Mise 7:12 - A SƐB-SÕW

¹² A ʋlɩ bibir nɛ a, a nyɩ tẽ-bi-taabɛ na be a voru á ŋá pʋɔ a: Asiiri tɩ tɔ a Eziptɩ, Eziptɩ tɩ tɔ Efaratɩ man, kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw, bɛ na yi n a be lɛb wa a nyɩ zie.

Mise 7:12 ပူးပေါင်းရင်းမြစ်များ

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 11:16

Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Zeremi 46:27

«Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ. Ta ɩ kɛ́ dɛ̃bɩ̃ɛ tɛr fʋ yaga za ɩ, fʋ̃ʋ na ɩ a Zakɔb bʋʋrɛ a. Ɩ̃ na faa fʋ nɩ a tẽ-zãánɩ á ŋá pʋɔ, ɛ́ faa a fʋ bʋʋrɛ a ten al pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom, ɛ́ bɛ bãw damnʋ ɛ. Ɛ́ nɩr za kʋ̃ be be lɛb dam fʋ ɛ.

Ezekɩɛl 29:21

A lɛn daar a, ɩ̃ na ɩ n a Ɩsɩrayɛl nɩbɛ lɛb kpɛmɛ dɔwlɩ. Ɛ́ a fʋ̃ʋ Ezekɩɛl, ɩ̃ na kʋ̀ b'ɩ a fãw kɛ́ fʋ ƴɛ̀r a bɛ zie. Lɛ n'a bɛ na bãw kɛ́ mãa n'ɩ a Sore.»

Ezekɩɛl 37:21

Al pùorí, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, ɩ̃ na ír nyɩ nɩ a nɩ-bʋʋrɛ bɛl sɔgɔ nyɩ na cen a. Ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw.

A naaŋmɩn-ƴèr-manɛ Oze sɛbɛ 11:11

Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.