Mise 7:9 - A SƐB-SÕW

⁹ A fɛr'a kɛ́ tɩ sàw a Sore suur ʋ na nyɛ̃ nɩ tɩ a, bʋ̃ʋ n'ʋ vɛ̃, tɩ maal'ɩ yel-bier sãw ʋ. Ɛcɛ a daar waar'a, ʋ na na ƴɛ̀r kpɛ tɩ, ɛ́ ɩ a tɩ yel-mɩŋa ʋ sãá a. Ʋ na tɛr tɩ na lɛb wa n a cãà pʋɔ, ɛ́ paalɩ tɩ nɩ a ʋ maalʋ.

Mise 7:9 ပူးပေါင်းရင်းမြစ်များ

2 Samɩɛl 24:17

A Daviir na tɩ nyɛ̃ a malkɩ ʋ kʋrɛ a nɩbɛ a, ʋ tɩ yel'ɩ a Sore: «Mãa n'ʋ maalɩ a yel-bier, mãa n'ʋ sãw, ɛcɛ a ɩ̃ nɩ-bʋʋrɛ nɩbɛ bɛ ŋa a, bʋ̃ʋ n'ʋ bɛ ɩ? Mãa nɩ a ɩ̃ yir nɩbɛ nɛbɛ a sɛw kɛ́ fʋ dɔwrɩ.»

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

A Zɔb sɛbɛ 35:14

Ɛcɛ, Zɔb i, fʋ sʋ̃ɔm'a bul yel kɛ́ fʋ bɛ nyɛ̃ ʋ ɛ, kɛ́ fʋ man nɩ a fʋ yele kʋ̀ ʋ ɛ́ pãa gùre ʋ!

Sɛb-sõw yielu 119:154

Ƴɛ̀r faa mɛ̃ ɛ́ ya de m, lɛb kʋ̀ m a nyɔ-vʋʋrʋ mɛ̃ a lɛ fʋ na yel a.

Sɛb-sõw yielu 37:6

Ʋ na ɩ na a fʋ mɩnʋ sãá mɛ̃ zi-wɛl-paala cãà a, ɛ́ a fʋ yel-mɩŋa ɩ mɛ̃ mʋ̃tɔ̃-tuo a.

Sɛb-sõw yielu 43:1

Naaŋmɩn i, dɩ a ƴɛ̀rʋ wul a ɩ̃ yel-mɩŋa, kpɛ m a ƴɛ̀rʋ pʋɔ ɩ̃ na tɛr'ɩ nɩbɛ na bɛ zɔrɛ nɩbaalʋ a. Faa mɛ̃ a zir-ŋmarbɛ nɩ a yel-fa-maalbɛ nuru pʋɔ.

Sɛb-sõw yielu 7:6

ɩ̃ dɔ̃ sob kãw, ʋ diw mɛ̃ nyɔw, ʋ nɛb'ɩ mɛ̃ gbɛ́ɛ a tẽsɔw, ɩ̃ na cãà vʋʋrɛ a, ʋ ɓiil'ɩ mɛ̃ tanɛ! Tɛw-àrʋ.

Sɛb-sõw yielu 94:15

A ƴɛ̀rʋ na mɩ́ lɛb'a dɩ a tu a yel-mɩŋa, ɛ́ a soci-dẽdẽ dem za na mɩ́ sàw na.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 42:7

Fʋ na ɩ n a zɔn bɛ lɛb nyɛrɛ, fʋ na ír'ɩ a nɩ-pàwrɩ a bɛ gaso pʋɔ, fʋ na ɩ n a bɛlɩ dem na kpɩɛr a lige pʋɔ a, bɛ yi a bɛ di-pàwrɩ pʋɔ.»

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 51:22

À ŋá n'a a Sore, a fʋ Zu-sob, a fʋ Naaŋmɩn, yere, ʋl na ƴɛ̀rɛ kpɩɛr a fʋ nɩbɛ a: «Ɩ̃ na lɛb'a de a nĩw-viir koli-nyúura a fʋ nuru pʋɔ, a ɩ̃ suur koli-nyúura. Fʋ kʋ̃ lɛb nyũ ʋ towtow ɛ.

Ɩzayi 56:1

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Zeremi 10:19

«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Zeremi 51:10

A Sore dɩ n a ƴɛ̀rʋ kpɛ tɩ. Nyɩ ɩ tɩ cen a Sɩyɔ̃ tɩ manɩ a lɛ za a Sore tɩ Naaŋmɩn na ɩ a.»

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

Levitɩ mɩnɛ 26:41

Bɛ na bãwnɩ a pɛr, ɩ̃ na zawrɩ na tu bɛ, ɛ́ tɛr bɛ a bɛ tẽw yi cen nɩ a bɛ dɔ̃ dem tẽw pʋɔ a. Bɛ na siwr'ɩ bɛ tʋɔra, bɛ na bɛ tu a ɩ̃ pùor a ƴãw, ɛ́ bɛ na sàw nɩ a bɛ sãwna dɔwrʋ.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

1 Samɩɛl 24:15

Ãa ƴãw n'a a Ɩsɩrayɛl nãà ŋmãa a wɩ̀ɛ? Ãa n'ʋ fʋ diwr? Mãa n'ʋ, mãa na ɩ mɛ̃ bà-kũu a, mɛ̃ ciib a!

1 Samɩɛl 25:39

A Daviir tɩ wõ na k'aa Naval kpi na, ɛ́ tɩ yel à ŋá: «A Sore na kpɛ m a lɛn daar a Naval na tɩ tʋ m a, ʋlɛ so puoru, ʋl na piw mɛ̃ tɛr ɩ̃ bɛ maalɩ faa a. Ɛ́ a Naval po-tuolu a, a Sore ɩ na a lɛb lo a ʋ zu.» Al pùorí, a Daviir tɩ tõ n nɩbɛ kɛ́ bɛ tɩ bɔ a Avigayil kʋ̀ ʋ.

1 Samɩɛl 26:10

A Sore na vʋʋrɛ a yúor ƴãw, ɩ̃ yere na kʋ̀rɛ fʋ, a Sore mɩŋa n'ʋ na ɩ a ʋ nyɔ-vʋʋrʋ baarɩ, a ʋ daar wa ta a, bɩɩ zɛbr zie n'a ʋ na kpi.

1 Samɩɛl 3:18

Lɛ n'a a Samɩɛl tɩ manɩ a ƴɛ̀rʋ za kʋ̀ ʋ, bɛ sɔwl'ʋ bom ɛ. A Eli tɩ yel'a: «Ʋlɛ n'ɩ a Sore! Ʋ ɩ lɛ ʋ na bɔbr a!»