Mise 5:7 - A SƐB-SÕW

⁷ A Ɩsɩrayɛl nɩbɛ na cɛ nɩ-bʋʋr-yoru viiri koli a, na kpɛmɛ na mɛ̃ gbẽw wɛ-dʋn sɔgɔ a, mɛ̃ gbẽw-pɔl píir sɔgɔ a. Be za ʋ na mɩ́ tɔlɛ a, ʋ mɩ́ nyɔwr'ɩ a bome tawr ŋmarɛ, ɛ́ nɩr kʋ̃ tʋ̃ɔ́ faa a, a ʋ zie ɩ.

Mise 5:7 ပူးပေါင်းရင်းမြစ်များ

2 Samɩɛl 17:12

Tɩ na páw ʋ nɩ zie nɛ za ʋ na na be a, tɩ na lo n a ʋ zu mɛ̃ ɓɩɛlʋ na lo tẽw a. Ʋlɛ nɩ a ʋ nɩbɛ a, been bɛ cɩ̃ɛnɛ ɩ.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Sɛb-sõw yielu 133:3

A ɩ na mɛ̃ a Hɛrmɔ̃ tã-kpɛ̃ɛ ɓɩɛlʋ, na lore a Sɩyɔ̃ tan zu a. A be n'a, a Sɩyɔ̃ n'a a Sore tɩrɛ a maalʋ, ʋ tɩrɛ a nyɔ-vʋʋrʋ na bɛ tɛr baarʋ daar a.

Sɛb-sõw yielu 72:6

Ʋ ɩ mɛ̃ a saa na mɩ́ wa ƴãw a mʋ̃ɔ na lɛb tɔmnɛ a, mɛ̃ a sa-pla na mɩ́ wa bur a tẽw a!

Zʋkpaɩ 19:12

A nãà suur ɩ na mɛ̃ gbẽw ùoru a, ɛcɛ a ʋ nɔ̃wfʋ ɩb ɩ na mɛ̃ ɓɩɛlʋ na mɩ́ siw mʋ̃ɔ zu a.

Ɩzayi 32:15

Bibir kãw, a Sore na cir'ɩ a ʋ Vʋʋrʋ ƴãw a tɩ zu. Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 55:10

A saa nɩ a sa-pupure mɩ́ yi n a salom zu lo. Ɛcɛ a bɛ mɩ́ lɛb cen a be ɛ́ bɛ bur a tẽw ɛ, ɛ́ bɛ ɩ k'ʋ wɔ̃ wɔmɛ ɩ, ɛ́ bɛ ɩ a bʋ̃-bie a bul ɛ. À ŋá n'a a bʋ̃-bʋʋrɛ mɩ́ be be a bʋrʋ ƴãw, ɛ́ bʋ̃-dɩrɩ be be a dɩb ƴãw.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Ezekɩɛl 14:22

Ɛcɛ nɩbɛ bɛ mɩnɛ, dɛbr nɩ pɔwbɛ, cãà na vʋʋrɛ. Bɛ na yi n a Zerizalɛm wa páw nyɩ. Nyɩmɛ wa nyɛ̃ a bɛ cenu nɩ a bɛ ɩb a, nyɩ na nyɛ̃ nɩ mɔwlʋ a kpɩɛrʋ ɩ̃ na ɩ a ta a Zerizalɛm a ƴãw.

Ezekɩɛl 47:1

A nɩr nɛ tɩ lɛb'a tɛr mɛ̃ wa n a Ŋmɩn-yir-kpɛ̃ɛ dɩ̃dɔr nʋɔr. Lɛ n'a ɩ̃ tɩ nyɛ̃ kʋ̃ɔ a bule yire a dɩ̃dɔr pile a saa-pɛrɩ́. Bʋ̃ʋ n'ʋ vɛ̃, a Ŋmɩn-yir-kpɛ̃ɛ niwn tɩ tori nɩ a saa-pɛrɩ́. A kʋ̃ɔ tɩ gbɔlɛ nɩ a Ŋmɩn-yir-kpɛ̃ɛ saa-pɛrɩ́-dʋrʋ-lowr ɛ́ tɩ tɔlɛ a bàwr-maal-kuur saa-pɛrɩ́-dʋrʋ-lowr.

Ezekɩɛl 5:5

À ŋá n'a a mãa Sore Naaŋmɩn yel: Nyɛ̃ lɛ a na na ŋmɛ̃ a Zerizalɛm a. Ɩ̃ tɩ ƴãw ʋ nɩ a nɩ-bʋʋr-yoru sɔgɔ, tẽ-sãanbɛ tɩ viir'a koli ʋ.

