Nahum 2:13 - A SƐB-SÕW

¹³ A gbẽw-daa mɩ́ tɩ kʋ n a bome taw ŋma, wa ƴãw a gbẽw-nyãw nɩ a bili. Ʋ mɩ́ tɩ paal'ɩ a ʋ bɔwrɩ, nɩ a dʋn nɛnɛ ʋ na kʋ taw ŋma a.

Nahum 2:13 ပူးပေါင်းရင်းမြစ်များ

2 Na-mɩnɛ 18:17

A Asiiri tẽw nãà tɩ be n a Lakisɩ, ɛ́ tõ a sojarɩ nɩ-kpɛ̃ɛ kpɛ̃ɛ za, a sojarɩ nɩ-bɛrɛ lãw nɩ-kpɛ̃ɛ, nɩ a sojarɩ nɩ-kpɛ̃ɛ ʋl na mɩ́ be a nãà zie a, a nãà Ezekɩasɩ zie a Zerizalɛm. Ʋ tɩ tõ bɛ na lãwnɩ zɛbr-nɩbɛ na yãwmɛ a. Bɛ na tɩ ta a Zerizalɛm a, bɛ àr'a pɩɛlɩ a bɔw-wɛra kʋ̃ɔ ƴãwfʋ zie ʋl na be a saa-zu a, a sɔ́r na cere a Fɔbr-pɛwrbɛ pu-pʋɔ a zu.

2 Na-mɩnɛ 18:19

A Asiiri tẽw dem sojarɩ nɩ-kpɛ̃ɛ, na mɩ́ be a nãà zie a, tɩ yel bɛ na: «Nyɩ cen tɩ ƴɛ̀r a Na-kpɛ̃ɛ, a Asiiri tẽw nãà, ƴɛ̀rʋ ŋa kʋ̀ a Ezekɩasɩ: “Bʋnʋ ƴãw n'a fʋ ƴãw a fʋ tɩɛrʋ?

2 Na-mɩnɛ 19:23

Fʋ ƴãw nɩ a fʋ nɩbɛ fʋ na tõ a, bɛ tʋ m, a mãa Sore. Fʋ yel'a: “A mãa Senakerib a, ɩ̃ do n tan saa-zu za, nɩ a ɩ̃ zɛbr-torko-yaga, do tɩ ta a Libã tãw nyʋɔrɩ́, k'ɩ̃ɩ tɩ cɛ̀ a ʋ sɛɛdɩr tɩ-vɩɛlɩ zie, nɩ a ʋ sɩpɩrɛ tɩ-kɛrɩ zie. Ɩ̃ na do na tɩ ta a ʋ nyɔ-ɓɩɩla nɩ a ʋ tuw-zũgulu.

2 Na-mɩnɛ 19:9

Ɛcɛ a Asiiri tẽw nãà tɩ wõ na bɛ yere kɛ́ a Eziptɩ tẽw nãà, Tɩraka, na yi Etiopi a, waar'a k'ʋʋ wa zɛb'ɩ ʋ. Lɛ n'a ʋ tɩ tõ kɛ́ bɛ tɩ yel à ŋá kʋ̀ a Ezekɩasɩ,

2 Bibie za yel-manɩ 32:19

Bɛ tɩ ƴɛ̀rɛ nɩ a Zerizalɛm Naaŋmɩn ƴɛ̀rʋ mɛ̃ a lɛ bɛ na tɩ ƴɛ̀rɛ a tẽ-daa nɩ-bʋʋrɛ ŋmɩmɛ ƴɛ̀rʋ a, al na ɩ nɩsaal nuru bʋ̃-maalɩ a.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Zeremi 21:13

A Sore yere na: Mãa nɩ nyɩɩm nɛbɛ ƴɛrɛŋa, nyɩɩm na kpɩɛr a fʋɔla pʋɔ, a pìir zi-pãgala zu a. Bʋ̃ʋ n'ʋ vɛ̃, nyɩ mɩ́ yere na: “Ãa n'ʋ na siw wa zɛb'ɩ tɩ, ãa n'ʋ na kpɛ a tɩ sɔwlʋ ziir?”

Zeremi 46:14

«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!

Zeremi 50:31

«Pɔ̀lʋ sob Babɩlɔn i, mãa nɩ fʋ̃ʋ nɛbɛ! A Sore Naaŋmɩn, a kpɛnʋ-za-sob'ʋ yere. A fʋ bibir vɩɛ na, a daar ʋl ɩ̃ na na sowri fʋ bom a ta na.

