Mise 2:1 - A SƐB-SÕW

¹ Baw-bio dem n'ɩ a bɛlɩ dem na mɩ́ gã a tɩ̃ɩsɔw tɩɛrɩ ɛ́ cɔbrɩ a yel-faa maalʋ a. A zie wa wɛlɛ a, bɛ mɩ́ maal'a, bɛlɛ wa tɛr a fãw a lɛn daar a.

Mise 2:1 ပူးပေါင်းရင်းမြစ်များ

Yele-za-pɛr-tib 31:29

Ɩ̃ tɛr'ɩ fãw na ɩ a kpɛ nyɩ, ɛcɛ a nyɩ sãà mɩnɛ Naaŋmɩn yel mɛ̃ nɩ a tɩ̃ɩsɔw: “Taa wa ƴɛ̀rɛ ƴɛ̀rʋ za, ƴɛ̀r-vla bɩɩ ƴɛ̀r-faa, a Zakɔb zie ɩ.”

1 Na-mɩnɛ 21:7

Lɛ n'a a Zezabɛl tɩ yel ʋ: «Fʋ̃ʋ bɛ n'ʋ dɩrɛ a naalʋ a Ɩsɩrayɛl zu ɛ? Ìr dɩ, ɛ́ lɛb tɛr pʋ-pɩɛlʋ. Mãa na kʋ̀ b'ɩ a Nabɔtɩ na yi a Izireyɛl a divɛ̃ tɩɩr púo.»

A Zɔb sɛbɛ 15:35

Sob nɛ na tɛr kpɩɛrʋ pʋɔ a na dɔw nɩ yel-faa, ɛ́ a tɩɛrʋ na bɩ a ʋ puori a, ʋlɛ n'ʋ na bɛlɩ ʋ.

A Zɔb sɛbɛ 24:14

Zi-wɛl-paala n'a a nɩ-kʋrɛ ìre, ʋ mɩ́ kʋ n a nã́w sob nɩ a nɩbaal, ɛ́ a tɩ̃ɩsɔw ʋ zure.

Sɛb-sõw yielu 36:4

Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

Sɛb-sõw yielu 36:5

A ʋ bʋ̃-gana zu n'a ʋ mɩ́ tɩɛrɩ a faa, ʋ kpãa nɩ tobr tuur sɔ́r na bɛ vɩɛl a, ʋ bɛ zawrɛ a yel-faa bɛrɛ ɩ.

Sɛb-sõw yielu 58:3

Ʋ̃ʋ'hʋ̃! Nyɩ mɩ́ bãw na kɛ́ ɩrɛ a ɩ-faar, nyɩ bɛr'ɩ vuo a po-to-fãw ɩ-ɩrɩ ƴãw a tẽw zu.

Zʋkpaɩ 12:2

A nɩ-vla yele mɩ́ pɛlɩ nɩ a Sore pʋɔ, ɛcɛ a bɛlɩ dem na mɩ́ tule a bɛ taabɛ a, ʋ mɩ́ ƴãw bɛ nɩ dɔwrʋ.

Zʋkpaɩ 14:22

A bɛlɩ dem na tɛr tɩɛr-faar a mɩ́ bɔrɛ nɩ a sɔ́r, ɛcɛ nɔ̃wfʋ nɩ pùor-bɛ-lɛbrʋ n'a a bɛlɩ dem na tɛr tɩɛr-vɩɛlɩ a mɩ́ páw.

Zʋkpaɩ 3:27

Ta zawrɩ nɩr a na fɛrɛ a maalʋ ɛ, fʋ̃ʋ na na tʋ̃ɔ́ maal'ʋ a.

Zʋkpaɩ 4:16

A nɩbɛ bɛ ŋa bɛ wa maalɩ yel-faa a, bɛ bɛ gúre ɩ. Bɛlɛ bɛ wa ɩ nɩr lo sãwna pʋɔ a, a gʋ̃ɔ mɩ́ zawrɩ bɛ na.

Ɩzayi 29:20

Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ, ɛ́ a nyɔka dem kʋ̃ cãà be ɩ. A bɛlɩ dem za na mɩ́ ũú gù a yel-faa maalʋ a, bɛ na kʋ bɛ na pàw pɛr,

Ɩzayi 3:14

Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ɩzayi 32:7

A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.

Ɩzayi 5:8

Baw-bio páw nɩ a bɛlɩ dem na mɩ́ tɛr yir ƴãw pʋɔ yir ƴãw a, na mɩ́ de púo ƴãw pʋɔ púo ƴãw a, ɛ́ mɩ́ tɛr tɩ faa a zie za ɛ́ cɛ bɛ tɛwr kpɩɛr a tẽw a.

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Ezekɩɛl 11:2

A Vʋʋrʋ tɩ yel mɛ̃ na: «A fʋ̃ʋ nɩsaal bie, bɛrɛ wone! Nyɛ̃ a nɩbɛ bɛl na bɔbr kɛ́ bɛ maalɩ faa a. Bɛ wule nɩ yã-faar a Zerizalɛm tẽw pʋɔ.

