Mise 1:14 - A SƐB-SÕW

¹⁴ Alɛ n'a a fɛr kɛ́ nyɩɩm nɩ a Moresɛtɩ-Gatɩ tẽw dem bʋ́r taa. A Akizivʋ tẽw ƴãw a, ʋ kʋ̃ tɛr sõwfʋ kãw za a Ɩsɩrayɛl nɩbɛ na-mɩnɛ ƴãw ɛ.

Mise 1:14 ပူးပေါင်းရင်းမြစ်များ

2 Samɩɛl 8:2

Ʋ mɩ̀ tɩ zɛb'a tʋ̃ɔ́ a Mowab tẽw dem. Ʋ tɩ fɛr bɛ na ƴãw bɛ gã pɩɛrɩ tẽw, ʋʋ bʋ́r bʋ́r bɛ nɩ miw-máná. Ʋ tɩ kʋ n ziir ayi nɩbɛ, ɛ́ bɛr a ziir ata sob dem. Lɛ n'a a Mowab tẽw dem tɩ lɩɛbɩ a Daviir tõ-tõ-biir, a fɛr kɛ́ bɛ mɩ́ ya zu-yar.

2 Na-mɩnɛ 16:8

Al pùorí, ʋ de a salm-zɩɛ nɩ a salm-pla na tɩ be a Ŋmɩn-yir-kpɛ̃ɛ pʋɔ a, nɩ a nãà yir na-bome dĩó a, tɩr bɛ tɩ kʋ̀ a Asiiri tẽw nãà.

Sɛb-sõw yielu 62:9

Nɩbɛ ɛ, nyɩ mɩ́ ɓãá ƴãw bɛr nyɩ tʋɔra kʋ̀ ʋ kʋralɛ, nyɩ mɩ́ ƴɛ̀r a nyɩ pʋɔ ƴɛ̀rʋ kʋ̀ ʋ. A Naaŋmɩn n'ɩ a tɩ sɔwlʋ zie! Tɛw-àrʋ

Ɩzayi 30:6

Dʋn na tuo tuor a tɔlɛ nɩ a Negɛɛvʋ wɛja-kpalɛ pʋɔ. Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ, wɛ-narʋ, bʋ̃-daar nɩ bʋ̃-pɔwbɛ, dɔpamɛ nɩ wa-bɩɩr na ƴawr a kpɛb zie n'a. Nɩbɛ tuo nɩ a bɛ na-bome nɩ a bɛ na-bʋ̃-tuor bòn zu nɩ nyɔ̃wmɩ zɩgɛ zu. Nɩ-bʋʋrɛ kãw, na kʋ̃ tɛr yel-ɩra kãw za a bɛ zie a, so a.

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zozue 15:44

Keila, Akizivʋ, Maaresa: tẽ-bɛrɛ piwaɩ nɩ a tẽli-kpɔwlɩ.