Nahum 2:9 - A SƐB-SÕW

⁹ A Nɩnɩɩvʋ tẽw ɩ na mɛ̃ kʋ̃ɔ ƴãwfʋ zie, a kʋ̃ɔ na cire a za a. Bɛ cɩɩrɛ na yere: «Nyɩ tɛw àr! Nyɩ tɛw àr!» Ɛcɛ nɩr za bɛ ŋmɛlɛ kaar pùor ɛ.

Nahum 2:9 ပူးပေါင်းရင်းမြစ်များ

2 Bibie za yel-manɩ 36:10

A yũon paala daar, a nãà Nabikodonozɔɔr tɩ ƴãw na bɛ nyɔw ʋ wa n a Babɩlɔn, lãwnɩ a Sore yir-kpɛ̃ɛ pʋɔ bʋ̃-vɩɛlɩ vɩɛlɩ, ɛ́ ƴãw a Yoyakin yɛb Sedesɩasɩ ɩ a nãà a Zerizalɛm nɩ a Zuda Tẽw.

Ɩzayi 33:1

Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.

Ɩzayi 33:4

Lɛ n'a a mɩ́ ɩ a zab: à mɩ́ ɩ na mɛ̃ sãso-nãá-nʋrɩ n'a fʋ nyɛ̃ a. Bɛ mɩ́ lore na nyɩɛr a zɛbr na-bome mɛ̃ sãsoge na yãwmɛ bɛ dɩ vuo a.

Zeremi 25:34

Nyɩ kone lãw-mʋɔlɛ, nyɩ lɔbr cɛlsɩ, nyɩɩm nɩbɛ nɩ-bɛrɛ ɛ, nyɩ bile tẽsɔw, nyɩɩm dʋn dem i. Bʋ̃ʋ n'ʋ vɛ̃, a nyɩ kɔkɛɛ ŋmab daar ta na. Nyɩ na lo na ŋmɛr mɛ̃ la-vla vla a.

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 51:56

A zi-sãwnɛ waar'ɩ a Babɩlɔn ƴãw, ʋ na wa zɛb'ɩ ʋ na nyɔw a ʋ soja-gãdaar bɛ ɩ gaso nɩbɛ, ʋʋ kar a bɛ tamɛ bɛr. Sɩza, a Sore ɩ n Naaŋmɩn na bãw a san yáafʋ, ɛ́ mɩ́ kʋ̀ ŋa a lɛ ʋ na sɛw taa nɩ a.

Ezekɩɛl 26:12

Bɛ na zu n a fʋ tɛra ɛ́ za a fʋ yɛ̀rʋ́ bome. Bɛ na dá n a fʋ dacine lɔb ɛ́ sãw a fʋ yir-vɩɛlɩ vɩɛlɩ bɛr. Bɛ na de nɩ a kʋsɛbɛ, a dàar nɩ a bʋ̃-ŋmaarɛ al na na cɛ a, lɔb a ƴãw a kʋ̃ɔ-kpɛ̃ɛ pɛrɩ́.

Nahum 3:17

A nyɩ gùrbɛ tɩ bʋwl'ɩ a ziir za mɛ̃ sãsowe a, ɛ́ a nyɩ tõ-tõ-bi-bɛrɛ ɩ mɛ̃ bʋ̃-biir na mɛ taa mɛ̃ sɩw-zam a, a mɩ́ mɛ mɛ n a dabawr ƴãw a ƴawr daar, ɛ́ a mʋ̃tɔ̃w wa pure a, a mɩ́ bɔr'a, bɛ bɛ bãw a zi-cena ɩ. Nyɩnɛ n'a a pãa cen a?

Yel-wula 18:12

salm-zɩɛ, salm-pla, kʋsɛ-bi-nyɩlɩ nɩ lɛgɛ, pɛn-pɛlɛ saalɩ, pɛn-zɩɩr, pɛn-saalɩ nyɩlɩ vʋlvʋl nɩ pɛn-zɩɩr ɓõɓõ, dà-bʋʋrɛ bʋʋrɛ za na bɛ nyɛrɛ a, wɔ́b nyɩmɛ bʋ̃-maalɩ, dà-vɩɛlɩ, kur-zɩɛ, kure bɩɩ kʋsɛ-pɛlɛ bʋ̃-maalɩ,

Yel-wula 18:16

bɛ na yere na: «Zu-bio! Nyɛ̃ zu-bio na páw a tẽ-kpɛ̃ɛ a! Ʋ mɩ́ tɩ su n pɛn-pɛlɛ saalɩ fɔbr, pɛn-zɩɩr nɩ pɛn-zɩɩr-ɓõɓõ fɔbr, ʋ mɩ́ tɩ ƴãw nɩ salm-zɩɛ, kʋsɛ-bi-nyɩlɩ nɩ lɛgɛ pɩ̃ɛmɛ.