Mise 3:8 - A SƐB-SÕW

⁸ Ɛcɛ mãa a, a Sore Vʋʋrʋ ʋ na kʋ̀ m a zũú, ɩ̃ tɛr'ɩ fãw yaga za. Mɩnʋ nɩ kanyir be n a ɩ̃ zie, ɩ̃ yere a Zakɔb bʋʋrɛ sãwna kʋ̀rɛ bɛ, ɛ́ yere a Ɩsɩrayɛl nɩbɛ yel-bier kʋ̀rɛ bɛ.

Mise 3:8 ပူးပေါင်းရင်းမြစ်များ

A Zɔb sɛbɛ 32:18

Ɩ̃ tɛr'ɩ ƴɛ̀rʋ yaga, ɛ́ a tɩɛrʋ na be a ɩ̃ pʋɔ a canɛ mɛ̃ a ƴɛ̀rʋ ƴãw.

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ɩzayi 61:2

Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

Zeremi 1:18

A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 16:2

«A fʋ̃ʋ nɩsaal bie, wul a Zerizalɛm a lɛ a ʋ cenu na tɩ kpɛ faa bɛ maal'ɩ wob a.

Ezekɩɛl 20:4

Fʋ̃ʋ na ɩ nɩsaal tɛwr a, cɔbrɩ fʋ tʋɔra dɩ n bɛ ƴɛ̀rʋ, ta bʋ́nɛ ɩ. Lɛb sɩ̃w a bɛ sãàkʋm-kore ɩ-ɩrɩ na bɛ maal'ɩ wob a, a bɛ zie.

Ezekɩɛl 22:2

«A fʋ̃ʋ nɩsaal bie, cɔbrɩ fʋ tʋɔra dɩ n ƴɛ̀rʋ a Zerizalɛm na ɩ tẽ-kpɛ̃ɛ-nɩ-kʋrɛ a, ta bʋ́nɛ ɩ! Ɩ ʋ lɛb tɩɛrɩ bãw a ʋ ɩb na bɛ maal'ɩ wob a.

Ezekɩɛl 23:36

A Sore tɩ yel mɛ̃ na: «A fʋ̃ʋ nɩsaal bie, fʋ na dɩ n nɩ ƴɛ̀rʋ a Ohola nɩ a Oholiba. Wul bɛ a ɩb na bɛ maal'ɩ wob al za bɛ na ɩ a.

Ezekɩɛl 3:14

Lɛ n'a a Vʋʋrʋ na tɩ zɛw mɛ̃ ìr'ɩ a tẽw a tɩ ɓáw mɛ̃ cen nɩ. A Sore kpɛnʋ tɩ nyɔw mɛ̃ na ɩ̃ kʋ̃ tʋ̃ɔ́ zawrɩ ɛ, ɩ̃ɩ tɩ tɔl cen nɩ socir na sãw ɛ́ dam a.

Ezekɩɛl 43:10

Ɛ́ a fʋ̃ʋ nɩsaal bie, man a Ŋmɩn-yir-kpɛ̃ɛ ŋmɛ̃a kʋ̀ a Ɩsɩrayɛl nɩbɛ. Bɛ nyɛ̃ vĩ a bɛ yel-bebe zũú, ɛ́ su zu zanɩ a yir ŋa ŋmãafʋ na manɩ ƴãw sɛbɛ zu a.

Matie 7:29

Ʋ bɛ tɩ wule bɛ mɛ̃ a bɛ Naaŋmɩn wulu sɛ-sɛbrbɛ a ɩ, ʋ tɩ wule bɛ na mɛ̃ nɩr na tɛr a wulu fãw a.

Markɩ 3:17

Zebede bidɛbr Zakɩ nɩ a ʋ yɛb Zã, ʋ na por kɛ́ «Boanɛgɛsɩ» a, a pɛr lɛ kɛ́ saa bibiir,

1 Korɛ̃tɩ 2:4

A ɩ̃ ƴɛ̀rʋ nɩ a ɩ̃ Yel-nʋ̃ɔ̀ hieru bɛ tɩ tu nɩsaal yã-bãwfʋ ƴɛ̀r-bie k'ɩ̃ɩ ƴɛ̀r tʋ̃ɔ́ nɩ nyɩ ɛ, a tɩ ɩ n wulu a Vʋʋrʋ Sõw na mɩ́ tɩ wul a sãá a,