Mise 7:6 - A SƐB-SÕW

⁶ Bʋ̃ʋ n'ʋ vɛ̃, bidɛb mɩ́ tʋʋr'ɩ a ʋ sãà, pɔwyaa mɩ́ ìr'a ʋlɛ nɩ a ʋ mã taw teli taa, bie-pɔw ìr ʋlɛ nɩ a ʋ sɩr-mã taw teli taa, ŋa za dɔ̃ dem mɩ́ ɩ n a ʋ yir nɩbɛ tɛɛ za.

Mise 7:6 ပူးပေါင်းရင်းမြစ်များ

Yele-za-pɛr-tib 49:4

Fʋ ɩ n bà-fʋɔla kʋ̃ɔ na darɛ taa a. Ɛcɛ fʋ kʋ̃ cãà ɩ a dãw-niwn sob ɛ, fʋ ƴãw mɛ̃ nɩ vĩ, fʋ na gã nɩ a ɩ̃ pɔw kãw a ɩ̃ gado zu a.

2 Samɩɛl 16:11

A Daviir tɩ lɛb'a yel a Avɩsaɩ nɩ a ʋ tõ-tõ-bi-bɛrɛ za zie: «A ɩ̃ bidɛb, mãa mɩŋa bʋ̃-dɔwra, bɔbr'ɩ a ɩ̃ kʋb, ɛ́ bɛ nãà yere a Bɛ̃zamɛ dɔwlʋ nɩr ŋa a. Nyɩ bɛr ʋ zoom ʋ ŋmɩɛr ƴãwn mɛ̃, a Sore wa n'ʋ kʋ̀ ʋ a sɔ́r a.

Sɛb-sõw yielu 41:9

«Yel-faa na bɛ tɛr ɩb a n'ʋ páw ʋ, ʋ na gã à ŋá a, ʋ bɛ lɛb ìre ɩ.»

Zʋkpaɩ 30:11

Nɩbɛ be n be mɩ́ ŋmɩɛr ƴãwnɛ a bɛ sãà, ɛ́ bɛ ƴɛ̀rɛ nɔ-vla kʋ̀rɛ a bɛ mã ɩ.

Zʋkpaɩ 30:17

Nɩr wa ɩrɛ a ʋ sãà laar ɛ́ bɛ sàwr a ʋ mã nʋɔr a, bàa nʋɔr gbagbarɩ na kpol ʋ nɩ a mimie, ɛ́ a sɩlɩ dɩ a ʋ ƴã-gan.

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 9:4

Ŋa za mɩ́ bɛ̀lɛ nɩ a ʋ tɔ, nɩr za bɛ yere yel-mɩŋa ɩ, bɛ za ŋma n a ziri mili. Bɛ maal'ɩ a faa zuo, kʋ̃ tʋ̃ɔ́ lɛb wa a ɩ̃ zie ɩ.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Abɩdɩasɩ 1:7

Bɛ diw nyɩ na bɛr a nyɩ tẽw pʋɔ, a bɛlɩ dem za nɩ nyɩɩm na maalɩ a wõ-taa a, bɛ mɩlɛ nyɩ na. A nyɩ bárɩ so nyɩ na, a bɛl nɩ nyɩɩm na tɩ lãw dɩrɛ a ƴãwnɛ nɩ bɛrɩ a nyɩ tɔlʋ zie. A nɩbɛ yere nɩ a nyɩ ƴãw: “Bɛ bɛ cãà bãw yã ɩ!”

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Matie 26:23

A Yeezu tɩ sɔw na: «Sob ŋa nɩ mãa na lãw tõ a nũu a laa pʋɔ a, ʋlɛ n'ʋ na mɩl mɛ̃ nyɔw tɩr.

Luka 12:53

Bɛ na bʋ́r'a zɛbr taa, sãà nɩ ʋ bidɛb, bidɛb nɩ ʋ sãà, mã nɩ ʋ pɔwyaa, pɔwyaa nɩ ʋ mã, sɩr-mã nɩ ʋ bie-pɔw, bie-pɔw nɩ ʋ sɩr-mã.»

Luka 21:16

A nyɩ sãà nɩ a nyɩ mã tɛɛ za na nyɔw nyɩ na, a nyɩ yɛbr, a nyɩ yir dem, nɩ a nyɩ bárɩ, ɛ́ bɛ na ƴãw na bɛ kʋ nɩ-yaga a nyɩ pʋɔ.

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”