Mise 1:5 - A SƐB-SÕW

⁵ A Zakɔb bʋʋrɛ bɛ-wonu, a Ɩsɩrayɛl yir dem yel-bebe n'a so à á ŋá za. Ãa n'ʋ so a Zakɔb bʋʋrɛ bɛ-wonu? A Samaari tẽw bɛ n'ʋ ɛ? Ãa n'ʋ so a Zuda nɩbɛ na ƴãwnɛ a tɩbɛ a? A Zerizalɛm tẽw bɛ n'ʋ ɛ?

Mise 1:5 ပူးပေါင်းရင်းမြစ်များ

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

1 Na-mɩnɛ 13:32

Bʋ̃ʋ n'ʋ vɛ̃, a Sore yúor ƴãw sɩrɩ n'a ʋ ƴɛ̀r ƴãw a Betɛl bàwr-maal-kuur, nɩ a yie za na be a maalʋ-ziir a Samaari tẽ-bɛrɛ pʋɔ a: a lɛ ʋ na yel a na sɩrɩ na tu.»

1 Na-mɩnɛ 16:24

Al pùorí ʋ cen tɩ páw Semɛɛr, dà a Samaari tãw a ʋ zie, salm-pla libie túr ayʋɔb (6 000). Ʋ tɩ ŋmãa nɩ tẽ-kpɛ̃ɛ a be, por a yúor Samaari, ʋ tu a Semɛɛr, na dãw so a tãw a, yúor.

2 Bibie za yel-manɩ 34:3

A ʋ naalʋ-dɩb yome ani sob daar, ʋ na saa tɩ cãà ɩ pɔlbile a, ʋ tɩ tĩ na bɔbr a ʋ sãàkʋm-kʋra Daviir Naaŋmɩn pʋ-tɩɛrʋ. A ʋ naalʋ-dɩb yome pie nɩ ayi sob, ʋ tɩ tĩ na íre a Zuda nɩ a Zerizalɛm dɛwr bɛrɛ: ʋ tɩ sãw nɩ a maalʋ-ziir bɛr, cɛ a dà-barɩ nɩ a ŋmɩn-bɛlɛbɛlɛ dasuli lɔb.

2 Bibie za yel-manɩ 34:4

Bɛ tɩ ŋmɛr'ɩ a Báàl bàwr-maal-kube a ʋ niŋé, ɛ́ mɩ̀ da parfɛ̃ nyɩwfʋ zie na tɩ be a bàwr-maal-kube zu a lɔb, ɛ́ cɛ a dà-barɩ lɔb ɛ́ ŋmɛr ŋmɛr a tɩbɛ bɛr. Bɛ tɩ ƴɛ́r a na ŋmɛr, yaarɩ a zɔ̃ ƴãw a bɛlɩ dem na tɩ maalɩ a bagɛ á ŋá a yarʋ zu.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 23:13

«A ʋlɩ bom ɩ̃ na tɩ nyɛ̃ a Samaari tẽw dem naaŋmɩn-ƴɛ̀r-manbɛ zie a tɩ dam mɛ̃ nɩ yaga za, a Sore n'ʋ yel. Bɛ tɩ ƴɛ̀rɛ nɩ a Báàl yúor ƴãw, bɛ tɩ ɩrɛ nɩ a ɩ̃ nɩ-bʋʋrɛ, a Ɩsɩrayɛl, ʋ bɔrɛ.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 4:18

Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 5:25

A nyɩ sãwna dam'ɩ à á ŋá za nyaw taa, a nyɩ yel-bebe n'a piw nyɩ nyɩ bɛ páw a yel-vɩɛlɩ á ŋá ɩ.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

A Lãw-mʋɔlɛ 5:16

Tɩ bɛ cãà tɛr yúor ɛ. Nyɛ̃ baw-bio na páw tɩ a, bʋ̃ʋ n'ʋ vɛ̃, tɩ maal'ɩ yel-bier!

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Amɔsɩ 7:9

Ɩ̃ na sãw nɩ a Ɩzaakɩ bʋʋrɛ maalʋ-ziir bɛr, ɩ̃ na ŋmɛ n a Ɩsɩrayɛl zi-son lɔb, ɛ́ ìr'ɩ zɛbr a Zerobowam yir dem.»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Mise 1:13

Lakisɩ tẽw dem i, nyɩ caw a wie a torkori, nyɩ cɔwr'ɩ a Ɩsɩrayɛl nɩbɛ sãwna, taw a Zerizalɛm ƴãw a yel-bier pʋɔ.