A naaŋmɩn-ƴèr-manɛ Oze sɛbɛ 14:5

À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Mise 4:13

A Sore yere na: «Zerizalɛm nɩbɛ ɛ, nyɩ ìr va a ble! Ɩ̃ na ɩ na nyɩ kpɛmɛ mɛ̃ náab na ƴãw kure ɩ́lɛ́ nɩ kur-zɩɛ nafɩlɛ a. Nyɩ na nɛb'ɩ nɩ-bʋʋr-yaga nɩ gbɛ́ɛ. Ɛ́ a bɛ na-bome nyɩ na na fa a, nyɩ na de a na kʋ̀ m, a mãa Sore, mãa na so a tẽ-daa za a.»

Mise 4:7

A bɛl na cɛwrɛ a, ɩ̃ na ɩ na bɛ ɩ nɩ-bʋʋrɛ na cɛ cãà vʋʋrɛ a, a bɛl bɛ na diw cen nɩ a gbãgbaalʋ pʋɔ a tẽ-yoru a, ɩ̃ na ɩ na bɛ ɩ nɩ-bʋʋrɛ na tɛr fãw a. A mãa Sore, ɩ̃ na dɩrɛ nɩ naalʋ a bɛ zu, a Sɩyɔ̃ tãw zu, a na tĩ a ʋlɩ daar nɛ a, nɩ kʋralɛ.

Mise 5:3

Ɛ́ a nãà ʋl na na wa a, ʋ na kaarɛ nɩ a ʋ nɩbɛ zie, nɩ a Sore fãw, nɩ a Sore ʋ Naaŋmɩn yúor-vɩɛlʋ-danʋ. A ʋ nɩbɛ na tɛr'ɩ ƴã-ɓaarʋ, bʋ̃ʋ n'ʋ vɛ̃, ʋ na ɩ n kpɛ̃ɛ tɩ tɔ a tẽw baarʋ zie.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Zakari 14:8

A lɛn daar a, kʋ̃ɔ na bule na yire a Zerizalɛm, a ŋmãa zɔrɛ cere a Kʋ̃ɔ-kpɛ̃ɛ-kũu lowr, ɛ́ a ŋmãa zɔrɛ cere a Mediterane kʋ̃ɔ-kpɛ̃ɛ lowr, a yũon za, a ũon nɩ a sɩ̃ɔ.

Zakari 9:13

Ɩ̃ na de nɩ Zuda ʋ ɩ a zɛbr tam, Efarayim n'ʋ na ɩ a pĩi. Sɩyɔ̃ i, ɩ̃ na ƴãw na a fʋ bibiir cen tɩ ŋmãa nɩ a Yavan bibiir zɛbr. Ɩ̃ na de bɛ na bɛ ɩ mɛ̃ gãdaa zɛbr-sɔ-kpɛ̃ɛ a.»

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Nɩ-toni 11:15

Ɩ̃ tɩ tine nɩ a ƴɛ̀rʋ wa báarɛ, a Vʋʋrʋ Sõw siw a bɛ zu, mɛ̃ a lɛ ʋ na tɩ siw a tɩ zu a pɛr-tib daar a.

Nɩ-toni 13:46

Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie.

Nɩ-toni 16:9

Tɩ̃ɩsɔw kãw, a Pol tɩ nyɛ̃ nɩ Masedʋan nɩr, ʋ àr zɛlɛ ʋ yere nɩ: «Gãw wa a Masedʋan wa sõw tɩ!»

Nɩ-toni 9:15

Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a.

Ʋrɔm 10:20

Ɩzayi ʋl sʋ̃ɔm'a sàw yel: «A Naaŋmɩn yere na: A bɛlɩ dem na bɛ tɩ bɔbr mɛ̃ a, bɛ nyɛ̃ m'a, a bɛlɩ dem na bɛ tɩ sowre mɛ̃ a, ɩ̃ ɩ na bɛ nyɛ̃ m.»

Ʋrɔm 11:12

A bɛ sãwna wa ƴãw a tẽ-daa naalʋ a, a bɛ nʋɔr na siwri a wa ƴãw a nɩ-bʋʋr-yoru naalʋ a, ŋmɩŋmɩn n'a a pãa nãà ŋmɛ̃ a lɛn daar bɛ za nãà wa nyɛ̃ a faafʋ a!

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

1 Korɛ̃tɩ 3:6

Mãa sɛl'ɩ a tɩɛ, Apɔlɔsɩ cɔ̀r, ɛcɛ Naaŋmɩn n'ʋ tɩ ɩrɛ ʋ kɛrɛ.

Wulu-ayi-sob 32:2

A ɩ̃ wulu, a cire, mɛ̃ saa na waar ƴãwn tɩɩr a, a ɩ̃ ƴɛ̀rʋ, a ƴɛ̀r pàw a ziir mɛ̃ ɓɩɛlʋ na lo pàw mʋ̃ɔ a.

Ƴɛ̀r-dɩrbɛ 6:36

A Zedeɔ̃ tɩ yel'ɩ a Naaŋmɩn: «Fʋ yel'a kɛ́ fʋ na de m a faa nɩ a Ɩsɩrayɛl.