Nahum 1:5 - A SƐB-SÕW

⁵ A tã-bɛrɛ gbiwre nɩ a ʋ niŋé, ɛ́ a tãli yʋʋrɛ. A tẽsɔw damnɛ nɩ a ʋ niŋé, lãwnɩ a nɩbɛ za na be a ʋ zu a.

Nahum 1:5 ပူးပေါင်းရင်းမြစ်များ

2 Samɩɛl 22:8

Lɛ n'a a tẽsɔw tɩ gbiwri ɛ́ dam, a salom pɛr tɩ dam'a, a salom nɩ a tẽw tɩ dam'a, a Sore suur na tɩ ìr a ƴãw.

A Zɔb sɛbɛ 26:11

Ʋ mɩ́ tanɩ nɩ a salom, pʋ̀lá vʋ̃ɔ ʋ, ʋ dãdawlɛ a ʋ kpule zu.

A Zɔb sɛbɛ 9:5

Ʋ mɩ́ ɓáw nɩ a tan tɩ bin zi-yoru, ɛ́ a bɛ bãwnɩ a ɩ, ʋ mɩ́ nyɛ̃ nɩ suur da a lɔb.

Sɛb-sõw yielu 104:32

Ʋ mɩ́ jɩ́r'ɩ a tẽsɔw kaa, ʋ màwr, ʋ mɩ́ tɔ n a tan, a ɩrɛ zʋ̀ʋ́r.

Sɛb-sõw yielu 114:4

A tã-bɛrɛ mɩ́ tɩ ƴaw na mɛ̃ pʋ́rɩ a, ɛ́ a tãli ƴaw cɩrkar mɛ̃ péli a.

Sɛb-sõw yielu 114:6

Tã-bɛrɛ ɛ, bʋ̃ʋ n'ʋ so nyɩ mɩ́ ƴaw mɛ̃ pʋ́rɩ a, ɛ́ nyɩɩm, tãli, nyɩ mɩ́ ƴaw cɩrkar mɛ̃ péli a?

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

Sɛb-sõw yielu 18:8

Lɛ n'a a tẽsɔw tɩ gbiwri ɛ́ dam, a tan pɛ́ɛ tɩ dam'a a dãdawlɛ, a Sore suur na tɩ ìr a ƴãw.

Sɛb-sõw yielu 46:6

Naaŋmɩn be n a ʋ pʋɔ, ʋ bɛ damnɛ damnʋ ɛ: a zie wa vɩɛrɛ wa báarɛ a, Naaŋmɩn mɩ́ sõw ʋ na.

Sɛb-sõw yielu 68:8

Naaŋmɩn i, a lɛn daar fʋ na tɩ yi de a fʋ nɩbɛ niwn a, a lɛn daar fʋ na tɩ cen kpɛ a wɛja-kpalɛ pʋɔ a,

Sɛb-sõw yielu 98:7

A kʋ̃ɔ-kpɛ̃ɛ, ʋ damnɛ, nɩ a bome al za na paalɩ ʋ a, a tẽ-daa nɩ a nɩbɛ na kpɩɛr a ʋ zu a!

Eziptɩ tẽw yib 19:18

A Sinayi tãw tɩ ɩ n zʋ̀ʋ́r tɛwr, a Sore na tɩ siw a ʋ zu a vũu pʋɔ a ƴãw. A zʋ̀ʋ́r tɩ ìre na dúor mɛ̃ vũu-kpɛ̃ɛ zʋ̀ʋ́r a, ɛ́ a tãw za gbiwre gbigbigbi!

