Mise 6:5 - A SƐB-SÕW

⁵ Ɩ̃ nɩbɛ ɛ, nyɩ lɛb tɩɛrɩ a lɛ a Mowab tẽw nãà Balakɩ na tɩ bɔbr k'ʋʋ ɩ nyɩ faa a. Nyɩ lɛb tɩɛrɩ a lɛ a Bewɔɔr bidɛb Balaam na tɩ sɔw ʋ a. Al pùorí, ɩ̃ bɩɛlɩ nyɩ nɩ a Sitim tẽw tɩ sãá nɩ a Gilgal tẽw. Lɛ n'a nyɩ tʋ̃ɔ́ nyɛ̃ a gãda-tome a mãa Sore na tõ a nyɩ ƴãw a.»

Mise 6:5 ပူးပေါင်းရင်းမြစ်များ

Sɛb-sõw yielu 111:4

Ʋ bɔbr'a kɛ́ bɛ mɩ́ tɛr a ʋ nɔ-ɓãa-yele tɩɛrʋ. A Sore ɩ n su-ɓaarʋ sob nɩ nɩbaal-zɔrɛ.

Sɛb-sõw yielu 143:11

Sore e, lɛb kʋ̀ m a nyɔ-vʋʋrʋ, a fʋ yúor zũú, ír mɛ̃ a kpɩɛrʋ pʋɔ bɛr, a fʋ mɩnʋ zũú.

Sɛb-sõw yielu 36:10

Bʋ̃ʋ n'ʋ vɛ̃, fʋ̃ʋ zie n'a a nyɔ-vʋʋrʋ bul-nʋɔr be, a fʋ cãà n'a mɩ́ ɩ tɩ nyɛ̃ a cãà.

Sɛb-sõw yielu 71:19

Naaŋmɩn i, a fʋ mɩnʋ do n saa, ɛ́ fʋ maalɩ yel-bɛrɛ bɛrɛ! Naaŋmɩn i, ãa n'ʋ ŋmɛ̃ mɛ̃ a fʋ̃ʋ a?

Ɩzayi 1:27

A Sɩyɔ̃ tẽw wa ɩrɛ a lɛ-na-tu-sɔr-a, ʋ na nyɛ̃ nɩ a faafʋ, ɛ́ a mɩnʋ pùor tub'a na faa a ʋ nɩbɛ na na lɩɛbɩ a bɛ ɩb a.

Sɔr-nɛ́ɛ 22:41

A bio daarɩ́ biɓaara a, a Balakɩ tɩ tɛr'ɩ a Balaam do n Bamɔtɩ-Baal. A Balaam tɩ àr'ɩ a be, ɛ́ nyɛ̃ a Ɩsɩrayɛl nɩbɛ ŋmãa.

Sɔr-nɛ́ɛ 23:27

A Balakɩ tɩ lɛb'a yel à ŋá: «Wa, ɩ̃ lɛb tɛr fʋ cen nɩ zi-yoru. Kapaw, Naaŋmɩn na tɩ sàw na fʋ ŋmɛ ƴãw a nɩbɛ bɛ ŋa kʋ̀ m a be.»

Sɔr-nɛ́ɛ 25:1

A Ɩsɩrayɛl nɩbɛ tɩ zɩ̃ n Sitim. A be a, bɛ tɩ bʋnɩ na ɩrɛ nɩ a Mowab tẽw pɔwbɛ.

Sɔr-nɛ́ɛ 25:2

A pɔwbɛ bɛ ŋa tɩ bʋɔl'ɩ a Ɩsɩrayɛl nɩbɛ a bɛ ŋmɩmɛ bàwr maalʋ zie, bɛ tɩ dɩ a bàwr-maal-bome, ɛ́ puori a bɛ ŋmɩmɛ.

Sɔr-nɛ́ɛ 31:16

Nyɩ bãwnɩ a nɩ vla, a Madian tẽw pɔwbɛ nɛbɛ a Balaam tɩ wul a yã bɛ bɛlɩ a Ɩsɩrayɛl nɩbɛ bɛ bɛ tu a Sore, a Pewɔɔr yele pʋɔ ɩ. A pùorí a, a wa ɩ n kpɩɛrʋ yaga a Sore nɩbɛ zie.

Sɔr-nɛ́ɛ 31:8

Bɛ mɩ̀ tɩ kʋ n a Madian tẽw na-mɩnɛ anũu: Ewi, Erekɛm, Súùr, Huur nɩ Ereva, lãwnɩ a Bewɔɔr bidɛb Balaam.

Sɔr-nɛ́ɛ 33:49

Bɛ tɩ maal'ɩ a bɛ laɩ a Mowab tɩ̃talɛ pʋɔ pɩɛlɩ a Zurdɛ̃, Bɛtɩ-Yesimɔtɩ nɩ Avɛl-Sitim cara pʋɔ.

