Mise 4:7 - A SƐB-SÕW

⁷ A bɛl na cɛwrɛ a, ɩ̃ na ɩ na bɛ ɩ nɩ-bʋʋrɛ na cɛ cãà vʋʋrɛ a, a bɛl bɛ na diw cen nɩ a gbãgbaalʋ pʋɔ a tẽ-yoru a, ɩ̃ na ɩ na bɛ ɩ nɩ-bʋʋrɛ na tɛr fãw a. A mãa Sore, ɩ̃ na dɩrɛ nɩ naalʋ a bɛ zu, a Sɩyɔ̃ tãw zu, a na tĩ a ʋlɩ daar nɛ a, nɩ kʋralɛ.

Mise 4:7 ပူးပေါင်းရင်းမြစ်များ

Sɛb-sõw yielu 2:6

ʋ yere na: «Mãa n'ʋ cir a kãá ƴãw a ɩ̃ nãà, a Sɩyɔ̃ na ɩ a ɩ̃ tãw-sõw a zu.»

Ɩzayi 16:5

a lɛn daar a, a fʋ nɔ̃wfʋ zũú a, naalʋ-dà-kɔw na kpɛmɛ ɛ́ cɛlɛ a na be n be a Daviir bʋʋrɛ ƴãw. Ʋ na zɩ̃ na mɛ̃ ƴɛ̀r-dɩrɛ a, a ʋ tɩ́ɛrʋ za ƴãw a yel na-tu-sɔr-a ƴãw, ʋʋ tʋlɛ a mɩnʋ ƴãw.»

Ɩzayi 24:23

Vĩ na ɩrɛ nɩ a cuw, a mʋ̃tɔ̃w na nyɛ̃ nɩ vĩ. Bʋ̃ʋ n'ʋ vɛ̃, a Sore, a kpɛnʋ-za-sob, na dɩrɛ nɩ naalʋ a Zerizalɛm nɩ a Sɩyɔ̃ tãw zu. A ʋ yúor-vɩɛlʋ-danʋ na nyɩwrɛ nɩ a nɩ-kore niŋé.

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Ɩzayi 60:22

A bɛ pʋɔ a, a pʋrɩ za na lɩɛb'ɩ nɩbɛ túr, a bãbàal woro na lɩɛb'ɩ nɩ-bʋʋrɛ na kpɛmɛ a. A mãa, a Sore a, ɩ̃ na páw nɩ fɔ̃w maalɩ a yel ŋa, a daar wa ta a.

Ɩzayi 66:8

Ãa n'ʋ dãw wõ a yel ŋa tɔ? Ãa n'ʋ dãw nyɛ̃ ʋ? Bɛ mɩ́ dɔw nɩ tẽw bibi-been yõ o? Nɩ-bʋʋrɛ na tʋ̃ɔ́ na nyɛ̃ cãà daƴen daadaa a? Ɛcɛ lɛ n'a a ɩ a Zerizalɛm zie: a 'wɔbrʋ tɩ tine ʋ na wa báarɛ, ʋʋ dɔw a ʋ bibiir!

Ezekɩɛl 43:7

A kɔkɔr nɛ tɩ yel mɛ̃ na: «Nɩsaal bie e, bɛrɛ wone! A ka ɩ n a ɩ̃ naalʋ-dà-kɔw zie, a tẽsɔw ɩ̃ na mɩ́ bin a ɩ̃ gbɛ́ɛ a. Ɩ̃ na kpɩɛr'ɩ a ka a Ɩsɩrayɛl nɩbɛ sɔgɔ kʋralɛ. A Ɩsɩrayɛl nɩbɛ nɩ a bɛ na-mɩnɛ kʋ̃ lɛb ɩ a ɩ̃ yo-sõw la ɩ: bɛ kʋ̃ cãà ɩrɛ a pɔw-yɛm ɩb ɛ́ kʋ̃ cãà ũùne a bɛ na-mɩnɛ na kpi a ƴã-gamɛ a ka ɩ.

Abɩdɩasɩ 1:21

Bɛ na zɛb'a tʋ̃ɔ́, ɛ́ do a Sɩyɔ̃ tãw zu, ɛ́ a be n'a bɛ na tɩ dɩrɛ naalʋ a Edɔm tẽw zu. A Sore na ɩ n nãà!

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Mise 2:13

A sob nɛ na puore a sɔ́r kʋ̀rɛ nyɩ a de nyɩ nɩ niwn. Bɛ faa nyɩ na, nyɩ fɩrfɩr'a tɔl yi. A Sore nyɩ nãà n'ʋ de nyɩ a niwn.»

Mise 5:3

Ɛ́ a nãà ʋl na na wa a, ʋ na kaarɛ nɩ a ʋ nɩbɛ zie, nɩ a Sore fãw, nɩ a Sore ʋ Naaŋmɩn yúor-vɩɛlʋ-danʋ. A ʋ nɩbɛ na tɛr'ɩ ƴã-ɓaarʋ, bʋ̃ʋ n'ʋ vɛ̃, ʋ na ɩ n kpɛ̃ɛ tɩ tɔ a tẽw baarʋ zie.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Sofoni 3:20

A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

Luka 1:33

Ʋ na dɩrɛ nɩ naalʋ kʋralɛ a Ɩsɩrayɛl bʋʋrɛ zu, ɛ́ a ʋ naalʋ kʋ̃ tɛr baarʋ daar ɛ.»

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»