Mise 6:4 - A SƐB-SÕW

⁴ Ɩ̃ na tɛr nyɩ yi n a Eziptɩ tẽw a n'a bɩɩ? Ɩ̃ na faa nyɩ a gbãgbaalʋ pʋɔ a n'a so bɩɩ? Bɩɩ ɩ̃ na ƴãw a Moyiir, a Aarɔ̃ nɩ Miriyam de nyɩ niwn a n'a so o?

Mise 6:4 ပူးပေါင်းရင်းမြစ်များ

2 Samɩɛl 7:23

Nɩ-bʋʋrɛ been kãw be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl fʋ na cen tɩ ya de, bɛ ɩ a fʋ nɩ-bʋʋrɛ, ɛ́ fʋ ɩ a bɛ yúor yi, ɛ́ fʋ maalɩ nɔ-ɓãa-yele nɩ yele na vʋ̃ɔnɛ pʋ̀lá a, a fʋ tẽw pʋɔ ɔ? Nɩ-bʋʋrɛ be n be ŋmɛ̃ taa nɩ a fʋ nɩ-bʋʋrɛ fʋ na faa a Eziptɩ tẽw nɩbɛ zie nɩ a bɛ ŋmɩmɛ zie a?

Sɛb-sõw yielu 77:20

Fʋ tu na tɔl a kʋ̃ɔ-kpɛ̃ɛ sɔgɔ, fʋ puo nɩ a fʋ sɔ́r a kʋ̃ɔ-zulu pʋɔ, ɛ́ nɩr za bɛ nyɛ̃ a fʋ gbɛ́ɛ bɔwrɩ ɛ.

Eziptɩ tẽw yib 12:51

A bibir ŋa tɔr za n'ʋ a Sore tɩ ɩ a Ɩsɩrayɛl zɛbr-nɩbɛ cɔrɩ yi a Eziptɩ tẽw.

Eziptɩ tẽw yib 20:2

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.»

Eziptɩ tẽw yib 3:10

Ƴɛrɛŋa a, ɩ̃ tone fʋ nɩ a Faarawɔ̃ zie: cen tɩ ɩ a ɩ̃ nɩ-bʋʋrɛ, a Ɩsɩrayɛl nɩbɛ, bɛ yi a Eziptɩ tẽw pʋɔ.»

Eziptɩ tẽw yib 4:10

A Moyiir tɩ yel'ɩ a Sore: «Fʋ gaafara, Sore e, ɩ̃ bɛ ɩ ƴɛ̀r-bãw-ƴɛ̀rɛ ɩ. Ɩ̃ bɛ ɩ ʋ dɩ̃a nɩ bio ɛ, nɩ fʋ mɩ̀ na saa tĩ kɛ́ ƴɛ̀rɛ nɩ mɛ̃ a ɩ. A ƴɛ̀rʋ mɩ́ kpɛmɛ nɩ a ɩ̃ zie.»

Eziptɩ tẽw yib 4:16

Ʋ na mɩ́ lɩɛrɩ fʋ na ƴɛ̀r a nɩbɛ zie: ʋ na ɩ n a fʋ ƴɛ̀r-manɛ, ɛ́ fʋ ɩ mɛ̃ naaŋmɩn a, a ʋ zie.

Eziptɩ tẽw yib 6:27

Lɛ n'a a Moyiir nɩ a Aarɔ̃ tɩ cen tɩ ƴɛ̀r'ɩ a Eziptɩ tẽw nãà Faarawɔ̃, k'ʋʋ bɛr a Ɩsɩrayɛl nɩbɛ bɛ yi a ʋ tẽw pʋɔ.

Zeremi 32:21

Yel-bɛ-dãw-nyɛrɩ na ɩ nɔ-ɓãan a, a fʋ fãw-kpɛ̃ɛ nɩ a fʋ kpɛnʋ na bɛ tɛr dɩ̃ɛnʋ a, alɛ n'a fʋ ɩ n a fʋ nɩ-bʋʋrɛ Ɩsɩrayɛl yi a Eziptɩ tẽw.

Amɔsɩ 2:10

Ɛcɛ a mãa a, ɩ̃ tɩ ɩ na nyɩ yi a Eziptɩ tẽw, ɩ̃ɩ bɩɛlɩ nyɩ yome lɩz'a ayi a wɛja-kpalɛ pʋɔ kɛ̀ nyɩ wa so a Amoritɩ mɩnɛ mɩnɛ tẽw.

Sɔr-nɛ́ɛ 12:1

A Moyiir tɩ kul'ɩ pɔw na ɩ Kusitɩ a. A Miriyam nɩ a Aarɔ̃ tɩ yere ʋ na a kul-taa ŋa ƴãw.

Sɔr-nɛ́ɛ 33:1

Nyɛ̃ a cenu a Ɩsɩrayɛl nɩbɛ na tɩ cere kɛ́ tɛwr zɩnɛ, a lɛn daar a Moyiir nɩ a Aarɔ̃ na tɩ tɛr bɛ bɛ cɔrɩ yi a Eziptɩ a.

Nɩ-toni 7:36

A Moyiir'ʋ tɛr bɛ yi n a Eziptɩ ɛ́ maalɩ yel-bãw-guuri nɩ nɔ-ɓãa-yele a Eziptɩ tẽw nɩ a Kʋ̃ɔ-kpɛ̃ɛ-zɩɛ ƴãw nɩ a wɛja-kpalɛ pʋɔ yome lɩz'a ayi.

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

Wulu-ayi-sob 24:18

Nyɩ cãà bãwnɩ nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn faa nyɩ a. Alɛ n'a so ɩ̃ yel kɛ́ nyɩ sàwr a nɛ-ƴãwnɩ á ŋá.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Wulu-ayi-sob 5:6

Mãa n'ɩ a Sore fʋ Naaŋmɩn na ɩ fʋ yi a Eziptɩ a, a be fʋ na tɩ ɩ gbãgbaa a.

Wulu-ayi-sob 7:8

Ɛcɛ a Sore nɔnɛ nyɩ na, ɛ́ tu a lɛ ʋ na tɩ pɔ yel a nyɩ sãàkʋm-kore zie a. Ʋ ɩ n nɩ a ʋ fãw na bɛ tɛr tʋ̃ɔ́fʋ a nyɩ yi a Eziptɩ, a be nyɩ na tɩ ɩ gbãgbaar a. Ʋ faa nyɩ nɩ a Eziptɩ nãà Faarawɔ̃ nuru pʋɔ.

Wulu-ayi-sob 9:26

Ɩ̃ tɩ puor'ʋ nɩ à ŋá: «Sore Naaŋmɩn i, ta kʋ a nɩ-bʋʋrɛ fʋ na so a pàw pɛr ɛ. A fʋ kpɛnʋ na ɩ kpɛ̃ɛ a zũú n'a fʋ faa bɛ, ɛ́ ɩ n a fʋ fãw na bɛ tɛr tʋ̃ɔ́fʋ a, bɛ yi a Eziptɩ tẽw.

1 Samɩɛl 12:6

A Samɩɛl tɩ lɛb'a yel bɛ: «A Sore dɩ n a dãsɩɛ, ʋl na ƴãw a Moyiir nɩ a Aarɔ̃ ɩ a nyɩ sãàkʋm-kore bɛ yi a Eziptɩ tẽw a.