Nahum 2:11 - A SƐB-SÕW

¹¹ Zab, fab, zazawfʋ! Bɛ za kanyir baar'a, a dume màwr'a ŋmɩɛr taa, a ƴã-gamɛ màwr, ɛ́ a niŋe sɔb sɔb.

Nahum 2:11 ပူးပေါင်းရင်းမြစ်များ

Yele-za-pɛr-tib 49:9

Ɩ̃ bidɛb Zuda a, fʋ ɩ n gbẽw-pɔl na 'wɔb a dʋ̃w ʋ na nyɔw, ɛ́ lɛb cere a ʋ gaa-zie a. A gbẽw dɔm'a, ʋ gã na. Ãa n'ʋ na ɩ ʋ ìr?

Ɩzayi 13:7

Alɛ n'a so a kpãkpamɛ za kpi, ɛ́ nɩsaal za kanyir baarɩ.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Ɩzayi 5:29

Bɛ ùore na mɛ̃ gben a, bɛ kone na mɛ̃ gbẽw-bili a. Bɛ kone na mɛ̃ wɛ-dʋn na sɛ̀m bom a na nyɔw a, cere nɩ ɛ́ nɩr kʋ̃ tʋ̃ɔ́ faa ʋ a zie a.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Ezekɩɛl 32:2

«A fʋ̃ʋ nɩsaal bie, ŋmãa lãw-mʋɔlɛ a Eziptɩ tẽw nãà, Faarawɔ̃, ƴãw: “Fʋ ŋmɛ̃ na mɛ̃ gbẽw-pɔl a, a nɩ-bʋʋrɛ sɔgɔ. Ɛcɛ fʋ mɩ̀ ɩrɛ na mɛ̃ ɩba na be kʋ̃ɔ-kpɛ̃ɛ pʋɔ a. Fʋ damnɛ nɩ fʋ tʋɔra a fʋ man pʋɔ, fʋ dɛwr ʋ na bɛrɛ nɩ a fʋ gbɛ́ɛ, fʋ ɓʋɔlɛ nɩ a ʋ kʋ̃ɔ.

Zowɛl 2:6

A sãsowe á ŋá niŋé a, pʋl-vʋ̃ɔ nyɔw nɩ a nɩbɛ, a bɛ za zugamɛ bɩrɛ.

Mise 5:6

A Ɩsɩrayɛl nɩbɛ na cɛ nɩ-bʋʋr-yoru viiri koli a, na ɩ na mɛ̃ Sore ɓɩɛlʋ a, mɛ̃ saa na mɩ́ wa ƴãw a mʋ̃ɔ a. Bɛ bɛ gùre bom za nɩsaal zie ɩ, bɛ bɛ tɩɛrɛ bom páwfʋ nɩsaal zie ɩ.

Nahum 2:12

A gbẽw kpɛb zie ɩ n ŋmɩn? A gbẽw-bili tɩ páwr'ɩ a bʋ̃-dɩrɩ a be. A gbẽw na mɩ́ tɩ yi cen a nabawlʋ a, nɩr za bɛ mɩ́ tɩ damnɛ a ʋ bili ɛ.

Nahum 3:1

Baw-bio páw nɩ a Nɩnɩɩvʋ tẽ-kpɛ̃ɛ, be zɩ̃ɩ na gbɔlɛ a, ziri nɩ po-to-fãw-ɩb'a paalɩ ʋ, ɛ́ a nɩbɛ fáb bɛ be na baarɩ a ʋ zie ɩ!

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Sɔr-nɛ́ɛ 23:24

A nɩ-bʋʋrɛ bɛ ŋa ìre na mɛ̃ wɛ-dʋ̃-faa a, bɛ ìre na mɛ̃ gbẽw a. Ʋ bɛ lɛbr ganɛ ɩ, ʋlɛ bɛ wa 'wɔb a bom ʋ na nyɔw a nɛn baar'a ɩ, ʋlɛ bɛ wa nyũ a ʋ zɩ̃ɩ baar'a ɩ.»