Mise 5:2 - A SƐB-SÕW

² A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

Mise 5:2 ပူးပေါင်းရင်းမြစ်များ

Yele-za-pɛr-tib 35:16

A Zakɔb nɩ a ʋ yir dem tɩ ìr'ɩ a Betɛl. Bɛ tɩ cãà na zãá nɩ a Efarata blã, a lɛn daar a Arasɛl na dɔw a. A dɔwfʋ tɩ kpɛmɛ na.

Yele-za-pɛr-tib 35:19

A Arasɛl tɩ kpi na bɛ ũù ʋ a Efarata sɔ́r nʋɔr, a pɛr lɛ k'aa Bɛtɩlɛm.

Yele-za-pɛr-tib 48:7

Ɩ̃ na tɩ yi a Mezopotami lɛb waar a, ɩ̃ tɩ cɛ nɩ blã na ta a Efarata, a Kanãa tẽw, ɛ́ a fʋ mã Arasɛl kpi a ɩ̃ nuru pʋɔ a sɔ́r zu. A be n'a ɩ̃ ũù ʋ a sɔ́r nʋɔr, a Efarata, bɛ na bʋɔlɛ ƴɛrɛŋa Bɛtɩlɛm a.»

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

1 Bibie za yel-manɩ 2:54

A Salma bʋʋrɛ: a Bɛtɩlɛm tẽw dem, a Netofa tẽw dem, a Atɩrɔtɩ-Bɛtɩ-Yowavʋ tẽw dem, nɩ a Manahatɩ nɩ Sorea tẽw dem põ-zɛ̃-taa,

1 Bibie za yel-manɩ 4:4

A pùorí, Penuwɛl na ŋmãa a Gedɔɔr tẽw a, nɩ Ezɛɛr na ŋmãa a Husa tẽw a. A Efarata bidɛb-dãw Huur na ŋmãa a Bɛtɩlɛm tẽw a, bidɛbr tɩ n'ɩ a bɛ ŋa.

Sɛb-sõw yielu 132:6

Tɩ wõ na bɛ yel k'aa wõ-taa daga be n Efarata. Tɩ nyɛ̃ ʋ nɩ Yaar vuo pʋɔ.

Sɛb-sõw yielu 90:2

A tan na bɛ tɩ yi sɛr a, a tẽsɔw nɩ a zie na bɛ tɩ be sɛr a, fʋ tɩ ɩ n a Naaŋmɩn dɩta-pɛ-yome za, ɛ́ na ɩ ʋ kʋralɛ.

Eziptɩ tẽw yib 18:21

A al na baa cɛ a ƴãw a, kaa ír a nɩbɛ pʋɔ nɩbɛ na ɩ nɩbɛ a, nɩbɛ na zɔrɛ Naaŋmɩn, nɔnɛ a yel-mɩŋa, ɛ́ kʋ̃ sàw bɛ ŋmɛ bɛ nʋɔr a. Ƴãw bɛ ɩ nɩbɛ túre, nɩbɛ kɔbr, nɩbɛ lɩz'a ayiri nɩ piir nɩ nɩbɛ piir nɩ-bɛrɛ.

Eziptɩ tẽw yib 18:25

Ʋ tɩ kaa na ír a Ɩsɩrayɛl nɩbɛ pʋɔ, nɩbɛ na ɩ nɩbɛ a, ƴãw bɛ kaarɛ a nɩbɛ zie, ɩ nɩbɛ túre, nɩbɛ kɔbr, nɩbɛ lɩz'a ayiri nɩ piir nɩ nɩbɛ piir nɩ-bɛrɛ.

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ɩzayi 53:2

A Sore niŋé a, a tõ-tõ-bie tɩ bàa na mɛ̃ vale a, mɛ̃ va-kũule na tɛ̀ nyɩgɛ tẽ-kõw pʋɔ a. A sãáfʋ nɩ a vɩɛlʋ al bʋʋrɛ a nɩbɛ na mɩ́ jɩ́rɛ a, ʋ bɛ tɩ tɛr a ɩ. A ʋ ŋmɛ̃a bɛ tɩ ɩrɛ tɩ nʋ̃ɔ̀ ɛ.

Ɩzayi 55:4

Ɩ̃ tɩ ɩ na ʋ ɩ a ɩ̃ kpɛnʋ dãsɩɛ sob a nɩbɛ zie, ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Zeremi 30:21

A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 2:1

A Yeezu na tɩ dɔw Bɛtɩlɛm, Zude tẽw pʋɔ, Erɔdɩ naalʋ-dɩb daar a, bãw-bãwnbɛ kãw tɩ yi n Saa-pɛrɩ́ wa ta a Zerizalɛm.

Matie 2:6

“Fʋ̃ʋ Bɛtɩlɛm na be a Zude tẽw pʋɔ a, fʋ̃ʋ bɛ n'ɩ a pʋrɩ za a Zuda tẽw loge za pʋɔ ɩ. A fʋ pʋɔ sɩrɩ n'a a nãà na yi, a ʋl na na cɩ̃ɩnɛ a ɩ̃ nɩ-bʋʋrɛ Ɩsɩrayɛl a.”»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Luka 23:2

Bɛ tɩ nyɔw nɩ a ʋ sãwna manʋ yere nɩ: «Tɩ nyɛ̃ nɩ a nɩr ŋa ʋ ƴãwnɛ damnʋ a tɩ bʋʋrɛ pʋɔ, ɛ́ diwr a nɩbɛ bɛrɛ kɛ́ bɛ ta yarɛ a zuru-yar kʋ̀rɛ a Sezaar ɛ, ɛ́ yere kɛ́ ʋlɛ n'ɩ a Kɩrɩta, a Nãà.»

