Nahum 3:18 - A SƐB-SÕW

¹⁸ Asiiri tẽw nãà a, a nɩ-bɛrɛ fʋ na ƴãw a ten pʋɔ a, bɛ gúr'a kʋ̃ lɛb ìr ɛ, a fʋ sojarɩ nɩ-bɛrɛ bɛ cãà damnɛ ɩ. A fʋ nɩbɛ yàar'a pàw a tan, ɛ́ nɩr bɛ ka be na lɛb kaalɩ bɛ ɓã taa ɩ.

Nahum 3:18 ပူးပေါင်းရင်းမြစ်များ

1 Na-mɩnɛ 22:17

Lɛ n'a a Mise tɩ yel: «Ɩ̃ nyɛ̃ nɩ a Ɩsɩrayɛl nɩbɛ za bɛ yaarɩ pàw a tan, mɛ̃ píir na bɛ tɛr cɩ̃ɩnɛ a. Ɛ́ a Sore yel: “Bɛ bɛ cãà tɛr nɩ-kpɛ̃ɛ ɩ. Ŋa za mɩ́ ɓãá ƴãw ta a ʋ yir.”»

Eziptɩ tẽw yib 15:16

Dɛ̃bɩ̃ɛ sɩrɩ na tɛr bɛ, bɛ dɩ vuo ɩ. A fʋ kpãkpãw-kpɛ̃w ton ɩ na bɛ gbini àr gbili, ɛ́ gù a fʋ nɩ-bʋʋrɛ tɩ tɔl baarɩ, Sore e, a fʋ nɩ-bʋʋrɛ fʋ na páw a.

Ɩzayi 13:14

Lɛ n'a ŋa za na mɩ́ lɛb tɩ páw a ʋ bʋʋrɛ, ŋa za na mɩ́ lɛb zɔ tu a ʋ tẽw lowr, mɛ̃ mɔlʋ bɛ na diwr a, mɛ̃ píir nɩr za na bɛ kparɛ ɓanɛ taa a.

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Zeremi 50:18

A lɛ pʋɔ a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Ɩ̃ na ìr'ɩ a Babɩlɔn tẽw nɩ a ʋ nãà ƴãw, mɛ̃ a lɛ ɩ̃ na tɩ ìr a Asiiri tẽw nãà ƴãw a.»

Zeremi 51:39

A bɛ bʋ̃-bɔbra tuo dɩrɛ bɛ na, ɩ̃ɩ cɔbrɛ cuw dɩb a bɛ ƴãw. Ɩ̃ na ƴãw na bɛ nyũ tɩ kuoli gã kpãlãkpãlã. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb ìr towtow ɛ, a mãa Sore, mãa n'ʋ yere.

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Yel-wula 6:15

A tẽw zu na-mɩnɛ, a nɩ-bɛrɛ, a sojarɩ nɩ-bɛrɛ, a tɛra dem, a fãw dem, bɛ za, gbãgbaar nɩ nɩbɛ na so bɛ tʋɔra a, tɩ sɔwl'ɩ a bɔwrɩ pʋɔ nɩ a pie pʋɔ a tan zu.