Mise 4:13 - A SƐB-SÕW

¹³ A Sore yere na: «Zerizalɛm nɩbɛ ɛ, nyɩ ìr va a ble! Ɩ̃ na ɩ na nyɩ kpɛmɛ mɛ̃ náab na ƴãw kure ɩ́lɛ́ nɩ kur-zɩɛ nafɩlɛ a. Nyɩ na nɛb'ɩ nɩ-bʋʋr-yaga nɩ gbɛ́ɛ. Ɛ́ a bɛ na-bome nyɩ na na fa a, nyɩ na de a na kʋ̀ m, a mãa Sore, mãa na so a tẽ-daa za a.»

Mise 4:13 ပူးပေါင်းရင်းမြစ်များ

Sɛb-sõw yielu 24:1

Daviir yielu kãw n'ʋ. A Sore só a tẽ-daa nɩ bom za na be a ʋ zu a, ʋlɛ só a tẽw nɩ a bɛlɩ dem na kpɩɛr a ʋ zu a.

Sɛb-sõw yielu 68:29

Naaŋmɩn i, ƴɛ̀r mɛ̃ a lɛ fʋ na tɛr a fãw a, a fãw ŋa na tõ tome a tɩ ƴãw a.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Ɩzayi 18:7

Lɛ n'a bɛ na wa n bʋ̃-kʋ̀rɩ wa kʋ̀ a Sore, a kpɛnʋ-za-sob, a nɩ-bʋʋrɛ bɛ ŋa yúor ƴãw, a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ ɛ́ a mamɛ põ a tẽw a. Bɛ na wa n nɩ a bʋ̃-kʋ̀rɩ á ŋá a Sɩyɔ̃ tãw zu, a be a Sore, a kpɛnʋ-za-sob, na kpɩɛr a.

Ɩzayi 21:10

Ɩ̃ nɩbɛ ɛ, nyɩɩm bɛ na ŋmɛ mɛ̃ ble a gbãgbala pʋɔ a, a yel n'ɩ à ŋà, a Sore, a kpɛnʋ-za-sob, a Ɩsɩrayɛl Naaŋmɩn, na ɩ k'ɩ̃ bãw a. A yel n'ɩ à ŋà ɩ̃ na wa yere kʋ̀rɛ nyɩ a.

Ɩzayi 23:18

Ɛcɛ a alɩ bome nɛ ʋ na na mɩ́ páw a, nɩ a ʋ tɔnɛ a, bɛ na mɩ́ de a na kʋ̀ a Sore. Bɛ kʋ̃ mɩ́ gbõ a taa ɩ, bɛ kʋ̃ mɩ́ maal bin a ɩ. A alɩ bome nɛ ʋ na na mɩ́ páw a, na mɩ́ ɩ n a bɛlɩ dem na kpɩɛr a Sore niŋé a dɩb, ɛ́ sõw bɛ bɛ su kpar-vɩɛlɩ.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Zeremi 51:20

A Sore yere na: «Babɩlɔn i, fʋ ɩ n dakpuli-ŋmãa a ɩ̃ zie, zɛbr bom. Fʋ̃ʋ n'ʋ ɩ̃ pɔb'ɩ ten tʋ̃ɔ́ pelẽpelẽ, ɛ́ sãw nɩ naalʋ-ten bɛr.

Zeremi 51:33

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Bɛ nɛbr'ɩ a Babɩlɔn na ɩrɛ nɩbaalʋ a, mɛ̃ zie bɛ na cɔbrɛ ble vab ƴãw a. Ka nɩ blã a, a na ɩ n a bʋ̃-dieri-deb daar a ʋ zie.»

A naaŋmɩn-ƴèr-manɛ Oze sɛbɛ 10:11

A Efarayim tɩ ɩ na mɛ̃ náab bɛ na pɔwlɩ ʋ nɔnɛ a ble vab a: ɩ̃ na tɩ nyɛ̃ a ʋ nyũu ʋ ta a, ɩ̃ de nɩ a ni-kɔ-dàa dɔwlɩ a ʋ nyũu zu: Zuda buwr'ɩ a tẽw, ɛ́ Zakɔb tawr a kur-jajaa.

Mise 5:7

A Ɩsɩrayɛl nɩbɛ na cɛ nɩ-bʋʋr-yoru viiri koli a, na kpɛmɛ na mɛ̃ gbẽw wɛ-dʋn sɔgɔ a, mɛ̃ gbẽw-pɔl píir sɔgɔ a. Be za ʋ na mɩ́ tɔlɛ a, ʋ mɩ́ nyɔwr'ɩ a bome tawr ŋmarɛ, ɛ́ nɩr kʋ̃ tʋ̃ɔ́ faa a, a ʋ zie ɩ.

Habakukɩ 3:12

Suur'a fʋ mɩ́ cɔlɛ nɩ a tẽw, su-yãyaar'a fʋ mɩ́ nɛb'ɩ a nɩ-bʋʋrɛ nɩ gbɛ́ɛ.

Zakari 12:3

A lɛn daar, ɩ̃ na ɩ na a Zerizalɛm ɩ kʋsɛ-kpɛ̃ɛ a nɩ-bʋʋrɛ na na bɔbr kɛ́ bɛ zɛw ìr'ɩ a. A bɛlɩ dem nãà wa yel kɛ́ bɛ ɩ kaa a, na ƴãw nɩ natɩɛ bɛ tʋɔra. Lɛ n'a a tẽw zu nɩ-bʋʋrɛ za na lãw taa zɛbr'ɩ ʋ.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 4:14

Lɛ n'a ʋ tɩ man mɛ̃ à ŋá: «A nɩbɛ ayi bɛl bɛ na cir a kãá ƴãw a zũú, kɛ́ bɛ ɩ a tẽ-daa za Sore tõ-tõ-biir a nɛbɛ.»

Zakari 6:5

Ʋ tɩ sɔw mɛ̃ na: «A sɛsɛbr anaar'a. A tɩ be n a tẽw za Sore niŋé, ɛcɛ ƴɛrɛŋa a, a cere na.»

1 Korɛ̃tɩ 16:2

Kɔsɩɛra bibir za, bom nɛ ŋa za na tʋ̃ɔ́ páw a ʋ yir bɛr a, ʋ mɩ́ taw ʋ bin kõkowrí, kɛ̀ bɛ ta gùre k'ɩ̃ɩ wa wa bɛ pãa cɩɛrɛ ɩ.

Wulu-ayi-sob 33:25

A ʋ dɩ̃dɛɛ, a piw ʋ tɛr a ʋ dɔ̃ dem ƴãw, a dɩ̃dɛɛ bʋ̃-kparɩ, a ɩ kure bɩɩ kur-zɩɛ! A ʋ fãw, ʋ cɛlɩ man a ʋ nyɔ-vʋʋrʋ!»

Zozue 6:19

A salm-pla nɩ a salm-zɩɛ za, a kur-zɩɛ nɩ a kure bome za, a za na ɩ n Sore sób. Bɛ na de a na ƴãw a Sore na-bome pʋɔ.»