Mise 6:8 - A SƐB-SÕW

⁸ Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Mise 6:8 ပူးပေါင်းရင်းမြစ်များ

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

Yele-za-pɛr-tib 5:22

A Enɔkɩ na wa dɔw a Matuzalɛm baar'a, ʋ maal'ɩ a Naaŋmɩn pʋ-tɩɛrʋ yome kɔbr ata (300), dɔw bidɛbr nɩ pɔwyaar.

2 Bibie za yel-manɩ 30:11

Ɛcɛ Asɛɛr dɔwlʋ nɩ Manase dɔwlʋ nɩ Zabulɔ̃ dɔwlʋ nɩbɛ bɛ mɩnɛ tɩ sàw nɩ a bɛ sãwna ɛ́ lɛb wa a Zerizalɛm.

2 Bibie za yel-manɩ 32:26

Ɛcɛ a Ezekɩasɩ nɩ a Zerizalɛm nɩbɛ tɩ sàw nɩ a bɛ sãwna, a Sore suur ɩ-ɩrɩ bɛ lo a bɛ zu a Ezekɩasɩ naalʋ-dɩb daar ɛ.

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 33:23

Ɛcɛ ʋ bɛ sàw a ʋ sãwna a Sore niŋé ɩ, mɛ̃ a lɛ a ʋ sãà Manase na tɩ ɩ a. Ʋ nɩ̃ɛ na maalɩ yel-bebe yaga yaga zuo ʋ.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

Neemi 9:13

Fʋ yi n a salom zu siw wa ƴɛ̀r a bɛ zie a Sinayi tãw zu: fʋ kʋ̀ bɛ nɩ tub na tɛr yel-mɩŋa a, wulu na ɩ sɩza a, wulu nɩ nɛ-ƴãwnɩ na vɩɛl a za a.

Sɛb-sõw yielu 101:1

Daviir yielu. Sɛb-sõw yielu. Ɩ̃ bɔbr'a k'ɩ̃ɩ yiele a fʋ nɔ̃wfʋ nɩ a fʋ mɩnʋ, Sore e, a fʋ ƴãw n'a ɩ̃ bɔbr k'ɩ̃ɩ yiele.

Sɛb-sõw yielu 112:4

Cãà mɩ́ pur'ɩ a lige pʋɔ a soci-vla sob ƴãw. Nɩ-mɩŋa nɩ nɩ-vla n'ʋ, su-ɓaarʋ sob'ʋ.

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Sɛb-sõw yielu 37:26

Ʋ zɔrɛ nɩ nɩbaalʋ kʋralɛ, ɛ́ pɛ̃wn a ʋ bome, ɛ́ a ʋ bibiir ɩ Naaŋmɩn maalʋ.

Sɛb-sõw yielu 73:28

Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.

Zʋkpaɩ 21:3

Fʋ na tuur a mɩnʋ nɩ a lɛ-na-tu-sɔr-a, alɛ n'a a Sore nɔnɛ zuo a bagɛ.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Ɩzayi 56:1

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Zeremi 22:16

Ʋ mɩ́ tɩ de nɩ a bãbàal nɩ a nã́w sob yele ƴãw a ʋ nuru pʋɔ, ɛ́ a yele za tɩ cere vla. Sob nɛ na ɩrɛ à à ŋá a wul'a k'ʋʋ bãw mɛ̃ na. A Sore n'ʋ yel.

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

A Lãw-mʋɔlɛ 3:26

Yel-vla n'ʋ kɛ́ fʋ ɩ gbili ɛ́ gùre a Sore faafʋ.

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Ezekɩɛl 33:14

Ɛcɛ, a ɩ mɛ̃ ɩ̃ yel'a kʋ̀ nɩ-faa kãw k'ʋʋ sɛwnɩ nɩ kũu: ʋlɛ wa bɛr a ʋ ɩ-faa ɛ́ ɩrɛ tu n a lɛ-na-tu-sɔr-a nɩ a mɩnʋ a, ʋ kʋ̃ kpi ɛ.

A naaŋmɩn-ƴèr-manɛ Oze sɛbɛ 12:6

A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Levitɩ mɩnɛ 26:41

Bɛ na bãwnɩ a pɛr, ɩ̃ na zawrɩ na tu bɛ, ɛ́ tɛr bɛ a bɛ tẽw yi cen nɩ a bɛ dɔ̃ dem tẽw pʋɔ a. Bɛ na siwr'ɩ bɛ tʋɔra, bɛ na bɛ tu a ɩ̃ pùor a ƴãw, ɛ́ bɛ na sàw nɩ a bɛ sãwna dɔwrʋ.

Amɔsɩ 5:24

Ɛcɛ nyɩ ɩ a yel-na-tu-sɔr-a gbɔlɛ mɛ̃ kʋ̃ɔ a, ɛ́ a mɩnʋ gbɔlɛ mɛ̃ bàa na bɛ sɩrɛ a.

