Mise 6:12 - A SƐB-SÕW

¹² A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Mise 6:12 ပူးပေါင်းရင်းမြစ်များ

Sɛb-sõw yielu 120:2

«Sore e, faa mɛ̃ a zir-ŋmarɛ nɩ a bɛlɩ dem na mɩ́ bɛ̀lɛ a bɛ taabɛ a nuru pʋɔ.»

Sɛb-sõw yielu 35:20

Ƴã-ɓaarʋ ƴɛ̀r-bir bɛ dãw yi a bɛ nʋɔrɩ́ ɛ, gɛgɛ-ɩb tɩɛrʋ n'a bɛ mɩ́ tɛr tuur'ɩ a tẽw nɩbɛ na bɛ damnɛ a.

Sɛb-sõw yielu 78:36

Ɛcɛ nʋɔr'ʋ bɛ mɩ́ tɩ bɛlɛ nɩ ʋ, a bɛ ƴɛ̀rʋ bɛ mɩ́ tɩ ɩ sɩza ɩ.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Zeremi 9:8

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa bɩɩ? A bɛ sɛw k'ɩ̃ɩ yáa a san a nɩ-bʋʋr-ŋa-tɔ zie bɩɩ?»

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Amɔsɩ 6:4

Nyɩ gã gã nɩ wɔ́br nyɩmɛ gadori zu, nyɩ duo duo na gã a nyɩ gado nʋmnʋm zu, ɛ́ 'wɔbr a péli nɩ a náli-'wɔɛ!

Sofoni 1:9

A ʋlɩ bibir nɛ a, ɩ̃ na dɔwr'ɩ a bɛlɩ dem na mɩ́ vár gãw a Ŋmɩn-yir-kpɛ̃ɛ dɩ̃dɔr mɛ̃ a tɩbɛ dem a, a bɛlɩ dem za na mɩ́ paalɩ a bɛ nɩ-kpɛ̃ɛ yir nɩ na-bome bɛ na ɩ nyãnyu-ɩb nɩ po-to-fãw-ɩb páw a.

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Nɩ-toni 24:9

A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.

Ʋrɔm 3:13

A bɛ kɔkɔrpʋɔ ɩ na mɛ̃ yaa bɔw-kpol a, bɛlʋ nʋɔr'ʋ bɛ ƴãw, dɔpan lɔw n'a yire a bɛ nʋɔrɩ́,