Mise 3:9 - A SƐB-SÕW

⁹ Nyɩ bɛrɛ wone, nyɩɩm, Zakɔb bʋʋrɛ nɩ-bɛrɛ ɛ, nyɩɩm, Ɩsɩrayɛl nɩbɛ ƴɛ̀r-dɩrbɛ ɛ, nyɩ hɩ̃ɛn nɩ a mɩnʋ ɛ́ bom za na tu sɔ́r a, nyɩ mɩ́ ɩ na ʋ bɛ cãà tu sɔ́r ɛ.

Mise 3:9 ပူးပေါင်းရင်းမြစ်များ

Neemi 13:17

Ɩ̃ tɩ nyɔw nɩ a Zuda tẽw nɩ-bɛrɛ yere à ŋá: «Nyɩ maal'a bãw a yel-faa nyɩ na maalɩ a? Nyɩ bɛ de a pɩ̃ɛnʋ-bibir ʋ ɩ bibi-sõw ɛ.

Eziptɩ tẽw yib 3:16

Pãa cen tɩ bʋɔlɩ a Ɩsɩrayɛl nɩ-kore ɓã taa, ɛ́ yel bɛ: “A Sore, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn, ɩ na k'ɩ̃ nyɛ̃ ʋ, ʋʋ yel mɛ̃: Ɩ̃ wa na wa nyɛ̃ nyɩ, ɛ́ nyɛ̃ a lɛ bɛ na ɩrɛ nyɩ a Eziptɩ a,

Zʋkpaɩ 17:15

Nɩr na mɩ́ ƴɛ̀r kpɛ sãwna sob nɩ nɩr na mɩ́ yel k'aa nɩ-mɩŋa ɩ n sãwna sob a, a Sore bɛ nɔnɛ bɛ za ayi towtow ɛ.

Zʋkpaɩ 17:23

A nɩ-faa mɩ́ sɔwl'a ɩ kɛ̀ bɛ ŋmɛ ʋ nʋɔr, k'ʋʋ ɩ a yele ta tu mɛ̃ a lɛ a na tɛr sɔ́r k'aa tu a ɩ.

Zʋkpaɩ 18:5

Yel-faa n'ɩ fʋ na ƴɛ̀r kpɛ a sãwna sob, ɛ́ bɛ wul a nɩ-mɩŋa yel-mɩnʋ a ƴɛ̀rʋ-dɩb pʋɔ a.

Zʋkpaɩ 21:7

A nɩ-faar po-to-fãw-ɩb mɩ́ bɔr'ɩ bɛ na. Bʋ̃ʋ n'ʋ vɛ̃, bɛ bɛ mɩ́ sàw na ɩ a lɛ-na-tu-sɔr-a ɩ.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zeremi 5:28

bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Ezekɩɛl 44:23

A bàwr-maalbɛ na zanɩ nɩ nɩ a ɩ̃ nɩ-bʋʋrɛ bɛ bãw a bom na ɩ sõw nɩ a bom na bɛ ɩ sõw a, a bom na vɩɛl nɩ a bom na tɛr dɛwr a.

A naaŋmɩn-ƴèr-manɛ Oze sɛbɛ 5:1

«A Nyɩɩm bàwr-maalbɛ, nyɩ bɛr wõ a yel ŋa! Ɩsɩrayɛl yir niw-dierbɛ ɛ, nyɩ cɛlɛ be! Nãà yir nɩbɛ ɛ, nyɩ ƴãw tobr! Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ. Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa tẽw, nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw, a Tabɔɔr tãw zu a.

Levitɩ mɩnɛ 26:15

nyɩmɛ wa zawrɩ a ɩ̃ nɛ́ɛ bɛr, nyɩmɛ bɛ wa nɔnɛ a ɩ̃ tub ɩ̃ na ƴãw a, nyɩmɛ bɛ wa sàwr a ɩ̃ nɛ-ƴãwnɩ, sãw a wõ-taa ɩ̃ na maal'ɩ nyɩ a bɛr a,

Amɔsɩ 5:7

Bɛ mɩ́ ɩ n a yel-na-tu-sɔr-a lɩɛbɩ lɔw tuo, ɛ́ mɩ́ dɔwrɛ a bɛlɩ dem na ɩ mɩnʋ nɩbɛ a.

Mise 1:1

Ƴɛ̀rʋ á ŋá n'a a Sore tɩ ƴɛ̀r kʋ̀ a Moresɛtɩ tẽw Mise, a Zuda tẽw na-mɩnɛ Yotam, Akaazɩ nɩ Ezekɩasɩ daar. A bʋ̃-nyɛrɩ ʋ na nyɛ̃ a, a càar'ɩ a Samaari nɩ a Zerizalɛm ten.

Mise 3:1

Ɩ̃ yere na kʋ̀rɛ nyɩ: «Nyɩ bɛrɛ wone, nyɩɩm Zakɔb bʋʋrɛ nɩ-bɛrɛ ɛ, nyɩɩm Ɩsɩrayɛl nɩbɛ ƴɛ̀r-dɩrbɛ ɛ. A nyɩ tõ-nʋɔr bɛ n'ɩ kɛ̀ nyɩ kaarɛ a lɛ-na-tu-sɔr-a zie ɩ?

Wulu-ayi-sob 27:19

«Ŋmɛ-ƴãw, a páw sob nɛ na bɛ dɩrɛ a ƴɛ̀rʋ a tuur sɔ́r a nʋʋra, a bi-kpieb nɩ a pɔw-kʋɔr ƴãw a.» Ɛ́ a nɩbɛ za na sɔw na: «Amɛn!»