Mise 2:8 - A SƐB-SÕW

⁸ Ɛcɛ a Sore ƴɛ̀rɛ nɩ à ŋá a nyɩ zie: «Nyɩ ìr'a ɩ a ɩ̃ nɩ-bʋʋrɛ dɔ̃ dem. A nɩbɛ na mɩ́ yi a zɛbr zie lɛb waar bɛr yã ɛ́ cere a, nyɩ mɩ́ faa nɩ a bɛ kpar-bɛrɛ bɛ na su dɔwlɩ a kpali zu a.

Mise 2:8 ပူးပေါင်းရင်းမြစ်များ

2 Samɩɛl 20:19

A Ɩsɩrayɛl tẽw nɩbɛ za pʋɔ a, tɩ pʋɔ nɩ a ƴã-ɓaarʋ nɩbɛ nɩ a nɩ-mɩn pʋɔ. Ɛcɛ fʋ̃ʋ bɔbr kɛ́ fʋ ŋmɛr a tẽw ŋa na pʋɔ a Ɩsɩrayɛl tẽ-bɛrɛ pʋɔ a bɛr! Bʋ̃ʋ n'ʋ so fʋ bɔbr kɛ́ fʋ sãw a zie a Sore na so a bɛr?»

Sɛb-sõw yielu 55:20

A Naaŋmɩn na wõ a na, ɛ́ siwri bɛ, ʋl na dɩrɛ naalʋ dɩta-pɛ-yome za a. Tɛw-àrʋ Lɩɛbʋ bɛ be a bɛ zie ɩ, bɛ bɛ zɔrɛ a Naaŋmɩn ɛ.

Zeremi 12:8

A bɛlɩ dem ɩ̃ na so a, ɩ n a ɩ̃ zie mɛ̃ gben na be mʋ̃ɔ pʋɔ a. Bɛ ùore nɩ a ɩ̃ ƴãw, alɛ so ɩ̃ bɛ cãà nɔnɛ bɛ ɩ.

Mise 3:2

Ɛcɛ, nyɩ hɩ̃ɛn nɩ a vla, ɛ́ nɔnɛ a faa, nyɩ sɩrɛ nɩ a nɩbɛ gamɛ ɛ́ bɩɛlɛ a nɛn-buge na pàw a bɛ kɔbɛ a.»

Mise 3:3

Sɩza n'a, a ɩ̃ nɩ-bʋʋrɛ ƴã-gã-nɛnɛ n'ɩ a bɛ dɩb. Bɛ tawr'ɩ a bɛ gamɛ tʋɔrɛ, bɛ karɛ nɩ a bɛ kɔbɛ, bɛ ŋmarɛ bɛ nɩ pʋrpʋr, mɛ̃ nɛn bɛ na ƴãw ziduwle pʋɔ a.

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.