းမြစ်များ

A Zɔb sɛbɛ 27:23

Bɛ ŋmɛ n kuryii ʋ na lo a ƴãw, a be ʋ na tɩ be a, bɛ 'húore ʋ na.

Ɩzayi 37:11

Fʋ mɩŋa za wõ n a lɛ a Asiiri tẽw na-mɩnɛ na ɩ a ten za a: bɛ sãw a na bɛr pelẽpelẽ. Ɛ́ fʋ̃ʋ tɩɛrɛ kɛ́ fʋ na cɩ̃ɛ na a?

Ɩzayi 37:18

Sore e, sɩza n'a a Asiiri tẽw na-mɩnɛ sãw a nɩ-bʋʋr-yoru nɩ a bɛ ten bɛr.

Zeremi 10:22

Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 30:12

À ŋá n'a a Sore yere: «Zerizalɛm i, a fʋ bàalʋ bɛ tɛr tɩ̃ɩ ɛ, a fʋ natɩr kʋ̃ tʋ̃ɔ́ sanɩ ɛ.

Zeremi 46:11

Eziptɩ tẽw na ɩrɛ nɩbaalʋ a, do Galaadɩ tẽw tɩ bɔ tɩ̃ɩ-kãá a fʋ natɩɛ sanʋ ƴãw. Ɛcɛ a tɩ̃ɩnɩ yaga deb bɛ tɛr pɛr ɛ, a fʋ natɩr kʋ̃ sanɩ ɛ.

A Lãw-mʋɔlɛ 2:15

Zerizalɛm i, a bɛlɩ dem za na tɔlɛ pɩɛlɛ fʋ a puore nɩ nuru a fʋ loba ƴãw. Bɛ fuole na gɔwrɛ nɩ zuru kɛ́ bɛ tʋ̃ɔ́ ɩ b la: «A tẽ-kpɛ̃ɛ ŋa n'ʋ bɛ tɩ bʋɔlɛ a vɩɛl-bɛ-cɛ nɩ a tẽ-daa za nʋ̃ɔ̀ ʋ?»

Ezekɩɛl 25:6

À ŋá n'a a mãa Sore Naaŋmɩn yere: Nyɩ ŋmɛ n nuru ɛ́ ƴaw nʋ̃ɔ̀ ƴawfʋ nyɩ na wõ a Ɩsɩrayɛl kpɩɛrʋ a. À à ŋá a, nyɩ wul'ɩ jewru na ɩ jewru a, a ɩ̃ nɩ-bʋʋrɛ.

Zonasɩ 1:2

«Ìr cen a Nɩnɩɩvʋ tẽ-kpɛ̃ɛ pʋɔ tɩ yere ʋ zɛbr'ɩ, bʋ̃ʋ n'ʋ vɛ̃, ɩ̃ pãa bàl'a nɩ a ʋ nɩbɛ ɩ-faar.»

Mise 1:9

A dɔwrʋ na páw a Samaari a bɛ tɛr tɩ̃ɩ ɛ, a ta n a Zuda tẽw tɛɛ za, a Zerizalɛm dɩ̃dɛɛ ƴãw, a be a ɩ̃ nɩ-bʋʋrɛ na kpɩɛr a.

Yel-wula 13:7

Bɛ tɩ kʋ̀ ʋ nɩ sɔ́r k'ʋʋ zɛbr'ɩ a Naaŋmɩn nɩ-bʋʋrɛ ɛ́ tʋ̃ɔ́ bɛ. Bɛ tɩ kʋ̀ ʋ nɩ fãw dɔwlʋ za zu, bʋʋrɛ za, ƴɛ̀r-pɛ-bʋʋrɛ za nɩ tẽw za zu.

Yel-wula 17:2

A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a tẽw zu nɩbɛ nyũ a ʋ pɩ̃ɔ ɩ-ɩrɩ divɛ̃ kuoli.»

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.