Zeremi 51:25

Mãa nɩ fʋ̃ʋ nɛbɛ, Babɩlɔn i, a Sore n'ʋ yel. A sãw-bɛrʋ ƴãw a, fʋ kpɛmɛ na mɛ̃ tãw a, ɛ́ fʋ sãwnɛ nɩ a tẽ-daa za! Ɩ̃ na zɛw nɩ nũu a fʋ ƴãw, ɩ̃ na ɩ na fʋ yi a pìe nyʋɔrɩ́ za bili siw, ɩ̃ na ɩ na fʋ lɩɛb'ɩ tãw na ɩ vũu a.

Ezekɩɛl 13:8

A na ɩ à ŋá a, a mãa Sore Naaŋmɩn yere na: nyɩ na faa mɩ́ tɩɛrɩ a nyɩ ƴɛ̀rʋ yel a, a nyɩ bʋ̃-nyɛrɩ na faa bɛ mɩ́ ɩ sɩza a, ɩ̃ na ìr'ɩ a nyɩ ƴãw. À ŋá n'a a Sore Naaŋmɩn yel!

Ezekɩɛl 21:3

Fʋ na yel bɛ na kɛ́ bɛ bɛrɛ wone a ƴɛ̀rʋ a mãa Sore Naaŋmɩn na ƴɛ̀rɛ a saa-pɛrɩ́-dʋrʋ-lowr tuw zie a: Ɩ̃ na nyɩw nɩ vũu na na dɩ a tɩ-ɓaar nɩ a tɩ-kon za a. A vũu-zɛlɛ bɛ tɛr nãà kpiiri ɛ, ɛ́ a nɩbɛ za na dɩ na, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

Ezekɩɛl 26:3

A na ɩ à ŋá a, a mãa Sore Naaŋmɩn yere na: Ɩ̃ waar'ɩ a fʋ ƴãw, Tɩ́ɩ̀r tẽw i. Ɩ̃ na ɩ n nɩ-bʋʋr-yaga ìr a fʋ ƴãw mɛ̃ kʋ̃ɔ-kpɛ̃ɛ na mɩ́ ɩ a ʋ kʋ̃ɔ mie ìr a.

Ezekɩɛl 28:22

Yel a lɛ a mãa Sore Naaŋmɩn na yere a kʋ̀ ʋ: Ɩ̃ na ɩ b'a, Sɩdɔ̃ i! À ŋá a, ɩ̃ na wul'ɩ a ɩ̃ yúor-vɩɛlʋ-danʋ a tẽ-kpɛ̃ɛ sɔwlɩsɔw. Ɩ̃ na ɩ n a fʋ ƴãw a lɛ ɩ̃ na yel a. Ɛ́ a nɩbɛ za na bãw na kɛ́ mãa n'ɩ a Sore. À à ŋá n'a ɩ̃ na wul kɛ́ mãa n'ɩ a Naaŋmɩn na ɩ sõw a.

Ezekɩɛl 29:10

À á ŋá ƴãw a, ɩ̃ na ìr'ɩ fʋ̃ʋ nɩ a fʋ man ƴãw. Ɩ̃ na sãw nɩ a Eziptɩ tẽw bɛr, ɩ̃ na ɩ na ʋ ɩ wɛja-kpalɛ na tĩ a Migɩdɔl tẽ-kpɛ̃ɛ a saa-pɛrɩ́-gʋba-lowr tɩ tɔ a Asuã tẽ-kpɛ̃ɛ nɩ a Etiopi tʋr-bɔw a saa-pɛrɩ́-dʋrʋ-lowr a.

Ezekɩɛl 29:3

Yel a ƴɛ̀rʋ á ŋá a mãa Sore Naaŋmɩn na yere a kʋ̀ ʋ: Ɩ̃ na ìr'ɩ a fʋ ƴãw, a fʋ̃ʋ Faarawɔ̃, a Eziptɩ tẽw nãà. Fʋ ɩ na mɛ̃ ɩb-kpɛ̃ɛ na gã a Nɩl kʋ̃ɔ pʋɔ a. Fʋ yel'a: “Mãa so a man, mãa n'ʋ maalɩ ʋ.”

Ezekɩɛl 35:3

Yel a lɛ a mãa Sore Naaŋmɩn na yere a kʋ̀ bɛ: Ɩ̃ na ìr'ɩ a nyɩ ƴãw! Ɩ̃ na wul'ɩ a ɩ̃ fãw a fʋ̃ʋ Edɔm tẽw, ɩ̃ na sãw fʋ na bɛr ɛ́ ɩ fʋ lɩɛbɩ wɛja-kpalɛ.