Ɩzayi 24:1

A Sore na ɩ na a tẽw gã zawla, ʋ na sãw ʋ na bɛr, ʋ na ɩ na ʋ bɛ cãà tɛr niwn ɛ, ʋ na diw nɩ a nɩbɛ yaarɩ a ziir za:

Ɩzayi 24:20

Ʋ dẽdere na mɛ̃ dã-kuole a, ʋ damnɛ na mɛ̃ sɛw sɛsɛb na fure damnɛ a. A ʋ yel-bier tɩbrɛ nɩ a ʋ zu, ʋ lo ɛ kʋ̃ lɛb tʋ̃ɔ́ ìr ɛ.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 4:24

Ɩ̃ jɩ́rɛ nɩ a tan: a gbiwre na, ɛ́ a tãli za dãdawlɛ.

Ezekɩɛl 38:20

A man zʋ́mɛ́, a saa-zu lili, a wɛ-dʋn, a wɩɩr na vure a tẽsɔw a nɩ a nɩsaalbɛ na be a tẽw zu a, bɛ za na màwr'ɩ dɛ̃bɩ̃-mawfʋ a ɩ̃ niŋé. A tan na ƴɛ́r'a siw, a pìe na lo n tẽw, dacin kãw za kʋ̃ àr ɛ.

Zowɛl 2:10

Alɛ wa tarɛ a, a tẽsɔw mɩ́ dam'a, ɛ́ a salom ɩ mɛ̃ ʋ lore na a, a mʋ̃tɔ̃w nɩ a cuw bɛ mɩ́ cãà caalɛ ɩ, ɛ́ a ŋmar-bie bɛ cãà nyɩwrɛ ɩ.

Amɔsɩ 9:5

A Sore Naaŋmɩn, a Naaŋmɩn kpɛnʋ-za-sob mɩ́ tɔ n a tẽw ʋ damnɛ, ɛ́ a tẽw za nɩbɛ be wahala pʋɔ. A tẽw mɩ́ vʋ̃ n ʋ za mɛ̃ a man a, ɛ́ lɛb siw lo mɛ̃ a Eziptɩ tẽw man a.

Mise 1:4

A tan nyɩlɛ nɩ a ʋ gbɛ́ɛ pile, ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a, mɛ̃ kʋ̃ɔ na mɩ́ yi gbĩgbin zu gbɔlɛ siwr a.

Habakukɩ 3:10

A tan mɩ́ nyɛ̃ b'a màwr, sa-bɛrɛ kʋ̃ɔ mɩ́ paal'ɩ a tẽsɔw za, a kʋ̃ɔ-kpɛ̃ɛ ɩrɛ nɩ gɔmɛ, ɛ́ lɔbr a ʋ kʋ̃ɔ-mie bɛrɛ a dúor saa-zu.

Zakari 4:7

Ʋ tɩ yel'a ƴãw pʋɔ: «A tã-kpɛ̃ɛ ŋa ɩ n bɩwra bɩɩ? Zorobabɛl na ɩ na ʋ lɩɛbɩ zi-tɩ̃tal. Ʋ na tuw ʋ na ír a kʋsɩɛr, a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a. Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»

Matie 27:51

A Ŋmɩn-yir-kpɛ̃ɛ pʋɔ pɛn-yawla tɩ tĩ nɩ a saa-zu ɛ́ ɓar ziir ayi siw tɩ tɔ a pɛrɩ́. A tẽsɔw kɔbr tɩ dam'a, a pìe pure yaarɛ,

Matie 28:2

Bɛ wa bere na a tẽsɔw kɔbr dam yaga za. Sore malkɩ tɩ yi n salom zu siw bili a kʋsɩɛr bɛr ɛ́ do zɩ̃ a ʋ zu.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

Yel-wula 6:14

A salom tɩ bɔr'a ɩ mɛ̃ sɛbɛ bɛ na pili a. A tan nɩ a kʋ̃ɔ-kpɛ̃ɛ-sɔgɔ-ten bɛ tɩ cãà be a beba ziir ɛ.

Ƴɛ̀r-dɩrbɛ 5:5

a tan tɩ yʋʋr'ɩ a fʋ niŋé, a fʋ̃ʋ Sinayi tãw Sore, a Ɩsɩrayɛl Naaŋmɩn niŋé.