Nahum 1:3 - A SƐB-SÕW

³ A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Nahum 1:3 ပူးပေါင်းရင်းမြစ်များ

2 Samɩɛl 22:10

Ʋ tɩ taw nɩ a salom yuo ɛ́ siw, ɛ́ zũzuw-sɛbla be a ʋ gbɛ́ɛ pile.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

A Zɔb sɛbɛ 10:14

kɛ́ mãa dɛ wa maalɛ yel-bier a, fʋ̃ʋ nyɔw mɛ̃ a yel-bier zu ɛ́ ta bɛr a ɩ̃ sãwna kãw za ʋ tɔl ɛ.

A Zɔb sɛbɛ 38:1

A Sore tɩ be n a saa-sɛsɛb pʋɔ ɛ́ bʋɔlɩ a Zɔb sowr'ʋ:

A Zɔb sɛbɛ 9:4

Yã-bãwfʋ za nãà nɩ fãw za sob, ãa n'ʋ ga bawr a ʋ zu ɛ́ bɛ nyɛ̃ a?

Sɛb-sõw yielu 103:8

A Sore ɩ n su-ɓaarʋ sob nɩ nɩbaal-zɔrɛ, a ʋ suur bɛ páwr ɛ, ʋʋ ɩ nɔ̃wfʋ tɛwr.

Sɛb-sõw yielu 104:3

ɛ́ cãà lɛb maalɩ a fʋ kpɛb zie ʋ do gãw a salom. A zũzuge n'a mɩ́ ɩ a fʋ torko, ɛ́ fʋ cere a sɛsɛb pɩgɛ zu.

Sɛb-sõw yielu 145:8

A Sore ɩ n su-ɓaarʋ sob nɩ nɩbaal-zɔrɛ, a ʋ suur bɛ pawr ɛ, ʋʋ ɩ nɔ̃wfʋ tɛwr.

Sɛb-sõw yielu 147:5

A tɩ Sore ɩ n kpɛ̃ɛ ɛ́ tɛr fãw yaga za, a ʋ yã bɛ tɛr tɛwfʋ zie ɩ.

Sɛb-sõw yielu 50:3

«A tɩ Naaŋmɩn, ʋ́ wa, ɛ́ taa ɩrɛ gbili ɛ!» Vũu de ʋ nɩ niwn dɩrɛ, ɛ́ saa sɛsɛb-kpɛ̃ɛ pili pàw ʋ.

Sɛb-sõw yielu 62:11

— Nyɩ ta ɩrɛ ƴãwn a po-to-fãw ƴãw ɛ, nyɩ ta ƴãw a nyɩ tɩɛrʋ zawlalɛ a nyãnyu-ɩb ƴãw ɛ. A nyɩ tɛra wa dɔwlɛ a, nyɩ ta de a nyɩ yã za ƴãw a ƴãw ɛ.

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

A naaŋmɩn-ƴèr-manɛ Oze sɛbɛ 8:7

Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.

Zowɛl 2:13

A nyɩ kparɩ bɛ n'a nyɩ na taw cɩɛrɩ ɛ, a nyɩ socie n'a a fɛr kɛ́ nyɩ lɩɛbɩ.» Nyɩ lɛb wa a Sore nyɩ Naaŋmɩn zie: nɩ-vla n'ʋ ɛ́ zɔrɛ nɩbaalʋ, a ʋ suur bɛ pawr ɛ, ɛ́ ʋ ɩ nɔ̃wfʋ tɛwr, a nɩr dɔwrʋ mɩ́ ɩ ʋ nɩ kpɩɛrʋ.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Matie 26:64

A Yeezu tɩ sɔw na yel ʋ: «Fʋ̃ʋ n'ʋ yel a lɛ. Ɛcɛ ɩ̃ yere na kʋ̀rɛ nyɩ, dɩ̃a na ta a, nyɩ na nyɛ̃ nɩ a Nɩsaal Bie ʋ zɩ̃ a Kpɛnʋ-za-sob dʋrʋ lowr, ɛ́ be a zũzuge zu waar.»

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.