Efɛɛzɩ 2:11

Nyɩ lɛb tɩɛrɩ a lɛ nyɩ na tɩ ŋmɛ̃ a koro za a. Nyɩ tɩ tɛr'ɩ a nɩ-bʋʋr-yoru bãwfʋ a nyɩ ƴã-gan pʋɔ. A bɛlɩ dem na tɩ yel kɛ́ bɛ ŋma n a bɛ yɛɛ a tɩ bʋɔlɛ nyɩ nɩ nɩbɛ bɛ na bɛ ŋma a yɛɛ a, bɛl na tɛr a ŋmãafʋ ŋa bãwfʋ a bɛ ƴã-gan pʋɔ a zũú.

Wulu-ayi-sob 16:3

A cuw dɩb pʋɔ a, nyɩ bɛ 'wɔbr dipɛ̃ na ƴãw dãbɩl a ɩ. Bibie ayopõi n'a nyɩ na 'wɔb a dipɛ̃ na bɛ ƴãw dãbɩl a, k'aa tʋ̃ɔ́ lɛb sɩ̃w a nyɩ tɩɛrʋ, kɛ́ fɔ̃w fɔ̃wlɛ n'a nyɩ yi a Eziptɩ. Nyɩmɛ wa 'wɔbr a nɩbaal-dipɛ̃ ŋa, a nyɩ nyɔ-vʋʋrʋ daar za a, nyɩ na mɩ́ lɛb'a bãwnɩ a bibir ʋl nyɩ na yi a Eziptɩ a.

Wulu-ayi-sob 23:6

Ɛcɛ a Sore nyɩ Naaŋmɩn bɛ sàw bɛr wõ a Balaam ɛ, ʋ lɩɛb'ɩ a ŋmɛ-ƴãw a ɩ nɔ-vla ƴɛ̀rʋ a nyɩ zie, ʋ na nɔnɛ nyɩ a ƴãw.

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.

Zozue 2:1

A Nun bidɛb, Zozue, tɩ be n a Sitim, ɛ́ tõ dɛbr ayi kɛ́ bɛ cen tɩ sɔwlɩ piwri bãw a tẽw. Ʋ tɩ yel bɛ na: «Nyɩ cen tɩ cɔlɩ jɩ́r a tẽw ŋa nɩ a Zeriko tẽw nyɛ̃.» Bɛ tɩ cen na tɩ kpɛ pɔw-yɛm kãw na dɩ Arahab a yir, gã a be.

Zozue 3:1

A bio daarɩ́ biɓaar-pipi a, a Zozue nɩ a Ɩsɩrayɛl nɩbɛ za tɩ yi n a Sitim, ɛ́ siw a Zurdɛ̃ nʋɔr. Bɛ tɩ gã nɩ a be vɩɛ a zie ìr, ɛ́ bãw gãw.

Zozue 4:19

A cuw dãw-niwn sob bibie pie sob'a a Ɩsɩrayɛl nɩbɛ tɩ gãw a Zurdɛ̃. Bɛ tɩ maal'ɩ a bɛ laɩ Gilgal, a Zeriko saa-pɛrɩ́.

2 Pɩɛr 2:15

Bɛ bɛr'ɩ a sɔ́r-dẽdẽ, ɛ́ bɔr tu a Bosɔɔr bidɛb Balaam pùor, ʋl na tɩ bɛr ɩ-faar sã-ya bɛlɩ nyɔw ʋ a.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:11

Baw-bio dem nɛbɛ, bʋ̃ʋ n'ʋ vɛ̃, bɛ tu n a Kayɛ̃ sɔ́r. Bɛ kpɛ n tulu pʋɔ mɛ̃ a Balaam a, libie ƴãw. Bɛ na tɩ zɛbr mɛ̃ a Koore na tɩ zɛb'ɩ a Moyiir a, bɛ kpi na.

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.

Ƴɛ̀r-dɩrbɛ 11:25

Fʋ tɩɛr kɛ́ fʋ kpɛmɛ na zuo a Sipɔɔr bidɛb Balakɩ, na ɩ a Mowab tẽw nãà a bɩɩ? Ɛcɛ ʋl nɩ̃ɛ bɛ tɩ bɔ a Ɩsɩrayɛl nɩbɛ nɔhaarʋ ɛ, ʋ bɛ tɩ zɛb'ɩ bɛ ɩ.

Ƴɛ̀r-dɩrbɛ 5:11

A kʋ̃ɔnɩ ziir a, dʋ̃-cɩ̃ɩnbɛ manɛ nɩ a Sore yel-vɩɛlɩ, a ʋ yel-vɩɛlɩ a Ɩsɩrayɛl nɩ-bɛrɛ ƴãw, a lɛn daar a Naaŋmɩn nɩ-bʋʋrɛ na yi a tẽw dɩ̃dɛɛ ƴãw a.

1 Samɩɛl 12:7

Ƴɛrɛŋa a, nyɩ wa mãa nɩ nyɩɩm wa maalɩ ƴɛ̀rʋ a Sore niŋé. Ɩ̃ na lɛb'a manɩ a ɩ-vɩɛlɩ al za a Sore na maalɩ nyɩɩm nɩ a nyɩ sãàkʋm-kore ƴãw a kʋ̀ nyɩ.