Luka 23:38

Bɛ tɩ sɛb'a ƴãw a ʋ zu-sɔw: «A sob ŋa n'ɩ a Zifʋ mɩnɛ nãà.»

Zã 7:42

A Sɛb-sõw ƴɛ̀r-bie bɛ tʋ̃ɔ́ yel k'ʋʋ na ɩ n Daviir bʋʋrɛ nɩr ɛ́ yi Bɛtɩlɛm na ɩ a Daviir tẽ-dɔwra a ɩ?»

Wulu-ayi-sob 1:15

Lɛ n'a ɩ̃ tɩ de nɩbɛ na ɩ yã-bãwnbɛ ɛ́ bãw bom a, a nyɩ kaafʋ ƴãw. Bɛ tɩ ɩ n a nyɩ dɔwlʋ nɩ-bɛrɛ baarɩ. Ɩ̃ tɩ ƴãw nɩ bɛ mɩnɛ bɛ ɩ nɩbɛ túre, nɩbɛ kɔbr, nɩbɛ lɩz'a ayiri nɩ piir nɩ nɩbɛ piir nɩ-bɛrɛ, ɛ́ ƴãw bɛ ŋmaarɛ bɛ ɩ sɛ-sɛbrbɛ a nyɩ dɔwlʋ been been pʋɔ.

Kɔlɔsɩ 1:17

Ʋ de nɩ niwn be bom za ƴãw, ɛ́ ʋlɛ n'ʋ ɩ a bome za a àr.

Ebre 13:8

A Yeezu Kɩrɩta been n'ʋ, a zãa nɩ a dɩ̃a, nɩ a yome za.

Ebre 7:14

Nɩbɛ za bãwnɩ a na ʋ na ɩ Zuda dɔwlʋ nɩr a, a dɔwlʋ ŋa ƴãw Moyiir na bɛ yel yel za, a lɛ ʋ na tɩ ƴɛ̀rɛ a bàwr-maalbɛ ƴɛ̀rʋ a.

1 Zã 1:1

Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 2:8

«Sɛb yel a Sɩmɩɩr tẽw Lãw-yir malkɩ: À ŋá n'a a niw-diere nɩ a po-pàwrɛ yere, a sob nɛ na tɩ kpi ɛ́ lɛb vʋʋrɛ a:

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Ƴɛ̀r-dɩrbɛ 17:7

Levitɩ pɔlbile kãw na tɩ ɩ nʋʋra a, tɩ kpɩɛr'ɩ a Bɛtɩlɛm na ɩ a Zuda dɔwlʋ tẽw kãw a.

Urutɩ 1:1

A ƴɛ̀r-dɩrbɛ daar, kɔ̃ tɩ lo n a Ɩsɩrayɛl tẽw pʋɔ. Lɛ n'a dɛb kãw na tɩ yi Bɛtɩlɛm na be Zuda tẽw a, tɩ ìr, ʋlɛ nɩ a ʋ pɔw nɩ a ʋ bidɛbr ayi, zɔ kpɛ Mowab tẽw kura pʋɔ.

Urutɩ 4:11

A nɩ-kore nɩ a bɛlɩ dem za na tɩ be a ƴɛ̀rʋ-dɩb zie a, tɩ sɔw na: «Sɩza, tɩ dɩ n a dãsɩɛ! A Sore, ʋ maalɩ a pɔw na waar a fʋ yir a, ʋ ŋmɛ̃ taa nɩ a Arasɛl nɩ a Leya na mɛ a Ɩsɩrayɛl yir a bɛ ayi a. A fʋ nũu, ʋ kpɛmɛ a Efarata dɔwlʋ pʋɔ, ɛ́ a fʋ yúor yi a Bɛtɩlɛm tẽw za pʋɔ.

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»

1 Samɩɛl 17:12

A Daviir tɩ ɩ n Zese bidɛb, na ɩ Efarata dɔwlʋ nɩr, ɛ́ kpɩɛr Zuda tẽw Bɛtɩlɛm a. A Zese tɩ tɛr'ɩ bidɛbr ani. A Sawul daar a, a Zese tɩ ɩ n nɩ-yúor a nɩbɛ pʋɔ.

1 Samɩɛl 17:18

Ɛ́ de a bʋ̀r-kãá-gbile pie á ŋá tɩ kʋ̀ a sojarɩ túr (1 000) nɩ-kpɛ̃ɛ. Tɩ sowri a fʋ yɛbr ƴã-ɓaarʋ nyɛ̃, ɛ́ tɛr a bãwfʋ wa wul mɛ̃.

1 Samɩɛl 23:23

Nyɩ bɔ bãw a ziir al za ʋ na na tʋ̃ɔ́ sɔwlɩ a, ɛ́ nyɩmɛ wa bãw a vla vla a, nyɩɩm lɛb wa yel kʋ̀ m, ɩ̃ páw nyɩ tɩ cen. Ʋlɛ wa sɩrɩ be a tẽw pʋɔ a, ɩ̃ na bɔ n a Zuda tẽw ziir za tɩ nyɛ̃ ʋ.»

1 Samɩɛl 8:12

Ʋ na mɩ́ de nɩ bɛ mɩnɛ ƴãw bɛ ɩ sojarɩ túre nɩ-bɛrɛ, bɛ mɩnɛ ɩ sojarɩ lɩz'a ayi nɩ piir nɩ-bɛrɛ. Bɛ mɩnɛ na kʋɔr'ɩ a ʋ póru, ɛ́ dier a ʋ bome, bɛ mɩnɛ na maalɛ nɩ a ʋ zɛbr bome nɩ a ʋ zɛbr-torkori bome.