Mise 6:9

A Sore ƴɛ̀rɛ nɩ a Zerizalɛm tẽ-kpɛ̃ɛ nɩbɛ zie, ʋʋ na faa nɩ a bɛlɩ dem na ƴãwnɛ ʋ a. «Nyɩ bɛrɛ wone, Zuda dɔwlʋ nɩbɛ ɛ, nyɩɩm za na ɓã taa a tẽw pʋɔ a.

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Matie 5:3

«Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Matie 5:7

Zu-nʋ̃ɔ̀ dem'ɩ a bɛlɩ dem na zɔrɛ a bɛ taabɛ nɩbaalʋ a, bɛ mɩ̀ na zɔ n bɛ nɩbaalʋ.

Luka 10:42

ɛcɛ bʋ̃-been yõ n'ʋ fɛrɛ. A Marya n'ʋ kaa ír a vla zie, ɛ́ nɩr kʋ̃ faa ʋ a ʋ zie ɩ.»

Luka 11:42

Baw-bio dem n'ɩ nyɩ Faarizɩ̃ɛ mɩnɛ ɛ! A zɛ-va-foli al na mɩ́ bul a tʋɔra, bɛ bʋɔlɛ mãtɩ nɩ uru a, lãwnɩ zɛ-va-nyuure nɩ zɛ-va-bʋʋrɛ za nyɩ na mɩ́ kɔ a, nyɩ mɩ́ põ a nɩ ziir pie ír a zi-been sob kʋ̀ a Naaŋmɩn, ɛ́ nɩ̃ɛ bɛ mɩ́ cɛlɛ a yel-mɩnʋ nɩ a Naaŋmɩn nɔ̃wfʋ zie ɩ. Ɛcɛ al pùor'a a mɩ́ fɛr kɛ́ nyɩ tu, ɛ́ ta bɛr a ŋmãa á ŋá ɩ.

Luka 12:14

A Yeezu tɩ sɔw ʋ na: «Ɩ̃ bá a, ãa n'ʋ ƴãw mɛ̃ k'ɩ̃ɩ ɩ a nyɩ ƴɛ̀r-maalɛ bɩɩ a nyɩ bʋ̃-pone?»

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

Ʋrɔm 7:16

Mãa wa ɩrɛ a ʋlɩ bom nɛ ɩ̃ na bɛ bɔbr a, ɩ̃ sàw na k'aa Naaŋmɩn wulu vɩɛl'a.

Ʋrɔm 9:20

Ɛcɛ ãa nɩ̃ɛ nɛ b, nɩsaal i, na ƴɛ̀rɛ lɩɛrɛ nɩ a Naaŋmɩn? Yawra bʋ̃-mɩɛra na tʋ̃ɔ́ na yel a ʋ mɩɛrɛ kɛ́ bʋnʋ ƴãw n'a ʋ mɛ ʋ à à ŋá bɩɩ?

1 Korɛ̃tɩ 7:16

Yel-mɩŋa n'a, ŋmɩŋmɩn za n'a a fʋ̃ʋ pɔw na bãw kɛ́ fʋ na faa nɩ a fʋ sɩr? Bɩɩ a fʋ̃ʋ sɩr kɛ́ fʋ na faa nɩ a fʋ pɔw?

Efɛɛzɩ 4:32

Nyɩ ɩ nɩ-vɩɛlɩ a nyɩ cara pʋɔ, ɛ́ zɔrɛ taa nɩbaalʋ dɩrɛ nɩ suur kʋ̀rɛ taa, mɛ̃ a lɛ a Naaŋmɩn na dɩ suur kʋ̀ nyɩ a Kɩrɩta ƴãw a.

Wulu-ayi-sob 27:10

Nyɩ bɛrɛ wone a ʋ ƴɛ̀rʋ, nyɩ sàwr a ʋ nɛ-ƴãwnɩ nɩ a ʋ wulu ɩ̃ na kʋ̀rɛ nyɩ a dɩ̃a a.»

Wulu-ayi-sob 30:15

Ɩsɩrayɛl nɩbɛ ɛ, nyɩ nyɛ̃, a dɩ̃a a, ɩ̃ bine nɩ a nyɔ-vʋʋrʋ nɩ a nʋ̃ɔ̀ a nyɩ niŋé, a kũu nɩ a kpɩɛrʋ.

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Zakɩ 2:20

Fʋ̃ʋ nɩ-bɛ-tɛr-bir ŋa, fʋ bɔbr'a kɛ́ fʋ bãw a lɛ a naaŋmɩn-sàw-deb na ɩ zawlalɛ ʋlɛ bɛ wa tɛr a ɩ-ɩrɩ a?

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.