Nahum 1:7 - A SƐB-SÕW

⁷ A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

Nahum 1:7 ပူးပေါင်းရင်းမြစ်များ

1 Bibie za yel-manɩ 16:34

Nyɩ danɛ a Sore, ʋ na vɩɛl a ƴãw, a ʋ nɔ̃wfʋ na bɛ tɛr baarʋ a ƴãw.

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

2 Bibie za yel-manɩ 13:18

A lɛn daar, a Ɩsɩrayɛl nɩbɛ tɩ nyɛ̃ nɩ vĩ ɛ́ a Zuda nɩbɛ zɛb tʋ̃ɔ́, bɛ na tɩ ɩrɛ ƴãwn a Sore, a bɛ sãà mɩnɛ Naaŋmɩn ƴãw a.

2 Bibie za yel-manɩ 32:11

A Ezekɩasɩ yel'a kʋ̀ nyɩ k'aa Sore nyɩ Naaŋmɩn na faa nyɩ nɩ a ɩ̃ nuru pʋɔ. Ʋ bɛ̀lɛ nyɩ na, ɛ́ nyɩ na kpi n kɔ̃ nɩ kʋ̃ɔ-nyúur nyɩ za.

2 Bibie za yel-manɩ 32:21

A Sore tɩ tõ n malkɩ kãw a Asiiri tẽw nɩbɛ laɩ pʋɔ ʋ tɩ kʋ a soja-gãdaar za nɩ a sojarɩ nɩ-bɛrɛ za. Vĩ tɩ nyɔw nɩ a Asiiri tẽw nãà ʋ lɛb kul'ɩ a ʋ tẽw. Bibir kãw ʋ na tɩ kpɛ a ʋ ŋmɩn yir a, a ʋ bidɛbr tɛɛ za tɩ cɔ̀r ʋ na kʋ.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Ɛsɩdɩrasɩ 3:11

Bɛ tɩ cáarɛ na ɛ́ danɛ a Sore yiele nɩ a sɔwfʋ ŋa lɩɛrɛ taa: «A Sore vɩɛl'a, ɛ́ a ʋ nɔ̃wfʋ a Ɩsɩrayɛl ƴãw bɛ tɛr baarʋ ɛ!» A nɩbɛ za mɩ̀ tɩ ŋmɩɛr'ɩ kuryii danɛ nɩ a Sore bɛ na tɩ bine a ʋ yir-pɛr a ƴãw.

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

Sɛb-sõw yielu 100:5

Bʋ̃ʋ n'ʋ vɛ̃, a Sore ɩ n nɩ-vla, a ʋ nɔ̃wfʋ be n kʋralɛ, ɛ́ a ʋ na ŋmɛ̃ ʋ ŋmɛ̃a a be be yome yome za.

Sɛb-sõw yielu 20:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

Sɛb-sõw yielu 25:8

A Sore ɩ n nɩ-vla nɩ nɩ-dẽdẽ, alɛ so ʋ mɩ́ wul a sɔ́r a yel-bebe dem.

Sɛb-sõw yielu 27:5

Lɛ n'a ʋ na sɔwlɩ mɛ̃ a ʋ yir pʋɔ, a kpɩɛrʋ bibir nãà wa vɩɛ a, ʋ na sɔwlɩ mɛ̃ nɩ a ʋ dĩó, ʋ na ɓáw mɛ̃ na dɔwlɩ pìir na kɛrɩ a zu.

Sɛb-sõw yielu 37:39

A Sore zie n'a a nɩ-mɩn faafʋ yire, ʋlɛ n'ɩ a bɛ zɛbr-yir-kpɛ̃w a kpɩɛrʋ daar.

Sɛb-sõw yielu 37:40

Ʋ mɩ́ sõw bɛ na, ɛ́ faa bɛ. Ʋ mɩ́ ír bɛ nɩ a nɩ-faar nuru pʋɔ, ɛ́ faa bɛ, bɛ na mɩ́ zɔ kpɛ a ʋ naayir a ƴãw.

