Mise 7:1 - A SƐB-SÕW

¹ 'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Mise 7:1 ပူးပေါင်းရင်းမြစ်များ

Sɛb-sõw yielu 120:5

Baw-bio sob nɛ m! Mãa na be a Mesɛkɩ a, mãa na kpɩɛr a Kedaar pɛnɛ-sɛwr sɔgɔ a.

Zʋkpaɩ 20:6

Nɩ-yaga mɩ́ yere na bɛ na ɩ nɩ-vɩɛlɩ a. Ɛcɛ nɩr fʋ na bɛ bʋ́nɛ nɩ a, ãa n'ʋ na tʋ̃ɔ́ nyɛ̃ ʋ?

Ɩzayi 17:6

A Ɩsɩrayɛl nɩbɛ na na cɛ a kʋ̃ saalɩ ɛ, a na ɩ na mɛ̃ olivʋ bɛ na dam'ɩ dàa a lo a: wɔmɛ ayi bɩɩ ata n'a cɛ a tɩɛ saa-zu za, wɔmɛ anaar bɩɩ anũu a wuli na wɔ̃ a zu. À à ŋá n'a a Sore, a Ɩsɩrayɛl Naaŋmɩn, yere.

Ɩzayi 24:13

Yel-mɩŋa, a nɩ-bʋʋrɛ sɔgɔ a tẽw zu a, a na ɩ na mɛ̃ olivʋ tɩ-wɔmɛ bɛ na pɔr baarɩ ɛ́ yiire nɩ lãwgola a, mɛ̃ divɛ̃ tɩ-wɔmɛ bɛ na pɔr baarɩ ɛ́ yiire a wɔ̃-beƴeni na cɛ a.

Ɩzayi 24:16

Tɩ wone yielu ŋa na yire a tẽw baarʋ zie a: «A Naaŋmɩn na ɩ mɩŋa sob a so yúor-vɩɛlʋ-danʋ!» Ɛcɛ mãa yere na: «Ɩ̃ wɛ na, ɩ̃ wɛ na! Baw-bio páw mɛ̃ na!» A mɩlmɩlbɛ mɩl'a. Mɩlʋ wɛ! A mɩlmɩlbɛ mɩlɛ na.

Ɩzayi 28:4

A tɩ-puur-varsɩ ʋ na pɩ̃ɛ nɩ ʋ tʋɔra vla za a tãw na jɩ́rɛ a fʋɔla na pʋ̃ɔ ʋ za a zu a, bɛ na ƴɛ́r a na ŋmɛr. A Samaari tẽw ɩ na mɛ̃ kãkãw wɔ̃-dãw na mʋ̃ɔ ɛ́ a daar bɛ ta sɛr a. Nɩr wa nyɛrɛ ʋ wa báarɛ a, ʋ pɔr ʋ na, ɛ́ daadaalɛ ʋ vɔl.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 24:2

A pèlé kãw kãkamɛ tɩ vɩɛl'ɩ yaga yaga, vɩɛl mɛ̃ a kãkamɛ bɛ na mɩ́ de niwn pɔr a. A pèlé ƴen sob kãkamɛ tɩ sãw nɩ a za bɛ tɛr dɩb ɛ.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 45:3

Fʋ yel'a: “Nyɛ̃ kpɩɛrʋ na páw mɛ̃ a! Mãa n'ɩ ŋan tɩ wone tuo baarɩ, ɛ́ a Sore ɩ a ɩ̃ pʋ̃-sãwna kɛrɛ dɔwlɛ. Ɩ̃ bàl'a nɩ a kon, ɛ́ bɛ nyɛrɛ pɩ̃ɛnʋ ɛ.”

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

Sɔr-nɛ́ɛ 18:13

A bɛ tẽw bʋ̃-dan za bɛ na na mɩ́ wa n wa kʋ̀ m a, nyɩmɛ na mɩ́ so a, ɛ́ a nyɩ yie nɩbɛ bɛl nãà bɛ wa tɛr dɛwr a na tʋ̃ɔ́ na mɩ́ dɩ a.