Nahum 1:10 - A SƐB-SÕW

¹⁰ Bɛ ŋmɛ̃ na mɛ̃ gʋʋr na mɩl mɩl taa a, a bɛl na mɩ́ nyũ tɩ kuoli a. Bɛ na dɩ n kʋmkʋm, mɛ̃ mɔ̃-kon a.

Nahum 1:10 ပူးပေါင်းရင်းမြစ်များ

2 Samɩɛl 13:28

Al pùorí, ʋ tɩ yel'ɩ a ʋ tõ-tõ-biir à ŋá: «Nyɩ piwre a Amɩnɔ̃ vla! A divɛ̃ wa ɩ nʋ̃ɔ̀ kpɩɛr ʋ a, ɩ̃ na yel nyɩ na: “Nyɩ ŋmɛ a Amɩnɔ̃!”, nyɩ ŋmɛ ʋ kʋ a lɛn daar. Nyɩ ta zɔrɛ dɛ̃bɩ̃ɛ ɩ, mãa n'ʋ yel kɛ́ nyɩ ɩ a lɛ. Nyɩ kpɛ socir, ɛ́ wul kɛ́ dɛbr n'ɩ nyɩ!»

Sɛb-sõw yielu 118:12

Bɛ tɩ mɛ na pàw mɛ̃, mɛ̃ sɩw-bie a, ɛcɛ bɛ kpi na mɛ̃ mɔ̃-kon vũu na dɩ kpiiri a. A Sore yúor ƴãw a, ɩ̃ ŋma bɛ nɩ pʋrpʋr.

Sɛb-sõw yielu 68:2

A Naaŋmɩn ìre na, a ʋ dɔ̃ dem zɔrɛ yaarɛ, ɛ́ a bɛlɩ dem na bɛ nɔnɛ ʋ a bɔrɛ a ʋ niŋé.

Eziptɩ tẽw yib 15:7

Fʋ ɩ n kpɛ̃ɛ bɛ pɩɛl ɛ! Fʋ mɩ́ da n a bɛlɩ dem na ìr a fʋ ƴãw a lɔb. Fʋ mɩ́ nyɛ̃ nɩ suur ɩ mɛ̃ vũu a, dɩ bɛ mɛ̃ mɔ̃-kon a.

Eziptɩ tẽw yib 5:12

Lɛ n'a a Ɩsɩrayɛl nɩbɛ tɩ yi yɛ́r pàw a Eziptɩ tẽw za, kɛ́ bɛ wob a mʋ̃ɔ wa kʋr.

Ɩzayi 27:4

Ɩ̃ bɛ cãà nyɛ̃ nɩ ʋ suur ɛ. Ɛcɛ mãa wa nyɛ̃ gɔ-tuwr a, ɩ̃ na zɛb'ɩ a na ɛ́ nyɩw a bɛr.

Ɩzayi 47:14

Bɛ na ɩ na mɛ̃ mɔ̃-kon a, vũu na dɩ bɛ na. Bɛ bɛ cɩ̃ɛnɛ a vũu-zɛlɛ zie ɩ. Ɛ́ a kʋ̃ ɩ vũu-bie vũu a ʋʋrʋ ƴãw ɛ, nɩ dam pʋɔ vũu a zɩ̃-kɔwlʋ ƴãw ɛ.

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

Ɩzayi 56:12

Bɛ yere na: «Nyɩ wa, tɩ na wa n nɩ divɛ̃. Tɩ na nyũ n dã-kpɛn. A bio bibir na ŋmɛ̃ na mɛ̃ a dɩ̃a a: a divɛ̃ na gúu a yãwmɛ na.»

Ɩzayi 9:18

A Sore, a kpɛnʋ-za-sob, suur ƴãw a, a tẽw 'lere nɩ vũu. A ɩ na mɛ̃ vũu dɩrɛ nɩ a nɩbɛ a. Nɩr za bɛ bɛrɛ a ʋ yɛb ɛ.

Zeremi 51:39

A bɛ bʋ̃-bɔbra tuo dɩrɛ bɛ na, ɩ̃ɩ cɔbrɛ cuw dɩb a bɛ ƴãw. Ɩ̃ na ƴãw na bɛ nyũ tɩ kuoli gã kpãlãkpãlã. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb ìr towtow ɛ, a mãa Sore, mãa n'ʋ yere.

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Nahum 3:11

Nɩnɩɩvʋ ʋ, a kpɩɛrʋ mɩ̀ na kpɛ b'a tɩ sɩw, fʋ na lim'ɩ fʋ za a kpɩɛrʋ pʋɔ, fʋ mɩ̀ na bɔ n sɔwlʋ zie, k'aa fʋ dɔ̃ dem ta páw fʋ ɛ.

1 Samɩɛl 25:36

A Avigayil na tɩ lɛb ta a yir a, ʋ tɩ nyɛ̃ nɩ a Naval ʋ maalɛ cuw, a dɩb tɩ sɩrɩ na ɩ nãà cuw dɩb. Nʋ̃ɔ̀ tɩ ɩrɛ nɩ a Naval yaga, ʋʋ nyũ a dãa tɩ kuoli, lɛ so a Avigayil bɛ tɩ ƴɛ̀r ƴɛ̀rʋ za a ʋ zie ɩ, ɛ́ a zie tɩ vɩɛ.