Nahum 3:13 - A SƐB-SÕW

¹³ A fʋ zɛbr-nɩbɛ ɩ na mɛ̃ pɔwbɛ na bɛ tɛr fãw a, a fʋ tẽw dɩ̃dɛɛ yuo nɩ 'he'hee a fʋ dɔ̃ dem niŋé: vũu dɩ n a fʋ dà-jɩ̀rɩ́.

Nahum 3:13 ပူးပေါင်းရင်းမြစ်များ

Sɛb-sõw yielu 107:16

Bʋ̃ʋ n'ʋ vɛ̃, ʋ kár'ɩ kure pamɛ bɛr, ʋ kár'ɩ kur-dàar na mɩ́ jɩ́r pamɛ a bɛr.

Sɛb-sõw yielu 147:13

Bʋ̃ʋ n'ʋ vɛ̃, ʋ ɩ n a fʋ pamɛ bʋ̃-kparɩ a kpɛmɛ, ɛ́ maalɩ a fʋ nɩbɛ na kpɩɛr a fʋ pʋɔ a.

Ɩzayi 19:16

Bibir kãw, a Eziptɩ tẽw dem na ɩ na mɛ̃ pɔwbɛ a. Dɛ̃bɩ̃ɛ na mɩ́ ɩrɛ bɛ na bɛ màwr, a lɛn daar a Sore, a kpɛnʋ-za-sob, nãà mɩ́ wa zɛw a nũu a bɛ ƴãw a.

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

Zeremi 50:37

Zɛbr, a lo a bɛ wie nɩ a bɛ zɛbr-torkori zu, a lo a nɩbɛ na jɛr-taa ɛ́ zɛbr a ʋ ƴãw a zu! Bɛ lɩɛbɩ pɔwbɛ na bɛ tɛr fãw a! Zɛbr, a lo a bɛ na-bome zu, bɛ zá a.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Abɩdɩasɩ 1:9

Teman tẽw i, pʋl-vʋ̃ɔ na tɛr'ɩ a fʋ zɛbr-nɩbɛ, ɛ́ bɛ na kʋ n a tẽw dem za.»

Nahum 2:6

A Nɩnɩɩvʋ tẽw nãà bʋɔlɛ nɩ a ʋ sojarɩ, ɛcɛ bɛ cere na kawr lore. A dɔ̃ dem dãwnɛ nɩ taa cere a dacĩ-kpɛ̃ɛ na piw a tẽw tɛr a ƴãw, bɛ àr'a pĩ.

Nahum 2:7

Bɛ wa bere na bɛ kar a mamɛ lowr dɩ̃dɛɛ pamɛ, a nãà yir pʋɔ a, zɔ ŋmɛ taa n'a!

Nahum 3:15

Ɛcɛ a nyɩ tẽw bɛ na na nyɩw a, vũu na dɩ nyɩ na kʋ, bɩɩ a zɛbr-sɔ-kpɛ̃ɛ na baarɩ nyɩ na mɛ̃ sãsowe na mɩ́ baarɩ tɩ-vaar a. A nyɩ nɩbɛ tɩ ƴɔ̃ƴɔ̃wn na mɛ̃ sãsowe na mɩ́ mɛ taa a, mɛ̃ sɩw-zam a.