Mise 1:8 - A SƐB-SÕW

⁸ A mãa Mise a, ɩ̃ na kone na ŋmɩɛr'ɩ cɛlsɩ, ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol. Ɩ̃ na ùore na mɛ̃ a gbõgbo-cili a. Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.

Mise 1:8 ပူးပေါင်းရင်းမြစ်များ

2 Na-mɩnɛ 18:13

A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

A Zɔb sɛbɛ 30:29

A ɩ̃ kon ɩ na ɩ̃ lɩɛbɩ gbõgbo-cili yɛb ɛ́ vìíri ɩ a ɩ̃ taabɛ.

Sɛb-sõw yielu 102:6

Ɩ̃ kõ n a kon tɩ wɛ ɛ́ cɛ kɔbɛ tɛwr.

Ɩzayi 13:21

Ɛcɛ a nyãanyũ-gaarɩ na kpɩɛr'ɩ a be, ɛ́ a vìíri paalɩ a yie. A kʋlãdisowli na kpɩɛr'ɩ a be, ɛ́ a bʋrali ƴáwr dɩ̃ɛnɛ a be.

Ɩzayi 13:22

A jɩbʋrɩ na kpɛ na paalɩ a ʋ yir-bɛrɛ, ɛ́ a gbõgbo-cili kpɩɛr a ʋ na-yir-vɩɛlɩ pʋɔ. A Babɩlɔn baarʋ daar pɩɛl'a, ʋ tarɛ na, bibi-been bɛ lɛb dɔwlɛ ɩ.

Ɩzayi 16:9

Alɛ n'a so ɩ̃ lãw nɩ a Yazɛɛr tẽw dem kone ƴãwn a Sivima divɛ̃ tɩɩr póru. Ɩ̃ na kõ na cir a ɩ̃ mʋta-kʋ̃ɔ ƴãw nyɩ, Hɛsɩbon nɩ Eleale e. Bʋ̃ʋ n'ʋ vɛ̃, zɛbr cɛl ŋmɛ n a nyɩ divɛ̃ tɩɩr wɔmɛ nɩ a nyɩ bʋ̃-dieri ƴãw.

Ɩzayi 21:3

Alɛ n'a so a ɩ̃ pʋsabɛ za màwr. 'Wɔbrʋ 'wɔbr mɛ̃ na, mɛ̃ pɔw na dɔwr a 'wɔbrʋ a. A damnʋ dam mɛ̃ na zuo ɩ̃ kʋ̃ tʋ̃ɔ́ wõ bom ɛ, pʋl-vʋ̃ɔ tɛr mɛ̃ na zuo ɩ̃ kʋ̃ tʋ̃ɔ́ nyɛ̃ bom ɛ.

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:19

Pɔwbɛ ɛ, nyɩ bɛr wõ a Sore ƴɛ̀rʋ! Nyɩ yuo a nyɩ tobe wõ a lɛ ʋ na yere a. Nyɩ zanɩ nɩ a nyɩ pɔwyaar a lãw-mʋɔlɛ ŋa, ŋa za mɩ́ zanɩ nɩ a ʋ tɔ a lãw-mʋɔlɛ ŋa kon:

Ezekɩɛl 32:18

«A fʋ̃ʋ nɩsaal bie, ŋmãa lãw-mʋɔlɛ a Eziptɩ tẽw nɩbɛ ƴãw. A fʋ lãw-mʋɔlɛ, ʋ cã bɛ lãwnɩ a nɩ-bʋʋr-kpɛn bɛl na cɛ a lɔb a kpɩmɛ tẽw, a be a kũuni na siwr a.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

1 Samɩɛl 19:24

Ʋ mɩ̀ tɩ yaa nɩ a ʋ bʋ̃-suuri bɛr, ɛ́ a naaŋmɩn-ƴɛ̀r-manbɛ ƴã-cɩrʋ mɩ̀ tɛr ʋ a Samɩɛl niŋé. Ʋ wa tɩ lo na gã nɩ ƴã-gã-kpãkpol, ɛ́ gã a lɛ a bibi-ɓil za nɩ a tɩ̃ɩsɔw ɓɩl za. Lɛ n'a so bɛ mɩ́ yel: «A Sawul mɩ̀ lɩɛb'ɩ naaŋmɩn-ƴɛ̀r-manɛ bɩɩ?»