Ezekɩɛl 33:26

A nyɩ zɛbr bome tɛwr ƴãw n'a nyɩ ƴãw a nyɩ tɩɛrʋ. Nyɩ ɩrɛ nɩ ɩb na bɛ maal'ɩ wob a, nyɩ maalɛ nɩ pɩ̃ɔ-yele, ŋmɩŋmɩn n'a nyɩ na tʋ̃ɔ́ so a tẽw?

Ezekɩɛl 38:10

A mãa Sore Naaŋmɩn yere na, a daar ŋa wa ta a, tɩɛr-yaga na waar'ɩ a fʋ zu, ɛ́ fʋ na tɩɛr'ɩ faa maalʋ tɩɛrʋ.

Ezekɩɛl 46:18

Ɛcɛ a bɛ tɛr sɔ́r k'aa nãà de bom a tẽw nɩr kãw na so a, faa a ʋ zi-sóra ɛ́ bɛr ʋ ɛ. A ziir ʋ na na kʋ̀ a ʋ bibiir a na yi n a ʋ zi-sóra pʋɔ, lɛ n'a bɛ kʋ̃ diw nɩr za a ɩ̃ nɩ-bʋʋrɛ pʋɔ a zie ʋ na so a pʋɔ ɩ.»

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Nahum 1:11

Nɩnɩɩvʋ tẽw i, a fʋ pʋɔ n'a nɩr yi, tɩɛrɛ faa a Sore ƴãw, nɩ-bɛ-tɛr-bir a tɩɛrʋ na bɛ vɩɛl a.

Zakari 7:10

Nyɩ ta dɔwrɛ a pɔw-kɔbɛ nɩ a bi-kpebe ɩ, a nʋʋrɩ nɩ a nan dem ɛ. Nyɩ ta mɩ́ tɩ́ɛrɛ kɛ́ nyɩ maalɩ taa faa ɩ.»

Markɩ 15:1

A biɓaar-pipi, a bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ mɩnɛ nɩ-kore, nɩ a bɛ ƴɛ̀rʋ-dɩb-lãw nɩbɛ za, tɩ wõ n taa ɛ́ nyɔw a Yeezu 'lẽ cen nɩ tɩ kʋ̀ a Pɩlatɩ.

Luka 20:19

A Naaŋmɩn wulu sɛ-sɛbrbɛ nɩ a bàwr-maal-nɩ-bɛrɛ tɩ bɔbr'ɩ a Yeezu nyɔwfʋ a pɛr nɛ pʋɔ, ɛcɛ bɛ tɩ zɔ n a nɩbɛ dɛ̃bɩ̃ɛ. Bɛ tɩ bãwnɩ a na bɛlɛ na nɛbɛ ʋ lɔb a zʋkpar jɩɛr'ɩ a.

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»

Nɩ-toni 23:12

A zie na wa vɩɛ a, a Zifʋ mɩnɛ bʋ n taa ɛ́ pɔ kɛ́ bɛlɛ bɛ wa kʋ a Pol a, bɛ kʋ̃ dɩ bom kʋ̃ nyũ kʋ̃ɔ ɩ.

Nɩ-toni 23:15

A na ɩ à ŋá a, nyɩ cen tɩ wõ taa nɩ a ƴɛ̀rʋ-dɩb-lãw nɩbɛ, ɛ́ zɛlɩ a sojarɩ túr (1 000) nɩ-kpɛ̃ɛ yel kɛ́ nyɩ bɔbr'a k'ʋʋ tɛr a Pol wa n, nyɩ wa lɛb bãw jɛl a ʋ yele vla kaa a. Tɩɩm ƴãw a, tɩ cɔbr'a baarɩ, tɩ na ŋmɛ ʋ na kʋ a sɔ́r zu, ʋʋ bɛ ta a ka sɛr ɛ.»

Ʋrɔm 1:30

ɛ́ manɛ a bɛ taabɛ yele. Naaŋmɩn dɔ̃ dem nɛbɛ, zɛb-ŋmarbɛ, pɔ̀lʋ dem, nɩbɛ na mɩ́ pɔrɛ zawlalɛ a, nɩbɛ na tɛr yã a yel-faar maalʋ ƴãw a, na bɛ sàwr a bɛ dɔwrbɛ nʋɔr a.

Wulu-ayi-sob 28:32

A nyɩ bidɛbr nɩ a nyɩ pɔwyaar na kpɛ n nɩ-bʋʋr-yoru nuru pʋɔ ɩ gbãgbaar. Nyɩ na mɩ́ úor'ɩ a bɛ lɛb-waa a bibi-ɓil za, ɛ́ kʋ̃ tʋ̃ɔ́ ɩ bom ɛ.