Ezekɩɛl 38:3

Yel ʋ: À ŋá n'a a Sore ƴɛ̀rɛ: Ɩ̃ na ìr'ɩ a fʋ ƴãw, Mesɛkɩ nɩ Tubal ten nɩ-bʋʋrɛ nɩ-kpɛ̃ɛ kpɛ̃ɛ za a.

Ezekɩɛl 39:1

A Sore tɩ yel mɛ̃ na: «A fʋ̃ʋ nɩsaal bie, ƴɛ̀r a ɩ̃ yúor ƴãw yel kʋ̀ a Gɔgɩ: À ŋá n'a a Sore Naaŋmɩn yere: Ɩ̃ na ìr'ɩ a fʋ̃ʋ Gɔgɩ na ɩ a Mesɛkɩ nɩ a Tubal ten nɩ-bʋʋrɛ nɩ-kpɛ̃ɛ kpɛ̃ɛ za a ƴãw.

Ezekɩɛl 5:8

Alɛ n'a so a mãa, a Sore Naaŋmɩn, ɩ̃ yere à ŋá: Ɩ̃ na ìr'ɩ a nyɩ ƴãw Zerizalɛm tẽw dem i. Ɩ̃ na tu n a lɛ ɩ̃ na dɩ a ƴɛ̀rʋ bin a tẽ-kpɛ̃ɛ sɔwlɩsɔw, a nɩ-bʋʋr-yoru niŋé a.

Nahum 2:12

A gbẽw kpɛb zie ɩ n ŋmɩn? A gbẽw-bili tɩ páwr'ɩ a bʋ̃-dɩrɩ a be. A gbẽw na mɩ́ tɩ yi cen a nabawlʋ a, nɩr za bɛ mɩ́ tɩ damnɛ a ʋ bili ɛ.

Nahum 3:1

Baw-bio páw nɩ a Nɩnɩɩvʋ tẽ-kpɛ̃ɛ, be zɩ̃ɩ na gbɔlɛ a, ziri nɩ po-to-fãw-ɩb'a paalɩ ʋ, ɛ́ a nɩbɛ fáb bɛ be na baarɩ a ʋ zie ɩ!

Nahum 3:12

A fʋ zɛbr-yir-kpɛn za ŋmɛ̃ na taa nɩ kãkã-mɔmɛ: bɛlɛ wa mĩine a tɩɛ wa báarɛ a, a mɩ́ lo n a sob nɛ na bɔbr k'ʋʋ 'wɔb a a nʋɔrɩ́.

Nahum 3:15

Ɛcɛ a nyɩ tẽw bɛ na na nyɩw a, vũu na dɩ nyɩ na kʋ, bɩɩ a zɛbr-sɔ-kpɛ̃ɛ na baarɩ nyɩ na mɛ̃ sãsowe na mɩ́ baarɩ tɩ-vaar a. A nyɩ nɩbɛ tɩ ƴɔ̃ƴɔ̃wn na mɛ̃ sãsowe na mɩ́ mɛ taa a, mɛ̃ sɩw-zam a.

Nahum 3:5

A Sore, a Kpɛnʋ-za-sob, yere na kʋ̀rɛ ʋ: Mãa n'ɩ ŋan ìr a fʋ ƴãw, ɩ̃ na vaar'ɩ a fʋ kparʋ do n tɩ tɔ a fʋ niwn, ɩ̃ na wul'ɩ a fʋ faalʋ a nɩ-bʋʋr-yoru, bɛ za na nyɛ̃ nɩ a fʋ vĩ.

Zozue 11:6

A Sore tɩ yel'ɩ a Zozue à ŋá: «Ta zɔrɛ bɛ ɩ, bʋ̃ʋ n'ʋ vɛ̃, a bio a tɛm ŋa tɔr za, bɛ na ɩ n kũuni ɩ̃ ƴãw a Ɩsɩrayɛl nuru pʋɔ. Fʋ na ŋma n a bɛ wie pɛrɩ́ gbɛlõkori jiile, ɛ́ nyɩw a bɛ zɛbr-torkori bɛr.»

Zozue 11:9

A Zozue tɩ ɩ na mɛ̃ a lɛ a Sore na yel a: ʋ tɩ ŋma n a bɛ wie pɛrɩ́ gbɛlõkori jiile, ɛ́ nyɩw a bɛ zɛbr-torkori bɛr.