Sɛb-sõw yielu 46:2

A Naaŋmɩn n'ɩ a tɩ sɔwlʋ zie nɩ a tɩ fãw, a sõwfʋ tɩ na mɩ́ nyɛ̃ kʋralɛ a kpɩɛrʋ daar a.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Sɛb-sõw yielu 59:16

Bɛ mɩ́ viire na gʋɔr bɔbr bʋ̃-dɩrɩ, ɛ́ bɛlɛ bɛ wa tɩw a, bɛ̃ɛ 'hʋ̃ʋ́nɛ.

Sɛb-sõw yielu 71:3

Ɩ a pì-kpɛ̃w ɩ̃ na mɩ́ taw lanɩ a, zɛbr-yir-kpɛ̃w pʋɔ ɩ̃ na mɩ́ nyɛ̃ a faafʋ a. Fʋ̃ʋ sɩrɩ n'ɩ a ɩ̃ pìir, a ɩ̃ zɛbr-yir-kpɛ̃w.

Sɛb-sõw yielu 86:7

Mãa wa be a kpɩɛrʋ pʋɔ a, ɩ̃ mɩ́ bʋɔlɛ fʋ na, ɛ́ fʋ mɩ́ sɔw mɛ̃ na.

Sɛb-sõw yielu 9:10

A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 17:17

Ta ɩ dɛ̃bɩ̃-bom a ɩ̃ zie ɩ, a fʋ̃ʋ na ɩ a ɩ̃ tɩ̀ɛrɛ a kpɩɛrʋ bibir a.

Zeremi 24:5

À ŋá n'a a mãa Sore, a Ɩsɩrayɛl Naaŋmɩn, yere: Nʋ̃ɔ̀ ɩrɛ nɩ a kãkã-vɩɛlɩ á ŋá jɩ́rʋ ƴãw. Lɛ n'a ɩ̃ jɩ́rɛ a Zuda tẽw dem bɛ na ír a bɛ tẽw a nɩ nɔ̃wfʋ, a bɛl ɩ̃ na diw a ka tɩ sãá nɩ a Babɩlɔn tẽw a.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

A Lãw-mʋɔlɛ 3:25

A Sore ɩ n nɩ-vla a sob nɛ na tɩ́ɛrɛ ʋ a zie, a sob nɛ na bɔbr ʋ a zie.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

Matie 27:43

Ʋ ƴãw nɩ a ʋ tɩɛrʋ a Naaŋmɩn ƴãw, a Naaŋmɩn ʋ faa ʋ a ƴɛrɛŋa, ʋlɛ wa nɔnɛ ʋ a. Ʋ yel'a: “Ɩ̃ ɩ n Naaŋmɩn Bie!”»

Matie 7:23

Lɛ n'a ɩ̃ na yel kʋ̀ bɛ: “Ɩ̃ bɛ dãw bãw nyɩ towtow ɛ, nyɩ cen taw zaa a ɩ̃ zie, nyɩɩm na ɩrɛ ɩ-faar a!”»

Zã 10:14

Mãa n'ɩ a pi-cɩ̃ɩn-vla. Ɩ̃ bãw nɩ a ɩ̃ píir ɛ́ a ɩ̃ píir bãw mɛ̃,

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Ʋrɔm 11:22

A na ɩ à ŋá a, jɩ́r nyɛ̃ a lɛ a Naaŋmɩn vɩɛlʋ na ɩ a, nɩ a Naaŋmɩn na bɛ tɛr dɩ̃ɛnʋ a: ʋ bɛ tɛr dɩ̃ɛnʋ a bɛlɩ dem na lo a zie ɩ, ɛ́ tɛr a ʋ vɩɛlʋ ɩb a fʋ zie. Ɛcɛ a fɛr'a fʋ cãà ɩrɛ ƴãwn a vɩɛlʋ ŋa ƴãw, alɛ bɛ ɩ lɛ, bɛ mɩ́ na cɛ b'a ŋmãa bɛr mɛ̃ wule a.

Galasi 4:9

Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»